5月7日 (星期六) 24~29度 陰晴🌤經常有朋友問...👉你哋成日行山啲山都俾你哋行哂啦😂🤣🤣講真又真係未行哂喎🙈仲有好多路線未行，就算係同一條路線一年四季唔同時間去都有唔同收獲，好似今日條路線，之前已經行過了，今日再行完全感覺不一樣😅😜雖然係10公里，其實一半係石屎路，上兩座小山，最高也不過是海拔121米，非常輕鬆，而且景觀超開揚，淋坑山是觀賞日落熱點🥰👍可惜今日天氣一般般了...哈!!又有藉口再行呢條路線😅😜路線：元朗朗屏 ➡️ 丫髻山 (海拔121米) ➡️ 盛屋村 ➡️ 輞井圍 ➡️ 天水圍山 (海拔82米) ➡️ 淋坑山 (海拔75米) ➡️ 流浮山 完 (約10公里/慢行4小時連影相小休) 👇9：04起步🚶♀️🚶♀️🚶♀️西鐵朗屏站A出口，落地面後走宏樂街 👇第一個燈位左轉入福喜街 👇走至燈位過對面朗屏路左邊走 👇箭咀位置上山，由朗屏站至此約15分鐘路程 👇小段梯級 👇穿過風雨亭，右邊是觀音閣點擊圖片放大 👇五彩芋 👇有支矮標柱🥰 👇注意沿途多支路，有些是通往墳地的，丫髻山在右前方點擊圖片放大 +2 👇上次行丫髻山係由天水圍站走至蝦尾新村上山的，今次試下朗屏路上山，路係長咗小小，但沿途風景豐富啲，仲會經過大大片農地點擊圖片放大 +4 👇今次嚟多咗好幾幅石畫，畫得好靚顏色豐富👍點擊圖片放大 +2 👇10：05到丫髻山(海拔121米)360景觀👍 👇箭咀位置下走往豐樂圍魚塘 👇新景點👉有丫髻山三個字😅 👇又有靚靚石畫🥰🥳望真啲原來係水泥畫，2020年畫的點擊圖片放大 👇條路有小小跣點擊圖片放大 +3 👇落完山接上石屎路轉出馬路 👇接上馬路右轉 👇再路口左轉(右邊是74號盛屋村小巴總站) 👇右轉是往鳳眼藍花打卡點，今日除了單車友，好少人，如果花期又會人山人海😅我哋左轉唔去睇鳳眼藍啦😜😅 👇遠處的丫髻山，同埋好多未開花的鳳眼藍 👇跟住落嚟就係👣👣👣會經過魚塘，濕地公園，然後轉入輞井圍點擊圖片放大 +2 👇接上邊境路左轉，邊境路盡頭是尖鼻咀，我哋過咗橋後會左轉入輞井圍點擊圖片放大 👇過咗橋後，左轉入往輞井圍 👇只有一條明顯路徑，跟著走就對了點擊圖片放大 👇經過玄關帝廟 👇經過輞井圍 👇經過輞井村(2)公廁 👇往前走小小並留意左邊路口轉入，左邊牆身有好細塊天水圍指示牌😅😜 👇到大空地後左邊走，右前方就是天水圍山 👇路口右轉入天月路 👇天月路沒有行人路，所以請在防撞欄內走 👇5分鐘後，右邊路口轉入(不時會見到有人由天恆邨橫過馬路上山🙈) 👇走入後上山，第一個路口右邊走 👇之後左轉直上8分鐘到天水圍山，如果想輕鬆啲可以直去兜上去點擊圖片放大 👇12：13到天水圍山 (海拔82米)，呢度絕對係一個休憩好去處，視野廣闊，地方空曠，而且又鄰近天水圍。箭咀方向往淋坑山 👇雲浮仙觀 👇淋坑山 (海拔75米)眺望深圳灣大橋，后海灣，蠔排... 👇相信日落應該會好多人，今日天氣麻麻地了 👇往流浮山離開，大概30分鐘路程 👇往流浮山路徑多支路及墳地，朝著西面深圳灣大橋方向走或開啟行山軟件隨行😜😅點擊圖片放大 +3 👇經過鰲磡村公廁 👇最後接上流浮山道右轉往流浮山乘K65巴士或35小巴離開
