9月12日(星期六) 26~30度 陰晴➕⛈大埔滘林徑有4色路線，分別是紅(3公里)、藍(4公里)、啡(7公里)、黃(10公里)，最短的紅色步程約需45分鐘。今日主要係去樹藤王➕九肚山，所以唔會跟顏色路徑而行，再加上太多分支路，最好開定位隨行，樹藤王位於2號郊遊地點左邊樹林內，需要走入草叢1至2分鐘路程方可見到(驟眼睇有點像茅坪坳的樹藤王，細心看其實很大分別的)，大埔滘林徑沒有開揚景觀，最多的是小橋流水(大坑)及樹林木。後段上九肚山才有開揚景觀，可望大埔慈山寺觀音，船灣水壩，馬屎洲等等......九肚山落山可望馬場，火炭等等地方。路線 : 松仔園 (位置約海拔50米) ➡️ 大埔林徑 ➡️ 樹藤王(2號郊遊地點) ➡️ 九肚山 (海拔399米) ➡️ 160米高標柱 ➡️ 馬料村(位置約海拔100米) 完 (全程約7公里/行4小時50分連休息影相) 於東鐵大埔墟站A出口小巴總站乘28K ➡️ 松仔園落車(約15分鐘車程)👇9：30起步，大埔滘護理區入口及停車場 👇大埔滘護理區入口 👇2條路都可以，我哋選擇易走的石屎路🤫🤭 👇一直斜斜上走💪💪大埔滘林道滘沿段 👇約15分鐘後到1號郊遊地點範圍及4色林徑起點，還有右邊的大坑溪澗水壩 👇大坑溪澗水壩 👇大部份路程都係沿大坑溪澗而走 👇最近經常落雨，要注意路徑濕滑小心慢行 👇左邊上走，此時仍然是4色重疊路線 👇開始分顏色路徑了，走右邊的紅藍色路徑 👇2～3分鐘後到2號郊遊地點 👇涼亭左邊會見到弧形的樹藤，自從有人攀爬上去後多了塊警告牌🙃 👇走入弧形樹藤後方草叢 👇此警告牌後方走入約1分鐘 👇經過 👇到樹藤王啦！ 👇原路走回涼亭及繼續走紅藍色路徑，此時位置約海拔140米。 👇這棵樹很特別🤔樹身有條條的幼藤攀附著😇 👇繼續藍路上走 👇沿途大坑溪澗在右邊 👇丫义樹😂😂 👇10：50位置 ～ 小休一會後繼續直走(不過橋) 👇開始上攀至海拔340米分岔口，多梯級，路有點爛，好像很久沒人走過了🤪間中還有倒樹擋路😇 👇又有樹藤喎🤔喎知係咪剛才的樹藤王伸延過嚟呢🙄🤣喂！好藤唔攔路喎😅唔該借借🤭😇😂 👇約30分鐘後到分岔位，右轉走黃啡路 👇之後第一個路口指示牌左轉上走接大埔滘林道(乾坑段) 👇出口接上大埔滘林道(乾坑段) 👇下走往九肚山(有興趣可往瞭望台，需原路折返) 👇一直走，接上的是大埔滘林道長瀝段 👇約15分鐘後接上往九肚山的山徑 👇遠處有行山人士💪 👇先穿插一小段樹林後走出上山 👇路徑尚算清晰，也有絲帶引路 👇加油💪💪💪這位先生70有多，好利害👍👍👍 👇約15分鐘後位置可望到大埔慈山寺觀音像😂😂😂 👇繼續💪💪💪 👇12：50到頂啦 ～ 九肚山(海拔399米) 👇又見到呢塊方石喎🤔 👇標柱背後有支廢標柱喎🤔 👇近排天氣比起女人的脾氣還要飄忽😂難捉摸😅突然有埋黑雲喺落山方向，諗住等佢飄走先落山，等咗陣似乎無咁快散，仲行雷添......唔等啦！gogogo...落山啦🤟 👇想急都急唔嚟😂有啲位都好跣，路徑都算清晰跟絲帶走就不會錯。一邊行一邊聽到行雷聲😨😨😨 👇蝴蝶蛻變.....很美😊 👇約40分鐘後到一個大石板位置，景觀也不錯，感恩到此還沒下雨😘😘😘 👇馬場 👇之後會經過支標高柱繼續落山(此時位置海拔160米) 👇真係口臭🙈🤣仲有5分鐘路程都捱唔過🙄落勁大🌧🌧🌧濕哂身😪😖行程至此完畢👍🤟😊落山後正前方會見到涼亭，涼亭左邊有小巴站，乘66K往沙田新城市離開。
