5月4日 (星期二) 24~30度 晴/炎熱🥵🌞🌡高清 仲以為今日會落下陣雨,間中天晴,點知熱到無朋友🥵🥵原定8公里路程都無行哂,只行了6公里,路線唔難行,只係配了個炎熱天氣,變得非常吃力,後段都無乜心機睇風景同影相了🙄🤫🥴。1️⃣由碼頭至菱角山約2公里2️⃣菱角山至山地塘約2公里3️⃣山地塘至涌尾約2公里。初段以石級為主,之後全是山徑,落山有啲位都幾跣。路線主要係尋找奇石同打卡啦,所以要一邊行一邊留意周圍。 路線 : 模達灣 ➡ 模達新/舊村 ➡ 模達學校 ➡ 菱角山 (海拔250米) ➡ 日軍洞 ➡️ 山地塘 (海拔353米) ➡ 涌尾 ➡️ 索罟灣 完 (全程6.3公里/慢行5小時50分連影相休息) 🚘中環交易廣場地下巴士總站乘70號巴士 ➡️ 香港仔海濱公園站落車(約20分鐘車程),沿海邊走至珍寶碼頭 ➡ 模達灣碼頭 (約20分鐘船程)✳注意不是往蒲台島那個碼頭,要再往前走才對。 👇前方就是南丫島,右邊小島叫鹿洲 👇模達灣 👇第一站是上千級梯級經過大石群到菱角山 👇11:25起步🚶♀️🚶♀️🚶♀️🚶♀️🚶♂️往沙灘方向走 👇呢度都有支矮標柱喎🥰 👇沿海邊走至The Bay餐廳旁邊路徑左轉入上走 👇此路口左走經過模達新村/模達學校/模達舊村 👇模達學校 👇11:45右轉上千級梯級往菱角山😅 👇見到都覺得熱.......唔想行🙈 👇呢段係唯一有遮蔭路段😂😅 👇真係熱到爆🥵....風....時有時無咁囉 👇全程乾煎🙈又無乜風 👇行咗4百幾級梯級開始有石景,打下卡先趁機可以休息下😅 👇背後Z型梯級,其實呢度整得好靚,有啲蒲台島feel🥰點擊圖片放大 +8 👇大平台石,企上去可望到南丫島東面山頭及模達灣全景,仲有對岸的鴨利洲 👇過了大平台石就到狗仔石 👇似唔似?我覺得都好似喎😚點擊圖片放大 👇狗仔石背後是咁的,咁睇似乎頭同身不是連體的🤔又咁穩陣嘅🙈 👇繼續沿石級走👣(穿過此大石,會發現Snoopy石,係之後其中一位同行朋友話我知的😅🙈) 👇直昇機坪及發射站點擊圖片放大 👇13:18到菱角山 (海拔250米)支標柱都曬到辣手🤦♀️🙈 👇之後....沿石級下走至涼亭小休.....途中會經過兩旁的大石群 👇烏龜石 👇路口左轉往涼亭小休 👇涼亭旁邊有支矮標柱🥰點擊圖片放大 👇小休後,涼亭右前方山徑往山地塘 👇14:15往山地塘途中,四個已經行到死死下,另一個耐熱功能非常好🤣唔係條路難行,而係超熱又無乜風;所以背後有咩奇石都無心機睇了,亦無心機影🙈只係去到某啲休息位攝幾張就算😂 👇終於去到一個休息位,唔通連啲石都知我哋又熱又倦,有個咁正嘅避曬位🤣🤟🥳 👇好似有隻野爬緊上去咁😂 👇淨係影啲大石都有排影,唔同角度又有唔同形態,呢個石似JJ🤣不過太生硬了🙈🤦♀️點擊圖片放大 +2 👇好辛苦咁又去到另一個休息位。啲石真係好特別,除咗外型,支撐點都咁特別😂👍 👇差不多到山地塘前居然有個日軍洞喎🤔當然唔敢入去啦🤦♀️驚驚....... 👇15:35終於都到頂了👉山地塘 (海拔353米)沒有景觀,給草擋住了🙄個個都謝哂皮😑一陣標柱右邊落山(西面方向) 👇落山要差不多2個鐘頭路程.....加油💪💪💪點擊圖片放大 👇雖然已經4點幾,但太陽曬住都仲係好熱🙄成個腦都係檸樂🥤🥤🥤為咗檸樂要堅持呀😛😇 👇最後衝刺啦.....檸樂你等我呀!🥰🥳好快可以見面啦🤣🤪🥳 👇下面就是涌尾了 👇做咩臨尾都要我哋咁辛苦落去㗎😞 👇沿引水道下走 👇經過涌尾就到索罟灣了🥳🥳🥳🍻 👇行程至此完畢🥤🥳🍻🥰😇🤟💪離開有3個選擇1️⃣往中環碼頭2️⃣往香港仔碼頭3️⃣天虹酒家食晚飯包自家船往尖沙咀或中環碼頭。無論選擇那個都要預早check好船時間呀!