10月30日 (星期六) 22~26度 天陰☁️蝌蚪坪係一個零遮擋靚觀景超大平台😅由沙田圍上去只不過45分鐘路程😅至於貓仔石外型真係唔似囉，不過與觀貓台互相呼應反而幾有特色，其實呢條路線景觀好靚，可惜今日天氣👎👎，路況尚算清晰易行，但多支路🙃最好開行山apps跟隨(香港遠足路線)全程最難係尾段雞胸山南脊，有時需要手腳並用😅🤞前段及尾段為石屎路共約2.7公里，其餘是草叢山徑+少量梯級共約3公里。路線：沙田圍 ➡️ 水泉坳街 ➡️ 蝌蚪坪 ➡️ 貓仔山 (海拔258米) ➡️ 雞胸山北脊 ➡️ 觀貓台 ➡️ 貓仔石 ➡️ 雞胸山 (海拔437米) ➡️ 雞胸山南脊 ➡️ 沙田坳道 ➡️ 黃大仙 完 (全程約5.7公里/慢行4小時20分連影相休息) 🚘(屯馬線)沙田圍站D出口9：25起步🚶♀️🚶♀️🚶♀️D出口左邊走經過巴士站 👇路口過馬路沿水泉坳街往上走 👇keep住直上，左邊是水泉澳邨 👇到作壆坑新村村口 👇亦可於沙田乘809K到作壆坑新村總站起步，左邊是女童軍博康營地 👇繼續石屎路往上走 👇成個山頭都係🐒🐒🐒 👇之後留意左邊有明顯梯級 👇只有十幾級梯級，隨即右轉 👇走前幾步再左轉上山😅 👇無絲帶引路，路徑尚算清晰 👇前面座小山就係蝌蚪坪😊 👇喺度露營🤔😅👍 👇10：13輕輕鬆鬆到蝌蚪坪，呢度都有人露營😅我都覺得係唔錯嘅地方(但要小心比人抄牌🙈) 👇🤣🤣🤣樹都唔放過要打下卡📸📸 👇打卡靚位，望哂沙田全景最佳位置👍 👇真係唔知呢度個名點嚟，朋友話係因為嚿石似蝌蚪喎🤔😊望落又真係好似喎🥳 👇走過大平台往貓仔山進發 👇梯級是新興建的，辛苦哂🙏🙏🙏 👇轉埋呢個彎就到貓仔山😊 👇10：40到貓仔山 (海拔258米)，無乜景觀，勉強可望到蝌蚪坪😅在此小休一會😊 👇往下個景點觀貓台🐱 👇15分鐘後接上衛奕信徑5段上走 👇雖然只係幾分鐘梯級，但覺得行咗好耐咁🙈🙈🙈🤟此路口離開衛徑5段轉入雞胸山北脊草叢山徑 👇條路唔難行，應該之前落過雨地下有啲濕滑➕️爛，小心慢行就可以了。 👇10幾分鐘後，右邊轉出觀貓台，有絲帶標記 👇橫睇掂睇都唔似囉😅 👇再向前行有條小路可以落貓仔石，條路勁濕滑🙈💪 👇落到去反而覺得似Snoopy多啲喎🤣🤣 👇原路返回後走前小小，原來有另一條小徑落貓仔石，呢條比剛才的直同斜😅對面是觀貓台 👇呢個位置可望到左邊的慈雲山發射站及大老山 👇嚟到一個小空地，雞胸山標高柱要左邊走入小小(紅色箭咀)沒有景觀只有一支標柱，需原路反回小空地藍色箭咀方向下走 👇接上衛奕信徑5段右轉 👇左邊走雞胸山南脊(右邊是衛奕信徑5段，可前往獅子山) 👇雞胸山南脊有小小難度，有時需手腳並用，但景觀很美😊 👇呢個位打卡好正👍😊 👇13：10到沙田坳道 👇最後沿沙田坳道下走往黃大仙離開(約30分鐘路程)
