10月22日 (星期六) 23~30度 晴🌞今日又玩綑邊🥰😝配合水退好時刻，行得輕鬆又寫意🥰不過要5個鐘內完成11公里路程，都有小小趕，多得隊友們配合，用了4.5小時完成，仲有時間食碗冰凍蜂蜜涼粉😋到荔枝窩碼頭後走過4.2公里的印洲塘郊遊徑，其中1.5公里是山徑，落牛屎湖灣後開始綑邊至三椏碼頭，要注意綑邊路徑多蠔殼，尤其過了拗角咀，更多蠔殼，走過時要小心，注意避免𠝹傷。今日潮汐漲退時間及水位：~11：00/1.28米，12：00/1.05米，13：00/0.9米，14：00/0.9米路線： 荔枝窩碼頭 ➡️ 自然步道 ➡️ 三椏村 ➡️ 牛屎湖坳(約海拔90米) ➡️ 牛屎湖灣 ➡️ 牛角咀 ➡️ 西流江 ➡️ 龍井灣 ➡️ 拗魚咀 ➡️ 三椏碼頭 ➡️ 觀景台 ➡️ 荔枝窩碼頭 完 (11公里/慢行4.5小時連影相小休) 🛳大學站步行約10~15分鐘至馬料水3號梯台乘9：00船 ➡️ 荔枝窩碼頭 (1.5小時船程) 👇往荔枝窩沿途景觀 👇經過上星期綑邊的船灣 👇溢水壩及船灣淡水湖北副壩 👇好靚的雲層🥰 👇已有行山人士在鬼手👍(我list內待完成路線😝) 👇往灣洲，也是我list內待完成路線😅 👇一陣陸路會經過的景點🥰 👇10：35起步🚶♀️🚶♀️🚶♀️🚶♀️落船後左轉沿石屎路走(也是印洲塘郊遊徑)👣 👇約5分鐘後見鶴山寺/協天宮隨即左轉 👇過小橋並沿石屎小徑走👣 👇好快嚟到自然步道入口，亦是紅樹林範圍 👇第一次見🐂🐂跑，原來🐂🐂可以跑得好快㗎😅轉眼已衝出紅樹林了😊 👇繼續沿石屎路走 👇到分岔口，左邊往三椏村方向走 👇見到咁靚嘅雲，心情都特別好🥰🥰 👇左邊是條壩堤通往海邊，但唔清楚玩唔玩到綑邊，由於時間關係唔敢亂試😅 👇左右兩條路都可以的，走左邊經過三椏村及合益蜂場(有食物提供的) 👇經過合益蜂場後到公廁，公廁旁邊上山往牛屎湖 👇11：17開始上山，經過牛屎湖坳後落山 👇很好走的郊遊徑，山高也不過是海拔90米 👇唔駛5分鐘景觀開揚，三椏碼頭是綑邊的終點站，一陣也會路過的 👇落山後就是牛屎湖村範圍，左邊石屎路往牛屎湖灣 👇右邊走，亦是牛屎湖內湖 👇牛屎湖內湖流出水的水閘 👇牛屎湖內湖景 👇有好多白色波波的物體🤨唔知係乜東東..... 👇指示牌位置已經可以落海邊，右邊前走少少落又得😅 👇12：04到牛屎湖灣喇...開始綑邊。成架船得我哋一組人玩綑邊😅😝 👇水退條路好寬闊，又唔會濕腳 👇岸邊啲石黑蚊蚊嘅😅同埋點解咁多蠔殼嘅🤔😝 👇12：15到牛角咀 👇西流灣 👇西流灣碼頭(仲未到西流江的) 👇12：34到烏排，現時退潮水位大概1米左右，過烏排一定要著鞋，不可赤腳，水底全部都是蠔殼😊 👇離開烏排轉個彎就是西流江及碼頭😅亦會見到印洲 👇西流江 👇碼頭 👇繼續路程..... 👇過咗西流江後岸邊石頭開始色彩豐富有層次 👇龍井仔 👇龍井灣 👇似唔似去咗瑞士😅 👇已經見到三椏碼頭了，就快完成綑邊路段💪 👇呢段路算係最難的一段了，要走過布滿蠔殼的石頭，要非常小心💪 👇這個彎位雖然沒有水，但全是淤泥，要靠近岸邊的路走 👇盡量靠岸邊走 👇接上石屎路了，左邊往三椏碼頭 👇14：07到三椏碼頭 👇十字路口右轉接回印洲塘郊遊徑 👇仲有時間去合益蜂場嘆碗甜品先😋 👇去埋最後一個觀景台就完滿結束 💓💓💓🙇♀️謝謝支持及點讚🙇♀️💓💓💓
