1月23日 (星期六) 18~25度 晴🌞今日終極目的地係流水響水塘😊🥰無理由淨係去流水響咁小兒科㗎😅梗係要加啲嘢刺激下先得㗎嘛😛哈哈.....點知有小小捉虫添🥲今日好鬼死熱🥵雖然天文台預報最高25度，現場估計應該有28度😅好睬初段上山有樹蔭🌴用咗2個鐘先上到純陽峰(呢段路只有1.5公里😅🙈)唔好畀12.5公里嚇親🙃由純陽峰落山往鶴藪水塘只不過是6公里💪最難算係上純陽峰段及落山至鶴藪水塘全段梯級，鶴藪水塘至流水響水塘3公里，往落羽松影相來回1公里，流水響水塘至鶴藪小巴總站2公里。路線：大埔山寮路 ➡ 八仙嶺純陽峰 (海拔590米) ➡ 黃嶺 (海拔639米) ➡ 鶴藪水塘 ➡ 流水響水塘 完 (全程約12.5公里/慢行8小時連休息影相) 於港鐵大埔墟站A出口小巴總站乘20E ➡ 山寮路總站落車 (約20分鐘車程) 好睬有特別班次唔駛排20C(超多人😅)👇10:05起步🚶♀️🚶♀️🚶♀️落車後沿山寮路往上走👣 👇約3分鐘後右邊路口上山往純陽峰⛰ (約1.5公里/慢行2小時) 👇見到個路口...嘩咗一聲😅...好似有難度喎🙄🤔...原來唔難㗎，都幾好行仲有樹蔭添🥰🥰🥳 👇疑似標高柱🥰 👇暫時條山徑都好好行👍路徑清晰沒有分岔路，有樹蔭👍唔駛咁辛苦😅 👇約30分鐘後開始有景觀😊望到慈山寺觀音像(此時約海拔230米)，仲有360米要上.......加油💪點擊圖片放大 👇沿路景觀主要是船灣/馬屎洲/大埔觀音像，還有對岸的馬鞍山。路徑開始沒有樹蔭了🥵間中要攀爬💪點擊圖片放大 +2 👇一陣會走過這些山峰往鶴藪水塘的點擊圖片放大 👇仲有一個鐘路程先到純陽峰😴🙄好鬼死熱🥵 👇仲以為上埋背後座山就到添😅 👇有時又好好行😊👍 👇差不多到頂啦.....已經見到八仙嶺其中兩個峰👍⛰⛰ 👇呢座山就是純陽峰啦💪🥳🍻 👇12：09到八仙嶺第八峰純陽峰(海拔590米)🥳🍻點擊圖片放大 +3 👇打完卡📸📸繼續上路🚶♀️🚶♀️之後路徑上上落落幅度唔大，沿途景觀亦沒有太大驚喜。。。。只有綿綿的山脈👍指示牌顯示往鶴藪需要4小時，要量力而為💪💪途中亦有多個退出位👍 👇走過壯麗的山脈⛰ 👇此路徑是衛奕信徑9段，沿途會路過犁壁山及屏風山。 👇遠處的南涌及鹿頸😊 👇已走過的山頭👍👍🤟點擊圖片放大 +3 👇13：33到分岔口，可在此往南涌/鹿頸。 👇再走5分鐘斜坡上黃嶺標高柱，之後從另一條下走接回衛徑9段往鶴藪。 👇13：40到黃嶺(海拔639米)嘩!多人到連支標高柱都影唔到😅🤦♀️景觀大致上差不多了....閃得😛 👇之後的路平坦易走不用上山的😇點擊圖片放大 +5 👇14：15👉走右邊衛徑9段，左邊是往屏風山的路徑。點擊圖片放大 👇十隻🐕好墟撼🥰🍻 👇14：23到另一個分岔口，可往丹竹坑，我哋繼續往鶴藪，仲有兩個鐘路程🤔🤨 👇過咗W116位置牌後開始落山，全程梯級，係咁中中中，中到腳趾痛😂🤦♀️約45分鐘可落到鶴藪水塘範圍(W113位置)😊點擊圖片放大 👇又到一個分岔口👣 👇15：13到鶴藪水塘範圍啦！唔駛兩粒鐘喎，不過未到水壩的，在此走過去也不過是10分鐘了，小休一回，讓趾公休息下😜🤣 👇沿鶴藪道往水壩👣 👇15：40到鶴藪水塘水壩😇 👇呢個時候陽光好靚👍🥳點擊圖片放大 +2 👇上梯級後接衛徑9段往流水響，約50分鐘路程👣點擊圖片放大 👇疑似標柱😅 👇👍👍👍👍👍🥰 👇此路口往上走👣 👇啊！🥺又上山呀🙈唔上得唔得呀🤪 👇走左邊路徑，另一條是往石坳山的 👇此路口右轉接流水響郊遊徑，好似無乜陽光了🙄 👇16：35到流水響水塘範圍😊 👇無陽光嚕🙄🤦♀️ 👇嚟到都要打下卡嘅📸📸去影落羽松先🥰🥳🍻 👇唔靚嚕，仲無埋陽光添🙃點擊圖片放大 +7 👇沿流水響道往迴旋處的小巴站乘52B離開，去到條龍勁長，唯有行去總站，總站無咁多人，第四架可以上到車😅🙈結果未嚟第四架車就有的士，梗係上的士啦🥳🍻！去到粉嶺車站車費＄60😇行程至此完畢👋👍🥳🍻💪🤟
