12月18日 (星期六) 16~21度 陰晴⛅ 🌬4~6級北風一直想爬鳳凰山附近的景點，以前無經驗無信心，所以唔敢亂闖🙈😉累積了信心及經驗今日可以起行了🥰再配合埋清涼天氣，順利安全完成路線🥳🍻❇雨季及無經驗者請勿前往，亦需配合行山apps(香港遠足路線)。路線大致可分三部份1️⃣昂坪至上山入口1公里石屎路2️⃣中段1.8公里的攀爬，小石河及狹窄路徑3️⃣接回鳳凰徑3段往伯公坳2.2公里。路線：昂平路 ➡️ 心經簡林 ➡️ 北巖棧道 ➡️ 旄盔石 ➡️ 品字天窗石(遠觀) ➡️ 滴水岩 ➡️ 一樹洞 ➡️ 羅漢塔(海拔767米) ➡️ 羅漢峽 ➡️ 鳳冠北巖 ➡️ 白顎下棧道 ➡️ 鳳凰徑3段 ➡️ 伯公坳(位置海拔325米) 完 (約5公里/慢行4小時25分連影相小休) 🚘東涌達東路巴士總站，乘23號大嶼山巴士 ➡️ 總站昂坪落車 (約50分鐘車程)👇9：55起步🚶♀️🚶♀️沿昂平路走👣 👇好大風好凍🥶🌬手套手䄂頸巾全部著哂上身，勉強頂得住😅🙈 👇經過大佛正門後右邊路口轉入 👇之後轉入心經簡林指示牌方向 👇心經簡林 👇鳳凰觀日牌下路徑就是鳳凰徑3段，沿著往上走就是鳳凰山。今日從鳳凰石像旁邊的路徑上山👣 👇而家位置約海拔430米，實際上山高度約350米(羅漢塔海拔767米)😅 👇多碎沙石及跣，約5分鐘後到一個小平台，之後又會變得好行😅 👇上咗小小已經可以睇哂心經簡林全景👍👍👍🥰 👇石壁水塘 👇小平台位...正呀...影到心經簡林全景及大佛🥰👍點擊圖片放大 👇離開小平台後，條路又好好行喎🥰唔係想像中咁難🤪🤭點擊圖片放大 +3 👇靠左走接上北巖棧道(右邊是倒腕石河) 👇樹上有絲帶標記 👇右邊路徑，估計是鳳尾脊 👇走左邊進入北巖棧道，開始難走了，樹林中穿插，亦會走過大石，沿路跟絲帶指引 👇小心慢慢走，如果找不絲帶有可能是走錯了...... 👇對面的大東山 👇有時會走過小石河 👇走出樹林後，此時景觀開揚，亦望到旄盔石，仲有10分鐘路程到旄盔石，路徑亦變得狹窄，要小小慢走💪點擊圖片放大 👇東涌 👇11：33到旄盔石(位置約海拔755米)旄盔石右邊有條石隙，穿過後會是另一個開揚景象😊❇每次遇到奇石，心裡都會諗咩條件下會有咁嘅景象，點解會呈現石隙? 大石又會唔會再郁動？🤔 就好似一陣見到的品字天窗石......同樣問題🤣廢噏下....點擊圖片放大 +2 👇旄盔石位置望出，見到遠處的品字天窗石🥰 👇回望旄盔石石隙 👇遠觀品字天窗石(不會前往) 👇沿箭咀方向往滴水岩(幾分鐘路程)大概係第二個箭咀位置 👇滴水岩 👇之後.....旁邊有條繩，爬上去😉點擊圖片放大 👇爬上去後沿路徑行幾分鐘會見到左前方的羅漢塔 👇沿路徑繼續行，一樹洞就在右邊位置(畀彎位擋住了) 👇而家先出太陽🤔😅 👇12：09到一樹洞....初時以為去錯了地方，睇網上山友相片，一直以為個洞係穿窿的🤣🤣🤣🤭影完相後確定無去錯。原來唔止我以為㗎🤪剛好有幾位山友到達，佢哋都話👉乜唔係穿窿㗎咩🤣🤭而且洞外貌一啲都唔吸引，反而似一個休息㗎步🤪😊點擊圖片放大 👇洞內盡頭 👇離開一樹洞後右邊路徑走，就會有個好複雜嘅分岔口，要搞清方向先，面向峽谷，中間的就是羅漢峽，左邊是往羅漢塔頂及羅漢脊，右邊是往凰峰；我哋基本景點已走完了，亦不打算上羅漢塔頂😅剛才搞唔清邊個路口打邊個，走咗右邊果條(其實係覺得中間果條好似好危險咁，應該唔會係呢條囉🙈🤭🤪) 👇遠觀一樹洞 👇往凰峰路徑 👇羅漢峽好短大概80米，但路徑似石河，尤其係後半段，之後留意右邊的大埋絲帶路口，走入後就是白顎下棧道 👇與石為伴🤭🤪點擊圖片放大 👇已經走入白顎下棧道，之後有分岔口就走左邊那條，如果走錯白顎上棧道也沒問題的，同樣可以接上鳳凰徑3段😅 👇同樣穿梭樹林及石頭 👇用了50分鐘走完羅漢峽及半段白顎下棧道 👇樹旁邊路徑是尾段白顎下棧道，約8分鐘路程接上鳳凰徑3段 👇好大風 👇接上鳳凰徑後左邊下走往伯公坳，2.2公里需時50分鐘點擊圖片放大 +2 👇今日吹4~6級北風，所以時大風時無風，時熱時凍咁囉🤪🤣 👇石級太高，好難行，我寧願行剛才的棧道好了😅🙈點擊圖片放大 +2 👇仲有15分鐘路程點擊圖片放大 👇巴士站乘3M/11/23往東涌離開。
