8月19日 (星期六) 26~31度 天陰☁️/陣小雨又一次走運，全程只落了點陣小雨🥳🍻本來計劃走一圈後返回北潭涌離開，去到後半段萬宜路突然有架9A小巴經過，自然反應遞手上車🤣🤣🤣上車後先反應過來，做乜上車嘅🤔😅不過呢段3.5公里路又無乜特別，唔行都唔會損失嘅。雖然路線非常輕鬆，但因落過雨路徑變得有點惡劣，濕滑跣，也要小心慢行；今日重點打卡位是曝罟灣壩堤，離開壩堤後沿海邊路徑走1.6公里到元五墳，此段路其實是沿海路線，但右邊景觀給草叢擋住了，只有初段有小缺口可望到曝罟灣壩堤全貌，之後要到尾段才有開揚景觀，會望到西壩，創興水上活動中心和大頭洲，之後上走小小轉出去萬宜路(亦是麥理浩徑1段)，萬宜路出北潭涌約3.5公里，除了徒步亦可截的士或乘9A小巴離開。路線 : 北潭涌 ➡️ 上窰 ➡️ 灰窰 ➡️ 民俗文物館 ➡️ 北潭涌自然教育徑 ➡️ 起子灣 ➡️ 曝罟灣壩堤 ➡️ 元五墳營地 ➡️ 萬宜路 完 (5.5公里/3小時40分連影相小休) 🚘今日係試坐33R去北潭涌，係荃灣眾安街站上車，45分鐘可到北潭涌總站，少人坐又少人上落車，好正，但要留意早上/下午各四班車及一小時一班車。👇10：15起步🚶♀️🚶♀️🚶♀️🚶♀️🚶♀️🚶♂️落車後轉出大網仔路往上窰方向走 👇蝴蝶飛舞🦋🦋 👇約5分鐘後右轉入北潭涌自然教育徑 👇發記士多今日無開喎😅仲諗住行完山嚟嘆個下午茶添☕️ 👇過橋後右邊走，是條輕鬆郊遊徑，先經過上窰村，之後灰窰及民俗文物館 👇路徑旁有招潮蟹，太細影咗都睇唔到🤣 👇文殊蘭 👇10：40到灰窰 👇往前小小就是上窰民俗文物館 👇原來入口是更樓。開放時間10：00~17：00(逢星期二休館) 👇文物館旁邊的小碼頭及紅樹林 👇聖母七苦小堂 (不對外開放) 👇繼續直走 (左邊是上窰家樂徑) 👇之後會有三個分岔路，全部行左邊的，到第四個分岔路，右邊轉入往曝罟灣壩堤✳️第一個分岔路口 (右邊是往白普理營地) 👇第二個分岔路，左邊起子灣村方向走 👇呢段路好多廢棄屋，都幾陰森恐怖😅尤其係落過雨🫣 👇第三個分岔路 (右邊梯級落去是往起子灣碼頭) 👇由第三個路口行10分鐘到第四個分岔口，亦是往曝罟灣壩堤的入口，入口非常清晰，轉入後行10分鐘左右到壩堤 👇11：35到曝罟灣壩堤，沿壩堤走到另一端接回郊遊徑，在此小休一回 👇兩位阿太話要浸下腳喎😂👌水好清，但好大浪，附近有玩滑浪人士🏄♂️也有划艇人士🚣 👇壩堤已破爛不堪，只要慢慢過是沒問題的 👇呢個缺口如果唔係有有心人整鐵通根本是過不了了的，感謝🙏🫶 👇咦！兩個划艇友點入嚟㗎👍咁快手嘅😂 👇好搞笑🤣🤣排排坐食粉果🥳🍻 👇壩堤邊石有好多蠔，後面兩位路人甲就係喺度睇緊 👇最後一個缺口，過完就完成了 👇離開壩堤後接回郊遊徑右邊走 👇右邊沿海邊路徑走 (左邊是上窰郊遊徑) 👇落過雨路徑有點惡劣😅 👇有個缺口可以望到曝罟灣壩堤 👇見到西壩喇🥰 👇路口左邊上走 (右邊往元五墳營地) 👇路口接上的是上窰郊遊徑，右邊走往萬宜路 👇萬宜路(亦是麥理浩徑1段) 💓💓💓🙇♀️謝謝支持及點讚🙇♀️💓💓💓聯絡，路線查詢，交流分享👇https://wa.me/85292210342
