11月6日 (星期六) 25~29度 天晴🌞原路線由西灣亭起步經西灣/大蚊山，終點高流灣；結果上落大蚊山已經用咗4️⃣個鐘🤣🤣😅其實呢類草叢路線我哋都行唔少，有哂經驗，正常慢行計算1公里用1小時差不多了，但今次花了好多時間(上山2公里).....因為路徑大部份俾草叢樹枝擋住，存在危險性要慢行，幾乎全程都要用手撥開橫生的雜草樹枝，非常吃力及倦，有時樹藤會click腳，有時會俾樹枝fing到塊面，有時又好似俾人拉住行唔到(樹枝鈎住衫褲背囊🤣🙈)，仲有好幾次偏離了路線，幸好有行山apps協助，沿路有絲帶標記，但唔多，而且有時會比雜草擋住路徑混淆了方向🙄。同樹枝雜草搏鬥咗3️⃣幾個鐘，腳都損哂🥴攻頂後以為有360度靚景觀，點知周圍都俾草叢樹擋住哂，淨係有一個罅位望到蚺蛇尖😔🥴落山雖然只有700米，路徑有時好直，有時又好跣，用咗成粒鐘先到大浪坳。總結❇隊友之間要保持視線範圍內，要著長褲、帶手䄂/著長䄂衫、帶手套，以免刮傷。不建議新手行此路線，最好有行山apps協助(香港遠足路線)，以免迷路😊❇上網search下先知，大蚊山原來係當年丁利華行山失蹤結界事件地點🙈話時話上山果陣得我哋3條女，鬼影都無隻(touch wood😜)，反而落山先遇到一班人及一位女士上山🐱🐱🙄路線：西灣亭 (位置約海拔125米) ➡️ 螺地墩 (海拔255米) ➡ 門西坳 ➡️ 大蚊山 (海拔370米) ➡️ 大浪坳 ➡ 麥理浩徑2段 ➡ 赤徑碼頭 完 (全程約6.5公里/慢行6小30分連影相小休) 🚘西貢市乘的士站往西灣亭(約25分鐘車程/$100車費) 或 乘NR29村巴👇10：00起步🚶♀️🚶♀️🚶♀️天氣涼咗，人都特別多😅😅😅 👇行左邊條路，先去第一站螺地墩😊 👇此時位置約海拔125米，所以上螺地墩唔會太難🥳🤟 👇初時石💩路，10分鐘後轉上山徑 👇景觀開揚，更可望到萬宜水庫及東/西壩👍 👇呢個時候已經27度😜🤒 👇左轉上走往螺地墩(約15分鐘路程)點擊圖片放大 👇相比大蚊山呢度好好行了🤣🤣點擊圖片放大 +3 👇沿西灣指示牌行 👇10：25到螺地墩 (海拔255米) 比我想像中輕鬆易行；360度靚景觀，一邊是萬宜水庫，另一邊有最搶眼的蚺蛇尖😅點擊圖片放大 +4 👇距離大蚊山仲有好遠路喎🙈🙄💪😜 👇打完卡後下走往西灣😊點擊圖片放大 +2 👇西灣海灘 👇驚喜可以望到四疊潭🥳🍻 👇路口隨即左轉，同時亦有西灣指示牌點擊圖片放大 +2 👇又有西灣指示牌😅唔怕會走錯路 👇呢個位要注意啦😅應該轉左(唔好走錯落咗去私人地方😅) 👇之後路口轉右，沿圍板走點擊圖片放大 👇過石橋點擊圖片放大 👇走過石橋後隨即走入草叢，上山口在左邊牌背後位置 👇留意有絲帶才是上山口 👇11：30開始上大蚊山啦💪💪💪約2公里路程，頭幾分鐘有點難行及多蚊🦟 👇之後景觀開揚 👇驟眼睇係完全睇唔到條路徑😅 👇你哋喺邊呀🤣好睬有把傘，知道老友喺前面🙄🙈 👇有靚靚風景相伴，如果唔係真係無哂心機行😅撥雜草樹枝都撥到手軟憫憫哋😖😤點擊圖片放大 👇大蚊山越來越近了🤠🥳 👇樹枝雜草真係好高，好幾次偏離咗路線，好睬有經驗及時發現🤗😜點擊圖片放大 👇14：40終於都到大蚊山了 (海拔370米)，用咗3小時10分先完成上山的2公里路，雖然好慢但最緊要安全🥰 👇攻頂後，突然多咗2隻母猴🐒🐒🤣🤣🤣應該係3隻(包括我)🤣🤣🤣大家好專心清理黐頭芒👻👿 👇只有一個罅位望到蚺蛇尖 👇蚺蛇尖方向落山 👇落山會快好多只有約700米路程，不過有時都跣，有時條路會好直，都係要小心慢行，途中遇到一班人上山，另有一位女士單獨上山(佢話之前已經行過呢條路，但都係原路上原路落🙈🤟)點擊圖片放大 👇有時好直好跣，兩邊有雜草樹枝扶助 👇15：55到大浪坳接上麥理浩徑2段左轉 (此時位置約海拔130米) 👇沿麥理浩徑2段下走往赤徑碼頭 (約30分鐘路程) 👇路口右轉下走往赤徑碼頭 👇過橋點擊圖片放大 +4 👇赤徑碼頭 👇可以選擇坐快艇往黃石碼頭離開，$20/位 👇或者翠華船往黃石碼頭/馬料水離開 👇快艇開得好快，3分鐘就到黃石碼頭🤟🥳
