6月18日 (星期六) 27~31度 天陰☁️平時主力係行山，但到咗夏天都要搵吓啲消暑活動😅所以造就了今日划艇遊，亦係第一次划🥳感覺唔錯，唔係想像中咁難，不過雙手同條腰真係超倦😪今次揀咗比較人少嘅小棕林海灘，就係鍾意人少少，另一原因係想去牛尾洲睇海蝕洞及珊瑚區，成個海灘得我哋一組人🤣😛🥰所以唔駛爭唔駛等，雖然設備簡簡單單，但基本上齊全，有淡水沖身，換衫帳篷，物品儲存，艇主好nice，好有禮貌👍🥰建議划艇裝備:~1️⃣手套🧤(划槳用，預防磨擦起水泡及防曬)2️⃣防水袋(乾毛巾及需要物品)3️⃣飲用水(水量視乎個人需要)4️⃣潛水浮潛鞋或可濕水的鞋(切勿著拖鞋)5️⃣潛水鏡🥽(視乎需要)6️⃣防曬物品👉帽/頭巾/手袖及著長褲👖(以防曬傷)7️⃣藥水膠布(預防萬一😅)8️⃣防水手機套9️⃣乾糧(運動量大，補充體力)租艇資料:~海馬獨木舟地址：清水灣坑口永隆路小棕林海灘 (珊瑚閣)平日星期一至五：全日$100(單人艇)$200(雙人艇)星期六，日及公眾假期：全日$200(單人艇)$300(雙人艇)租借時段：09：30~17：00提供帳篷更衣，淡水涼身，物品儲存請用Whatsapp預訂(46639496或51952737)，切勿walk-in小心摸門釘😅💰支援電子貨幣付款(無需訂金，取艇時付款)及需要掃安心出行前往交通:~🚘鑽石山巴士總站乘91號巴士 ➡️ 五塊田站落車(約35分鐘車程)再步行25分鐘至小棕林海灘 或 乘的士直達👇於五塊田站落車後，反方向走 👇路口右轉入坑口永隆路，之後一直往海邊方向走 👇見綠色欄杆左轉 👇走至石屎路盡頭見珊瑚閣指示牌，沿指示牌前石屎路走 或 從海邊石灘走過去亦可 👇箭咀位置是海馬獨木舟。現在是潮漲水位2.38米 👇心情有啲興奮緊張添，第一次划艇😛😅係咪太早呢，得我哋喎🤔🙈唔理啦....我心咁興奮🤣🤭 👇物品儲存鐵籠，如果唔放心可以將貴重物品用防水袋袋好帶上艇 👇要掃安心出行😅 👇好啦....出發前艇主幫我哋影合照 👇座位前有圓形儲存格，水樽位及放腳位 👇有啲擔心划唔店，艇主好好人，佢話唔駛擔心，如果唔店打比我，馬上開快艇去接你哋....太好了...可以放心出發喇🥳 👇如果好似我咁唔想著長褲嘅👖加條大毛巾係大腿上一樣可以防曬😅 👇有板有眼㗎🤭😅 👇本來想去牛尾洲的，小棕林划去係最近的，唔駛30分鐘，不過....今日天陰陰，驚會落雨，所以沿海邊划下好了😅 👇沿岸有大大小小石隙及海蝕洞，個腦成日諗邊個係火星洞，邊個係紐紋洞😅後尾想起都唔係喺呢邊😅🙈 👇相思灣，呢兩條友搞乜，一陣左一陣又右，睇嚟佢哋未控制到隻艇喎🤭 👇越划越興奮，越有信心，朋友話👉原來綠蛋島好近之喎，不如過去囉😅....gogogo....綠蛋島我哋嚟喇🚣♀️🚣♀️🚣♀️🚣♀️ 👇假如目的地係綠蛋島，由相思灣出發會近啲😄 👇我開始暈船浪😵💫😵💫😵💫今日陰天已經無乜船往來了，否則仲大浪😟要划快啲上岸💪💪💪 👇似乎想搵個位攝隻艇入去有難度喎😅泊滿哂...陰天都咁多人.... 👇好興奮呀！啲水清到呢....真係好似去咗馬爾代夫咁；之前從陸路嚟過一次，不過當時潮漲無過綠蛋島，今日由水路嚟感覺不一樣🥰 👇估唔到啲水咁凍 👇回程我坐前座，無暈船浪了，但原來前座划得吃力啲😅 👇由綠蛋島划回小棕林海灘約一小時 👇平安回岸了🥰🥳👍 👇淡水沖身，水力非常夠👍 👇更衣帳篷
