9月4日 (星期六) 28~34度 晴/高清🌞酷熱🌡潮汐最低水位及時間：0.61米/14:31(大廟灣)❇蝦山篤有4個海蝕洞，分別是大洞 (火星洞)，小洞，闊洞，直洞 (扭紋洞)，最易去是扭紋洞，最難去是火星洞😇😊；相比下當然是扭紋洞最靚了，火星洞形狀闊而淺，而扭紋洞是窄而深。本來計劃由南至北去哂4個洞，最後事與願違😅之後發覺火星洞其實唔難去，只要配合大潮退(水位0.5米左右)就沒問題，但會由水路繞過去所以一定濕腳，如大浪大風就不要前往。如想一日去哂2個洞，就要先去火星洞，然後返回大坳門路從另一個路口落扭紋洞，咁樣會方便簡單得多。路線 : 清水灣二灘巴士總站 ➡️ 大坳門路 ➡️ 蝦山篤扭紋洞 (直洞) ➡ 返回清水灣二灘巴士站乘車往五塊田 ➡ 小棕林海灘 ➡ 返回五塊田巴士站 完 (全程6.5公里/慢行4小時連影相休息) 🚘於鑽石山巴士總站(地鐵C2出口)乘91號 ➡️ 清水灣二灘總站落車(約40分鐘車程)👇13：40起步🚶♀️🚶♀️🚶♀️落車後沿車站旁邊的大坳門路往布袋澳方向走👣 👇布袋澳方向走 👇今朝市區落雨，入到嚟超好天😊 👇好多遊艇呀！ 👇滑翔飛機 👇慢慢行影下相😊約20分鐘後此路口下走往海邊，樹上有絲帶標記。 👇往扭紋洞路口距離涼亭大概50米 👇雖然有繩協助但都要小心慢慢行，之前落過雨，地下好濕滑。不過毛豆好興奮，因為太耐無出嚟😅又有游繩玩😅 👇沿路有繩及樹枝扶助，所以不難行的，只係剛落完雨地下比較濕滑了。 👇慢慢行大概15分鐘到海邊，之後左邊綑過去😅其實好近的，唔駛5分鐘，呢個時候梗係要打下卡啦，個景咁靚，前面已經有好多人排緊隊等影相😅點擊圖片放大 👇背後箭咀位置就是扭紋洞😇遠處尖尖的山是釣魚翁 👇好睬呢一大班後生仔剛打完卡，如果唔係真係有排等囉🙈點擊圖片放大 👇洞旁邊排隊，盡量唔好企係洞前，因為會擋住入面影相嘅人取景😊 👇大自然鬼斧神工，居然有咁靚嘅海蝕洞，純天然的👍🥰 👇等咗20分鐘就到我哋啦！真好睬。14：50入洞打卡，地下無水唔駛濕腳😊點擊圖片放大 +7 👇快快手影完讓其他人，呢個時候好多人由火星洞方向過嚟，全部都濕哂身😅3點影完相(此時水位是0.63米)👍 👇影完相原路返回大坳門路，再往清水灣二灘巴士站乘車往五塊田(91號巴士/103及103M都可以) 👇另一個路口直接往火星洞，EA0836燈柱前小小位置，下走後分岔路走右邊那條落小洞，再在小洞旁邊落水繞過大石就是火星洞了💪 👇草蜢都出嚟曬太陽😅 👇103/103M小巴或91巴士於五塊田落車(約8分鐘車程)，落車後過對面停車場再沿行人路往下走👣 👇路口右轉(坑口永隆路) 👇全程石💩路，約25分鐘路程👣 👇此路口左轉繼續下走 👇石💩路盡頭會見到類似停車場嘅爛地，左邊有塊白色告示牌，牌旁邊石💩斜路落去就是海邊了。 👇細箭咀位置是露天租艇檔口“小棕林十仔獨木舟”(係facebook可以搵到資料)大箭咀位置就是小棕林海灘 👇睇落好似無咩特別，其實呢度有得玩浮潛/划艇，另外仲有帳篷租借，但無沖身地方🙈 👇啲艇泊哂係岸邊🛶🛶🛶 👇經過小棕林海灘走到最遠處就是珊瑚半島，之前電視有介紹過，好多人工打卡點，現在已拆掉了😊點擊圖片放大 👇有梯級落水😅點擊圖片放大 +5 👇原路返回五塊田巴士站離開。 👇行程至此完畢🥳👍😇🥰👋💪🍻
