9月29日 (星期二) 25~28度 陰晴天公造美😇雖然沒有藍天與白雲😉慶幸只灑了幾滴雨🥰👍滿足了👍🥳短短路線有4支標可以Kill...正👍😊👍南沙嶺同沐坑山位置雖然唔高,但已一覽無遺👉白泥、後海灣、深圳灣大橋、蛇口、深圳等等。全程算有點難嘅係上南沙嶺🤟💪山徑是碎沙石路比較跣,上還可以落就真係要步步為營💪相對上沐坑山就容易好多了。全程遇到2次陀地🐕😨真係好兇惡🥴好睬朋友夠淡定👍🍻。路線 : 尖鼻咀唐夏寮/龜山(海拔71米) ➡ 深灣路 ➡ 南沙嶺 (海拔68米) ➡ 輞井圍 ➡ 淋坑山主峰 (海拔81米) ➡ 副峰 (約海拔60米) ➡ 流浮山 完 (全程約7.7公里/3小時40分連休息影相) 👇於西鐵元朗站B出口步行至泰豐街乘35小巴於尖鼻咀落車(約30分鐘車程) 👇10:15起步,先到第一站唐夏寮/龜山Kill Bill🥰 👇長長梯級後就是龜山及唐夏寮涼亭 👇一眼望哂😂我又唔見有望遠鏡喎🙈純為打卡上嚟,在此亦有山徑可前往輞井圍,我哋會原路落回深灣路去南沙嶺 😂😂😂藝術嘅嘢.......你識咩啊🤣 👇沿深灣路往流浮山方向走 👇本身呢個位轉入可上山去南沙嶺,但原來係私家地方入唔到去🤪🙈 👇唯有繼續行深灣路經過沙橋村後此路口左轉入🚶♂️沿路徑走 👇約5分鐘後此路口轉入上走往南沙嶺 👇上咗小小山已經可以見到白泥及深圳灣大橋 👇要攀過2座小山先到南沙嶺,呢段路有啲跣要慢慢走。點擊圖片放大 +3 👇呢座又斜又跣嘅山就係南沙嶺了💪 👇11:10到南沙嶺 (海拔68米) 👇一心諗住上嚟Kill支標就閃,又估唔到呢度360度景觀咁正👍👍🤟cool到呢🤭🥳點擊圖片放大 +2 👇11:20原路落山,約15分鐘路程 👇落山後左邊前走幾步及留意右邊路口走入 👇此路口右轉 👇沿路徑往輞井圍/天水圍方向走 👇約10分鐘後走入荔枝園(私人地方),此時有2隻兇猛的陀地🐕🐕我驚到相都唔夠膽影🥴🤪好睬朋友夠淡定先順利走過,荔枝園範圍好大,有明顯路徑。 👇再走入見到一排排的荔枝樹,此時有位女士站在園中.....嚇死我了😨行咗成朝一個行山人士都無遇到,突然有個人粒聲唔出企喺到望住我哋🤯.....原來係園主.....佢見我哋唔係嚟偷野開始放下戒心同我哋呻😅話有行山人士專程嚟偷荔枝、柿、大樹菠蘿.....🤯越講越勞氣😌🙄仲話遲啲會封咗條路等你哋行山人無得嚟偷野😥 👇一路跟住呢位女士往輞井圍 👇出咗輞井圍後此路口左走往天月路 👇右邊就是沐坑山 👇一直走 👇此路口右轉接上天月路 👇沿天月路走(沒有行人路,要在防撞欄內走),會經過建造業學校(天水圍在左手邊方向就正確了) 👇此路口右轉入 👇穿過此門😅 👇中間上山,右邊是沐坑山主峰,左邊是副峰點擊圖片放大 +2 👇路徑望落有點雜亂,但非常好行,約10分鐘可到頂點擊圖片放大 👇12:40到沐坑山主峰 (海拔81米) 👇可望到剛才走過的南沙嶺點擊圖片放大 +3 👇箭嘴方向往副峰 👇雲浮仙觀及深圳灣大橋 👇沐坑山副峰 👇沐坑山上迎中秋🤗🌹🍻點擊圖片放大 +4 👇13:30落山往流浮山(約35分鐘路程)😇之後的路線都沒有打卡位了🙄點擊圖片放大 👇最後一段路經過鰲磡村出流浮山道又遇到🐕🐕🐕🐕陀地😨😨 👇14:05到流浮山🤗行程至此完畢💪👍🍻😇有巴士小巴往天水圍/元朗離開