3月18號 (星期四) 22~27度 天陰有霧/下午天晴⛅ 成朝都天陰陰大霧，下晝2點先出太陽，本來靚靚路線變得唔靚靚了🤦♀️🙄最安慰係喺九担租見到禾雀花，真係好特別🥰大大串掛係樹枝上🥰🥳🍻呢條路線都算輕鬆易走，難難地算係上吊燈籠段，之後落山無乜特別打卡位，途中會經過竹林，都幾特別幾靚，過咗竹林後路徑又變得沉悶😅。路線 : 烏蛟騰 ➡️ 九担租 ➡️ 吊燈籠 (海拔416米) ➡️ 芬箕托 (海拔390米) ➡️ 烏蛟騰郊遊徑 ➡️ 烏蛟騰山火瞭望台 ➡️ 鹿頸新娘潭路 完 (全程8.5公里/慢行5小時30分連休息影相) 於港鐵大埔墟站B出口乘的士 ➡️ 烏蛟騰祠心路(即20R小巴總站)車費＄113/約20分鐘車程。如果坐小巴就要夾啱時間，因為個半鐘一班車。👇10：20起步🚶♀️🚶♀️🚶♀️🚶♀️落車後小巴站旁邊小橋走入，小樹屋在右手邊。 👇之後穿過村屋群去到公廁，公廁左邊石屎路徑走👣 👇九担租路牌右轉👣 👇留意右邊小溪澗，約5分鐘後會見到一串串的禾雀花掛滿樹藤上🥰🥰🥰點擊圖片放大 +2 👇遠睇好似掛係樹枝上，望真其實係喺樹藤長出一串串禾雀花。 👇沿路都有的，經過九担租仲有㗎，密切留意😊🥳點擊圖片放大 +4 👇遇分岔口就揀左邊路徑行😅 👇暫時路徑都輕鬆易走😊👍🥰 👇左邊山頭就是吊燈籠 👇11：07左邊開始上山往吊燈籠標高柱(右邊路徑是往三椏村) 👇慢慢走要一小時路程(今日有2位新朋友，所以要就下佢哋體力及步速🤟)點擊圖片放大 +5 👇多得兩位新朋友，我先可以乘機放慢腳步🤪🙈 👇隱約睇到遠處的印洲塘海岸公園 👇12：05到吊燈籠 (海拔416米) 本來360景觀現給大霧籠罩住🤦♀️ 👇小休後👉西北面路口落山👣(往鹿頸方向) 👇回望吊燈籠 👇路徑尚算好走，但沒太多景觀，只有草叢。 👇間中會跣😅 👇之後又變噃好好走😂右邊梯級上走往山火瞭望台 👇今日無乜打卡位，所以梯級都唔放過📸📸📸😅 👇13：52到觀景台及山火瞭望台，開始出太陽🌞 👇山火瞭望台(屋頂亦有支標高柱🥰) 👇📸📸📸點擊圖片放大 👇📸📸完後，山火瞭望台旁邊郊遊徑下走👣(降下坳方向) 👇呢到都有竹林，陽光照射下特別靚🥰🥳點擊圖片放大 +3 👇往右轉走(左邊是往降下坳)點擊圖片放大 👇之後路徑比較沉悶亦沒有景觀，所以中途左轉落山接新娘潭路往鹿頸離開 👇接新娘潭路後往鹿頸小巴總站乘56K往粉嶺離開(約20分鐘路程)😇行程至此完畢🥳🥰😇🍻🤟💪👍
