3月23日 (星期二) 17~21度 天陰🌥雙三角石室係今日重點行程🥰🤗由於行山apps上沒有顯示此地點🙃在此要多謝放影片上網及留絲帶的山友🤟👍得以順利完成路線🍻大帽山亦有好多奇怪大石群👉小丑石及雙三角石就係其中之一,去完雙三角石室,後半段路徑約3.3公里至城門水塘波蘿壩,此段路沒太多景觀路徑算輕鬆易行,終點前有10幾分鐘無間斷石級😅真係有啲攞命🤪路線 : 荃錦坳 (約海拔470米) ➡ 禾塘崗副峰 (海拔654米) ➡️ 禾塘崗主峰 (海拔702米) ➡ 大帽山 (海拔957米) ➡ 小丑石 ➡ 相思林徑 ➡ 雙三角石室 ➡️ 大城石澗徑/龍門郊遊徑 ➡️ 城門水塘菠蘿壩 完 (全程9.3公里/慢行7小時連休息影相) 👇於港鐵荃灣站A出口轉左上樓梯往巴士站乘51號 ➡ 大帽山郊野公園站落車 (約15分鐘車程)🔥小提示👉由於是單層巴士,如遇到多行山人士搭車未必上到車的。 👇落車後過對面的巴士站旁邊梯級就是麥理浩徑8段起步點 (全梯級)💪由於我哋搵廁所😅誤轉咗上扶輪公園公廁😛不過一樣可以通往的,路程亦差不多。 👇去完廁所沿大帽山道上走往遊客中心 👇麥理浩徑8段就在遊客中心左邊 👇10:00起步🚶♀️🚶♀️🚶♀️此時位置約海拔490米 👇初段以梯級為主(約20分鐘路程)之後是易走山徑。 👇10幾分鐘後開始有景觀🤟主要是荃灣,青衣及昂船洲大橋 👇再上小小已經望到大帽山兩個波波了😅(左邊矮波是天氣雷達站/右邊高波是雷達變電站)看似這麼近那麼遠......上去波波仲有一段路程呢!!加油💪💪💪 👇再上高啲可見到另一邊的元朗錦田/石崗一帶,長長白色跑道就是石崗機場 👇10:27到老虎狗石,可能要圍住石堆走一圈先可以發現邊個角度似老虎狗石🤪 👇右邊遠處是嘉道理農場觀音山 👇10:44到禾塘崗副峰 (海拔654米) 沒有標柱只有大石堆 👇往下站禾塘崗主峰及觀景台 👇下走後繼續沿麥徑8段走,行石屎路亦可以的 (但要小心車輛往來) 👇約5分鐘後此石屋左邊路徑走入 👇走入後就到禾塘崗主峰 (海拔702米),呢隻色標柱我都係第一次見真身😇 👇另一邊都有支同樣標柱 👇往背後的觀景台📸📸📸 👇一個鐘可以嚟到咁靚咁大嘅觀景台,又有無敵景觀,仲可以野餐添,真係爽! 👇背後尖尖的就是嘉道理農場觀音山。上星期我倆剛爬完🤟💪梗係要影噃張留念啦🥰 👇原路走回石屋,石屋旁石屎路走至停車場,再左轉大帽山道上走。 👇之後此路口左轉上走往大帽山雷達站,此時位置約海拔710米,山徑明顯亦唔難走 👇上面有大石群,一陣又可以📸📸📸 👇差不多到喇🥳 👇一陣會往妙高台方向下走 👇12:45到大帽山 (海拔957米) 標高柱喺圍欄內無得Kill🙄不過我都唔見到支標柱🤦♀️ 👇之後左邊路徑下走至石屎路 👇.....插走兩次短捷徑可避過兜石屎路,會慳咗時間的😅(捷徑路口明顯的)約8分鐘後此路口走入,背後路徑繼續下走 👇約15分鐘後此路口左轉往小丑石(右前方是往來妙高台路徑)先去妙高台再落小丑石也可以的,路徑是互通的。 👇約25分鐘後接相思林徑,小丑石就在右邊 👇點睇都唔似小丑囉😅似母猩猩多啲🤪🙈 👇📸完相,沿相思林徑走15分鐘(平路步速)留意左邊有大量絲帶的位置 👇途中會經過大圓石澗及相思坑 👇大量絲帶位置,左轉上走往雙三角石室 👇走咗5分鐘發覺方向有啲唔對路,再偏右上是往禾秧山方向,此時聽到左邊有人聲,加上見到紅色絲帶,試試左邊橫行過去,果然對了。總結~上去順利不用找路約8分鐘可以到達。 👇箭咀路線往石室 👇紅圈是繩索結😅一陣入石室後會見到條繩的 👇箭咀是轉入石室入口,離開也是原路離開。 👇繩索是協助上上層的 👇望噃入去都有三角形喎😂😂 👇旁邊又有細三角 👇原路返回相思林徑往城門水塘 👇15:40位置,繼續走左邊相思林徑往城門水塘,之後都沒特別景觀,但路徑輕鬆易走的。 👇約20分鐘後右轉接大城石澗徑 👇呢度開始是龍門郊遊徑,之後有10幾分鐘無間斷梯級至出口😅 👇真係落到腳仔痛🙄🙃之後過對面的賞蝶園 👇箭咀方向落水塘波蘿壩離開 👇乘82號小巴往荃灣離開😇行程至此完畢💪😇🥳🥰🍻👍📸