10月31日 (星期六) 22~26度 陰晴🌤原來呢條路線有個靚位睇千島湖好正👍➕尾程影大欖涌水塘主壩全景超靚，短短路程用咗好多時間去打卡影相😂🤪早上天灰濛濛➕涼涼地，行得好輕鬆舒服😇😊12點開始放晴🌞有點熱💪前半段路徑部份碎沙石路好跣要注意➕小部份路徑有樹蔭🤟下半段落山往大欖涌水塘石級路為主。路線主要景觀👉青馬大橋、汀九橋、馬灣、青龍頭、屯門、大欖涌、千島湖(大欖涌水塘)等等。路線 : 屯門公路轉車站 ➡ 多普勒天氣雷達站 ➡ 遠觀千島湖(大欖涌水塘) ➡ 桃坑峒 (海拔344米) ➡ 大欖涌水塘主壩 ➡ 屯門公路轉車站 (全程6.5公里/慢行5.5小時計休息及影相👉估計花了1.5小時影相😅🤗) 👇屯門公路轉車站👉如果喺上層落車需要落下層往青山公路大欖段方向走 👇青山公路大欖段 👇約1~2分鐘後往右手邊的天后廟，廟旁的梯級就是起點了 👇9：50起步🤟💪箭咀方向上梯級 👇之後左轉入草叢 👇5分鐘後景觀開揚，可望大欖涌及屯門 👇10分鐘後到多普勒天氣雷達站 👇推唔推得郁呀🤭老友 👇狗尾草 👇雷達站旁邊路徑下走過對面山徑往桃坑峒(亦可走引水道接山徑上桃坑峒)走引水道會較輕鬆，但相對景觀沒有走山徑那麼多影相位😅😜 👇沿路的大石襯托影相很不錯呢👍👏 👇下方是屯門公路及青山公路，對岸是大嶼山 👇11：00位置👉可以望到小小千島湖啦，可惜天氣仍然麻麻地🙈 👇下走往另一座山(經過大石板) 👇又再下走上另一個山頭，還有3座山頭要攀過 👇青龍頭及馬灣 👇經過一塊大石寫有警告字🤨🤔 👇呢段路有啲似屯門青山路線，多碎石同埋都幾跣下 👇好靚的綿羊雲🐑🐑🐑 👇過埋最遠果座山先會見到桃坑峒😅繼續加油呀💪💪 👇疑似標柱🙄🤔 👇路段多碎石，要多加注意 👇回望走過的山徑💪💪💪🥳 👇毛豆指住的是天氣雷達站，往右走小小是睇千島湖最好的位置👍 👇睇千島湖最佳位置 👇12：45位置👉右上方是桃坑峒標柱，在此路徑下走往桃坑峒 👇攻頂後會在左邊方向落山 👇13:00到桃坑峒 (海拔344米) 👇13:25落山往大欖涌水塘主壩 👇5分鐘後繞過此建築物接石級下走 👇約30分鐘到分岔口左轉下走往大欖涌水塘主壩 👇右走往主壩 👇呢個位影水壩好正.......你又📸佢又話要📸單人，咁我都要📸下囉🤣🥳係度玩咗好耐📸📸 👇14:30走入主壩🤣🙈 👇14:50走過主壩後左邊梯級下走經過懲教所離開 👇走完梯級後右轉繼續下走 👇路口左轉 👇箭咀方向走接上大欖涌路 👇接上大欖涌路後，沿路有的士/小巴離開 或 直走至屯門轉車站離開 👇行程至此完畢🥳🤞😇
