8月29日(星期六) 28~36度 灰濛濛天/酷熱🥵太陽伯伯你去咗邊呀？！🤔你睇你唔喺度個天變成點？😅😜超熱今日最高有成36度🙈🥵好睬太陽伯伯唔係成日出嚟咋。呢條路線有好多我嘅死敵......梯級😅🙈🙄🤪雖然係咁但又唔太辛苦喎😅有樹蔭加上沿路好多涼亭同休憩點....仲有櫈添，稱得上係屯門後花園👍🤟全程最難行算係1️⃣藍地水塘至洪水坑水塘2️⃣洪水坑水塘至公庵山，黃色光禿禿沙泥路同尾段上公庵山冇遮冇擋💪💪路線 : 屯門 ➡ 麥徑10段 ➡ 屯門徑1段彩虹段 ➡ 藍地水塘 ➡ 洪水坑水塘 ➡ 公庵山/洪水山 (海拔297米) ➡ 大棠 完(全程8.8公里/6小時連休息影相) 👇8：50起步🚶♀️🚶♀️西鐵屯門站A出口落地面後，過對面行人路往屯門市廣場方向直走(會經過杯渡輕鐵站)再過埋青山公路青山灣段紅綠燈，留意左前方有清晰指示牌入口 👇西鐵屯門站至此約15公鐘路程，有麥徑10段及井頭上村北指示牌 👇初段只係石屎路好好走，過了配水庫就開始無間斷梯級，好睬沿路有樹蔭🥰 👇一直沿黃色欄杆/地下郊野公園字走 👇過咗水庫就開始上梯級，都易行嘅加上有樹蔭，一啲都唔辛苦😅 👇10分鐘後到T字路口，左轉走屯門徑一段(右邊是大欖郊野公園入口) 👇沿途好多涼亭👍 👇開始有景觀👍😇 👇繼續直走🚶♂️🚶♂️先去第一個景點 ~ 彩虹欄杆 👇屯門市及青山 👇9:40到彩虹欄杆 ～ 比我想像中新淨，顏色好搶眼😍🤩應該有定期上色先會保持到咁靚咁新👍欄杆全長約150米，而家位置海拔165米。 👇完咗彩虹欄杆後前走小小就是若夢園，另一個休憩地方 👇浮生亭 ～ 又幾別緻喎👍🥰有心思 👇右轉上去藍地水塘，開始梯級 👇木球 ～ 自定場地，又唔駛租場👍🤟 👇佢個樣好似咬得好倦好辛苦咁喎🤪....唔知幾時先可以鬆口呢🙄😅 👇畀人劃埋眼鼻頭髮上去😅 👇分义位左轉下走 👇啲路好靚好好走 👇經過涼亭 👇遠處的藍地水塘 👇繼續左走 👇10：25到虎地坑郊遊徑入/出口及燒烤場。在此小休後涼亭背後石屎路下走往藍地水塘 👇約5分鐘後到路盡頭，有往水塘指示牌 👇10：45到藍地水塘水壩 (位置海拔35米) 👇10：55開始去洪水坑水塘，走過水壩後由此上(之前朋友帶嚟係繞過石礦場，今次試下走捷徑😉💪😅)只要小心慢慢爬就可以，很小段路的，之後是山徑，一路有絲帶引路 👇有支標柱呀😍😍 👇可望水塘全貌 👇原來水塘的標柱是相對而立的😇 👇開始🚶♂️沙泥路，路程短，唔太難行 👇約15分鐘後接引水道 👇引水道邊絲帶走入，之後無絲帶，路徑亦唔清晰，只要走到引水道，沿引水道走(石礦場在左邊方向就對了) 👇沿引水道直走 👇石礦場 👇走到盡頭繼續沿引水道下走，呢段比較斜，要小心慢慢落 👇之後無咁斜同可以走引水道石屎面 👇最後一段是草叢路，跟絲帶走至鐵絲網，接上主徑左邊走 👇石礦場警告牌在左邊方向就正確了 👇在此右轉下走 👇最後長長梯級落洪水坑水塘 👇11：50到洪水坑水塘水壩(位置海拔80米)，小休後往最後一個景點 ～ 公庵山，亦係全程最辛苦一段路🤪 👇蜻蜓也休息😂😚🤭 👇走過水壩後右轉沿水塘邊走 👇12：10左轉開始上山，約2公里到公庵山 👇又係黃色沙泥路😅 🥵🥵🥵 👇太陽出來了😂🤪間中都有勁風嘅，開始有啲吃力，條路有時都幾跣 👇座山曾經燒過 👇朋友見我行得咁辛苦就幫我孭背囊😌😬真係唔知講咩好....太感激了😽😽 👇行行下突然聽到引擎聲🙄原來有越野電單車落山🏍🏍🏍 👇元朗 👇跨埋呢個山頭就會見到公庵山 👇公庵山就在電塔背後 🤭🤭🤭 👇剛才走過的路 👇13：40到公庵山(又叫洪水山)海拔297米 👇到頂後好好風，太陽伯伯無出現....爽呀!🥰😇小休後原路走回並於白屋旁邊小路落山 👇往大棠方向下走，只有一條路，全程木梯級，要留意慢走，有些木梯級已破爛並突出鐵枝 👇木梯級面積也很細小 👇最後一段山路 👇14：25到公庵寺附近，嚟到我都傻咗🥶呢個範圍地下堆滿垃圾，根本見唔到邊條路可以落山，剛巧有2位行山人士，咪問女士點落山，佢唔應我，再問屋主，又係唔應，淨係聽到屋主不停揼嘢，最後係垃圾堆搵到路落山，並見到公庵寺😅👇唔應人的行山女士🙄🙃 👇落地面後往公庵路小巴總站乘39號往元朗離開 👇去到元朗氣溫仍然好高 ～ 34度😌
