10月23日 (星期六) 18~23度 陰⛅霜降上面具石一般都會喺黃泥涌峽走入布力徑後上山，這樣會比較簡單輕鬆，我就嫌路程太短改由海洋公園站起步，點知咁就中哂招🙈有我最怕嘅長長樓梯，慢慢行都足足行咗45分鐘先到布力徑😅今日路線有時又難難地，有時又好輕鬆喎😅搞咩呢....是咁的!! 初段有20分鐘爛路徑(小難)，接上金夫人馳馬徑(超易)😅🥰之後就係長長梯級(嗦哂氣😖)，爬上面具石就要格外小心，因為初段碎沙石路非常跣。聶高信山落布力徑又係梯級，好睬係往下走😅之後往金馬倫山反而走得輕鬆舒服，因為無梯級，又係走草叢，最後接上灣仔峽道先係最難受一段，係咁向下樁，樁到腳趾又痛，膝頭又痛😖😭路線 : 地鐵海洋公園站 ➡️ 黃竹坑石刻 ➡️ 金夫人馳馬徑 (引水道) ➡ 鷹咀石 ➡ 面具石 ➡ 聶高信山 (海拔429米) ➡ 布力徑 ➡️ 金馬倫山 (海拔439米) ➡️ 中峽道 ➡️ 灣仔峽道 ➡️ 灣仔 完 (全程約7.5公里/慢行5小時連小休影相) 🚘港鐵海洋公園站C出口，沿黃竹坑道及消防局救護站方向上走👣 👇黃竹坑石刻入口就在港大同學會書院旁邊 👇過馬路 👇接上南風道右邊走 👇過咗港大同學會書院後留意石刻指示牌(由地鐵到此約8~10分鐘路程)10：03起步🚶♀️🚶♀️🚶♀️一開始就係樓梯😅 👇好睬只係50米啫。。。嚇死😇 👇左邊下去就是石刻了，需原路返回再上山。點擊圖片放大 👇石刻旁邊是金馬倫南坑 👇原路返回後，沿破爛石級上走 👇路況很爛，初時沒有絲帶標記，只要沿梯級走，之後就有絲帶引路了點擊圖片放大 +2 👇約10分鐘後景觀開揚，望到遠處的海洋公園 👇10：30接上金夫人馳馬徑(=引水道)右邊走 👇金夫人馳馬徑引水道點擊圖片放大 👇指示牌布力徑方向直走(右邊是往南風道的) 👇輕輕鬆鬆30分鐘後，💪要行樓梯了🙈😖(此時位置約海拔120米) 👇😖😖😖 👇已經見到面具石啦🥳🍻 👇11：17到布力徑(此時位置約海拔270米) 👇小休一回。眼前山頂就是面具石🎭 👇上山啦，要手腳並用，小心慢慢爬，路徑明顯，但初段非常非常跣💪💪 👇過咗光禿禿碎沙石路後，靠右上爬，之後變得輕鬆了點擊圖片放大 +2 👇第一個打卡位👉鷹咀石🦅都幾神似嘅🥰🤞 👇再上爬小小就係面具石，面具石其實有個石室，穿過石室後望回才是面具石真貌🎭 👇箭咀位置入去是石室點擊圖片放大 👇左邊是剛才穿過的石室，需原路返回 👇打橫幾嚿石先係精髓🥰🥳點擊圖片放大 +4 👇打完卡原路返回主徑往上走 👇白色建築物是微波站亦是聶高信山點擊圖片放大 👇12：30到聶高信山 (海拔429米)山頂無標高柱，無景觀，有興趣可圍住微波站走一圈先下山😅 👇如果唔圍微波站走一圈，可以直接左轉下山(紅色路線)；藍色箭咀是圍一圈後下山 👇沿木梯級下走，小心地下突出鐵枝👀點擊圖片放大 👇15分鐘後又接回布力徑右邊走 👇10分鐘後見涼亭，涼亭左邊上引水道梯級 👇留意左邊明顯入口，亦有絲帶標記，山徑清晰好走 👇不知不覺已經走到另一個山頭，回望對面的聶高信山點擊圖片放大 +3 👇分岔口左邊走，大概5分鐘就到金馬倫山標高柱，最好開行山apps跟隨(香港遠足路線)因為分岔口沒有指示牌，而且左右兩邊都有絲帶😅 👇好掛住你呀！標先生.....好耐無見了😚😍13：36到金馬倫山 (海拔439米) 👇360度景觀，又見到聶高信山😅 👇雖然360度景觀，不過天氣一般般了，無咩好影.....gogogo落山啦！ 👇落山路徑亦清晰好走 👇25分鐘後接上中峽道右邊走 👇呢度已經開始向下樁，膝蓋都有小小痛了😖🙄 👇終於行完中峽道，過對面馬路下走往灣仔.....繼續樁樁樁....仲有30分鐘路程㗎，我都不知幾後悔😭😭😭唔搭巴士。 👇大箭咀方向是灣仔峽道，右邊有巴士站，可在此乘15號離開 👇繼續灣仔峽道 👇終於望見家鄉了😅仲未到㗎，要過對面馬路落灣仔離開。😅🤞💪
