10月16日 (星期六) 23~28度 天晴/大風🌞🌬，潮退時間及水位➰13：14/0.7米 (石壁)落咗幾日雨又剛打完風，都係要行條穩陣安全路線😅初段會比較沉悶，但勝在輕鬆易走沒有上山路段，主要下走，前段有樹蔭，路徑平緩➕石💩引水道，大概走2公里後景觀開揚可望到水口灣泥灘全景，亦可望到鳳凰山。由伯公坳至嶼南道約6.5公里，最後是重頭戲水口灣泥灘🥰雖然已經第4️⃣次嚟，但仍然有新鮮感🥰👍路線：大嶼山伯公坳(位置海拔325米) ➡️ 南大嶼郊遊徑 ➡️ 鳳凰徑10段(引水道) ➡️ 嶼南道 ➡️ 水口灣泥灘 完 (全程9公里/慢行4小時15分連小休影相👉包括於水口灣泥灘停留一小時) 🚘於東涌巴士總站乘3M大嶼山巴士 ➡️ 伯公坳站落車 (約20分鐘車程)❇11及23號都可以的，3M車費最平，23最貴。👇09：20起步🚶♀️🚶♀️落車後過對面馬路，伯公坳三個大字背後梯級上走 👇上40幾級梯級後，路口塘福引水道指示牌方向走(=南大嶼山郊遊徑) 👇好好走的路徑又有樹蔭，又有風；不過啲太陽太猛烈了😅今朝係東涌天陰陰想落雨咁。。。入到嚟就🌞🌞 👇真係幾無聊😅😅😅無野影咪搞搞震囉🤞😇 👇毛豆話無野影唔得喎，石頭都唔放過要📸📸📸 👇目前為止呢度算係唔錯嘅打卡位了😅點擊圖片放大 +2 👇輕輕鬆鬆走咗2公里了，10：25到分岔口繼續往水口方向下走👣 👇開始景觀開揚，望到遠處的鳳凰山 👇水口灣泥灘全景 👇大風🌬到差啲被吹跌倒😖🙈 👇好好風好舒服，係度小休一會🥰點擊圖片放大 👇似乎大嶼山呢邊啲松樹生長得特別靚😍 👇11：15接上引水道(=鳳凰徑10段)右邊沿引水道往水口方向走，約3.5公里到嶼南道點擊圖片放大 +6 👇分岔口繼續沿引水道直走(左邊是往塘福懲教所) 👇前面涼亭旁邊小徑下走接嶼南道(約15分鐘路程)點擊圖片放大 👇12：15接上嶼南道右轉往水口村方向走點擊圖片放大 👇約3分鐘後經過花園屋茶座，留意左邊黃色貨櫃，櫃旁邊路口沿小徑往海邊走(約10分鐘路程)❇花園屋茶座有掘蜆工具租借👍 👇路徑清晰 👇水🐮🐮真梳乎🥰浸係水裡面 👇呢度居然都有鳳眼藍花😍👍 👇見到垃圾桶就係到咗水口灣泥灘，今日咁好天反而唔多人喎🤔😅 👇換對鞋先好落泥灘，千萬唔好赤腳落去呀！好多蠔殼等等。。。 👇遠處白色建築物是塘福懲教所 👇哈.....發現影相道具😅👍 👇天空之鏡🥰😊點擊圖片放大 +3 👇見人哋掘蜆，我哋又隨便掘下，居然一掘就掘到，仲係好大粒添🍻🥳😍點擊圖片放大 +9 👇原路返回嶼南道，剛才經過的花園屋茶座對面巴士站乘11/11A/23號往東涌離開。
