1月9日 (星期六) 7~12度 陰晴⛅噚晚仲擔心緊今日上山會好凍🥶今朝見到個天有太陽開心到不得了🥳😜不過晏晝開始無太陽了🤦♀️大東山去過兩次，一次伯公坳上，另一次南山營地上，今次試下由東涌東梅古道上，婆髻山路徑有啲似馬鞍山大金鐘😅天書壁落去只為打張卡😇蓮花山好多大石堆打卡位值得上去的，最後大東山落山禾寮墩前有45分鐘路徑比較跣同急，用咗2小時20分搞到天都黑哂先落完山🤦♀️😱最驚係聽到狗叫，都唔知係唔係山狗😱好驚佢哋衝嚟圍我哋🥶😱好睬最後安全到埗🍻🤫路線 : 東梅古道 ➡ 婆髻山 (海拔482米) ➡ 天書壁 ➡ 蓮花山 (海拔766米) ➡ 雙東坳 ➡ 爛頭營 ➡ 大東山 (海拔869米) ➡ 禾寮墩 (海拔323米) ➡ 東涌配水庫 完 (全程12.3公里/慢行9小時15分連休息影相👉包括於蓮花山停留40分鐘) 👇9：40起步🚶♀️🚶♀️🚶♀️於港鐵東涌站D出口左邊富東街👣 👇不要上天橋繼續直走 👇約10分鐘後梯級上走東梅古道 👇行行下亂咗😅偏離咗路徑去咗一條溪澗，最後都搵噃條正路😜😊 👇疑似標高柱🤔 👇上走約550級樓梯，開始越行越熱了😅要除衫除褲除褸🙈🤫 👇開始有景觀👍(藍天海岸/映灣園) 👇咁都玩得一餐👍😅 👇右轉接山徑往婆髻山💪 👇10：40位置👉有支標柱喎🥰約海拔120米 👇又估唔到今朝咁好天🥰好期待一陣嘅日落😊 👇以我哋嘅經驗，呢啲小攀爬路徑駕輕就熟了🤦♀️當然唔可以掉輕心💪🤟 👇第一站就是背後的婆髻山 👇在此路口上婆髻山💪約10~13分鐘路程，路徑好跣不過兩邊有樹枝樹幹攀附(唔上可以右邊繼續行程)此時遇到位落山男士，佢同我哋講另一邊好直好跣無嘢扶，叫我哋唔好係果邊落山🤔咁得人驚😆😅 👇11：32到婆髻山(海拔482米)沒有標高柱的。360度景觀，又真係幾值得上嚟嘅🥰🍻 👇決定喺好直呢邊落去往下站天書壁💪 👇又ok喎，唔算直起碼有石頭輔助😅好行過上嚟果段路😇大概都係15分鐘可落完。 👇落完後左邊路徑走👣 👇似唔似阿婆髻🤣🙈 👇約10分鐘後留意右邊有兩個入口往天書壁，兩個入口都可以的，第二個會直接啲清晰啲🤟 👇2~3分鐘到落天書壁的平台位置，因為好多人，同埋條路只可以單線上/落，所以要耐心在平台等候及禮讓😊 👇從呢個位置落去，有樹根扶助所以唔算難，但如果背囊太大(好似我咁🤣)就是先除下背囊先可以落到去😅 👇似一本打開的書😊😇 👇原路返回主路轉右繼續行程👣 👇往蓮花山👣👣 👇因為時間關係沒有上鴨腳瀝及三山台，直接上蓮花山😊😇 👇走過的山頭💪💪💪🍻🥳 👇14：04到蓮花山(海拔766米)沒有太陽了，上到蓮花山好鬼死凍🥶🌬 👇雖然係凍但都喺度搞咗40分鐘🙈🤦♀️ 👇毛豆話好危險一定唔會去喎🤨🤔結果.....一陣有圖有真相🤣🤣🤣🤣佢話唔會影我咪影路人甲囉🤪 👇嗱嗱......見到啦，又話危險喎🤦♀️🤦♀️🤦♀️ 👇14：45標柱旁邊下走至主路往爛頭營/大東山👣👣 👇經過雙東坳後右轉往爛頭營/大東山👣👣 👇呢個位置可以見到爛頭營😊😇 👇終於都見到大東山標高柱了😅上標高柱前再打個卡🤦♀️😅 👇16：22到大東山(海拔869米) 👇16：30標柱左邊落山，希望可以喺天黑前落完山💪💪如果有日落呢條路落山會好靚，可惜咁嘅天無啦！ 👇初段10分鐘路都幾好行，亦有清晰絲帶引路，之後落山就好跣同急🥴🙄 👇17：26位置 👇17：53位置，仲未到禾寮墩🤦♀️肯定天黑都未落完山😔 👇18：07到禾寮墩(海拔323米) 👇18：14位置，好靚嘅東涌夜景😅🍻天快黑齊了，估計仲有半個鐘先落完山，沿路聽到狗叫聲😨 👇18：17位置，而家好清楚聽到狗聲好似係野狗😱😱超驚驚....如果佢地衝出嚟點算😰 👇18：50總算安全落完山🍻😇沿黃龍坑道出東涌道乘車離開🤟行程至此完畢🥳😇🍻💪🤟👋
