8月31日 (星期一) 28~33度 陰晴🌦今日可謂前半段輕輕鬆鬆晴朗天,後半段驚驚險險陰陰天🤭😅行哂成條引水道準備去清快塘,點知修路封咗🙈🤪又要行噃轉頭搵路過大欖隧道再上山,終極景點係風門山,去到Apps顯示到咗風門山,但係唔見標柱嘅🤔即刻無哂心機,咪死死氣落山去青龍頭啦😔點知行行下見到支黑白色物體.....係風門山標柱呀!🥰(即係apps有誤啦!)🤔見唔到支標柱真係瞓唔著㗎,係成程重頭戲嘛,除咗前段天氣唔錯又影到青馬/汀九橋外無其他靚景了。路線 : 荃灣油甘頭(位置約海拔75米) ➡ 大欖涌引水道 ➡ 途經石龍坑 ➡ 風門山 (海拔226米) ➡ 深井沉澱塘 ➡ 青龍頭 完 (全程11.6公里/5小時40分連休息影相) 🚘荃灣地鐵A4出口,落地面乘96A小巴 ➡️ 油甘頭總站落車 (約15分鐘車程)👇8:30起步 ~ 左邊石屎路上走 (落車位置海拔75米) 👇5分鐘後左邊引水道指示牌上走 👇5分鐘後接引水道左邊走 👇呢段路會比較沉悶無景觀,不過環境非常舒服好走 👇引水道好多🐟🐟🐟🐟🐟 👇約20分鐘後開始有小小景觀 ~ 汀九橋 👇個景好靚可惜畀啲草草樹樹擋住哂,唔緊要再行前會有個全景靚打卡位👍🤞 👇大石頭背後影的 👇9:20到全景打卡位😍😍😍仲有至愛嘅標柱 (位置海拔120米) 👇Royal View Hotel 👇1958年老過我🙈🥳 👇再往前小小又有個影相靚位,2張比較下,我覺得有model果張靚啲🥰 👇引水道旁邊有石塊顯示距離👍 👇😍😍😍又見到標先生 👇嘩.........架車咁慘烈呀!😂🙈 👇石龍坑瀑布 👇可以由右邊攀爬去石龍飛瀑 👇10:35到引水道盡頭準備接山路往清快塘,點知修路封咗😨堅係過唔到去㗎...... 👇原路走回(約1800米)並留意草叢絲帶位走入 👇路段非常清晰及有絲帶引路。朋友幫我孭背囊😜無言感激😘😘😘 👇約5分鐘出口見到大欖隧道,沿引水道下走至地面 👇一路都係跟住絲帶走的 👇往上走後,上藍色建築物的後樓梯過對面 👇好艱辛咁過咗對面 (嗰刻覺得我哋好叻叻搵到路+成功過咗隧道😁)..........就係呢刻見到2位行山人士,個男嘅好奇怪咁望下我哋 (當時我哋好努力咁喺鐵絲網旁邊落緊去)我哋都好好奇望噃佢哋點解會喺個窿捐出嚟嘅🤔....當刻真係想搵窿捐🤣🤪原來有條管道可以過來的🤫🙈🙈🙈 👇出管道後右邊上山 (有絲帶引路) 👇開始草叢中穿插,路徑都算清晰亦有絲帶引路,唔難走但要留意地下樹藤樹枝突出 👇40分鐘後到分义路口,走左邊的沙泥路往風門山 👇路好好走,唔使5分鐘就到風門山 (根據apps顯示) 👇搵唔到標先生喎,唯有繼續行程啦😞 👇行下行下差不多20分鐘後,見到標先生啦🥰🥰原來呢個位置先係風門山 (海拔226米) 👇個天想落大雨,所以不宜久留,急急腳落山 (飛毛腿🤣),不過都快唔得幾多,因為地下好滑好跣😞35分鐘後接引水道落地面 (最後只係灑咗陣小雨點就停了) 👇引水道下走後接石屎路往青龍頭方向走 👇13:20位置 👇深井沉澱塘 👇繼續往青龍頭方向走 (大欖林道 ~ 深井水塘段) 👇一直下走就對了 👇隻雞毛色好靚喎👍👏😂 👇一直下走至龍如路小巴總站乘96號出荃灣離開