5月12日 (星期三) 28~33度 天晴🌞🌡高清😅雖然白角洞之旅失敗了,但也不枉此行,這裡實在太美了。今日第一次嘗試綑邊,嚟之前已經知道最少有三個難位,亦要配合潮退好時機,不過人算不如天算,結果去到第二難位就過不了了😭😭近在咫尺,實在唔忿氣,跟住爬上山諗住繞過山頭落去,點知落咗去嘅位置已經過咗白角洞🤦♀️😅要過一個難位,終於見到個大洞啦,以為係白角洞,此時有大班人由大浪灣方向過嚟開始綑過去,其中一位山友話呢個唔係白角洞(佢嚟過2次),要再過去小小.....吓....我哋已經洩哂氣了.....再爬驚無力了.....為安全決定放棄!有機會再嚟過(自我安慰😅)。1️⃣宏貝道至白角標高柱約3.5公里2️⃣標高柱落海邊約0.5公里3️⃣白角綑邊至大浪灣營地約1公里 4️⃣大浪灣營地至宏貝道約3.5公里。要注意的就是幾個難位,新手不宜,要配合水退時間可減低難度。***注意安全量力而為***路線 : 宏貝道(沙咀站) ➡ 鳳凰徑8段(大浪灣引水道) ➡ 白角105米標高柱 ➡ 白角海邊綑邊至大浪灣營地 ➡ 鳳凰徑8段 ➡️ 宏貝道(沙咀站) 完 (全程8公里/慢行6小時連休息影相) 🚘東涌巴士總站乘11或23號大嶼山巴士 ➡️ 沙咀站落車(約30分鐘車程)👇落車後旁邊梯級上去,右邊是公廁 👇11:05起步🚶♀️🚶♀️公廁旁邊石屎路往狗嶺涌方向走,沿路無靚景觀😅 👇約10分鐘後右邊接上引水道(亦是鳳凰徑8段)(左邊是往大浪灣村) 👇亦可選擇由此下走至海邊綑邊往白角洞 👇條路咁明顯,唔駛講都知係上山位啦😅由落車站至此約50分鐘路程 👇11:58到白角標高柱(海拔105米)標柱背後有清晰路徑往海邊的(約20分鐘路程) 👇路徑清晰,但有點跣,兩旁樹枝雜草可扶助 👇爆曬埋呢段路😅再穿過草叢就到海邊 👇到海邊啦.....好靚呀呢度🥰🥰🥰 👇落海邊後,右邊海岸景觀 👇毛豆見到咁靚急不及待擺噃個靚pose先🤪👍 👇第一個難位,順利度過🥳🍻 👇開心嘅時間估唔到要係第二難位停了😭😭😭紅圈位就是垂直牆壁 👇13:51落咗呢度,跟住要由垂直石牆落去....跟本睇唔清石牆有乜扶手同落腳位,只有一條繩協助落去.....真係淆底搞唔店,唯有爬上山繞過山頭落去😣 👇但落咗去又過咗白角洞😅又要綑噃過去,呢度都係其中一個難位🙈 👇過咗難位後以為旁邊那個就係白角洞,此時有一班山友剛到達,其中一位山友話我哋知呢個唔係白角洞😭😭 👇旁邊的洞都放棄沒有過去,因為又要落去石邊爬過去🙈🙈🙈 👇大浪灣營地沙灘上走接鳳凰徑8段後原路返回宏貝道(沙咀站)乘車往水口村 👇係海邊執咗幾塊靚石比屋企隻烏龜😂😜 👇大浪灣營地入口接鳳凰徑8段,沿石屎出宏貝道沙咀站乘車往水口村 👇水口灣泥灘 👇咁都比我哋攝到幾張天空之鏡😅效果都唔錯呢🥳🥳 👇行程至此完畢😇原路返回水口村巴士站乘11或23巴士至東涌離開🥳💪🥰👍🤞👏🥂