7月30日(星期四) 27~33度🌞🌞明明有條好路入鹿頸村....又唔行....偏偏走上山就係為左2支標柱➕超高清靚景囉😇😁🤭淨係條2公里山路就用左2小時50分鐘先完成🙈🙈途中行錯左3次路徑(所以一定要跟絲帶行)🤪山路是非正式路徑🤪大部份給草叢擋住睇唔清地下，加上雜草kick腳樹枝樹藤突出要小心所以增加難度，最好著長褲長衫帶手套以免刮傷及防樹有刺。出嚟玩安全最重要，所以寧願用多啲時間慢慢行💪💪✌總好過發生意外🙂今日水退時間非常適合綑邊。 路線 : 欣澳地鐵 ➡ 欣澳海堤 ➡ 時光隧道 (打棚埔隧道) ➡ 69米高標柱 ➡️ 58米高標柱 ➡ 鹿頸灣 ➡️ 鹿頸村/碼頭 ➡長索連沙洲 ➡ 陰澳灣 ➡ 欣澳海堤 ➡️ 欣澳地鐵 完 (約8.4公里/慢走5小時50分連休息影相) 10:00起步 ~ 欣澳地鐵A出口，沿海邊海堤路往東涌方向走。 今日終極目的地就是對岸的鹿頸村/碼頭及長索連沙洲，因水退關係已清楚見到連沙洲了，可過長索島!!✌點擊圖片放大 +6 第一站走左邊往打棚埔時光隧道打個卡先📸📸之後原路返回再往右邊上山💪 約45分鐘後到抽水站，靠左邊路走 隨即轉左就見到第一個隧道。 經過大水管另一邊亦有隧道的 大大隻字寫住時光隧道🤣🥳👍 😂😂😂點擊圖片放大 +2 原路走回剛才的T字路口直走見引水道上石級!! 行左上去發覺條路唔啱🙈🙄 個景好靚呀!! 前方白色建築物就是剛才的抽水站。 落去往海邊方向過2條引水道再上去，今次啱啦! 留意左邊有絲帶路口走入。 好快20分鐘後到第一支標桂 (69米高)，360度景觀➕超高清。點擊圖片放大 右邊是鹿頸村及長索島點擊圖片放大 繼續 ~ 啲草叢又高又鎅手+樹又有刺，仲要睇埋地下，點會唔行得慢呀😞🥴 剛才支標柱 ~ 孤獨於草叢中😜 終於到最高點位置 ~ 約124米高 開始落山啦 ~ 記住沿路一定要跟絲帶走，沒有絲帶的入口不要走💪💪 前方是欣澳地鐵，左邊是鹿頸村及長索島 繼續 13:35到第二支標柱了 (58米高) 戰績 ~ 白色變灰黑色😅😜 14:05位置 ~ 落完山了，而家往海邊鹿頸灣走點擊圖片放大 鹿頸灣點擊圖片放大 往左邊的長索島連沙洲 (要注意水退先會出現連沙洲) 韆鞦右邊石屎路走入往鹿頸村(經過燒烤場及公廁)點擊圖片放大 陰澳灣點擊圖片放大 +3 我之前嚟都無呢啲野既，淨係得幾隻陀地招呼我咋😞😒 鹿頸碼頭，路旁有石級落去前往長索連沙洲點擊圖片放大 +2 中間部份就是連沙洲(水退才會出現的) 水退後可過長索島綑邊一圈；我哋由於時間關沒有綑邊，附近影影相就回程了!!點擊圖片放大 +7 行程至此完畢🤞原路走回至欣澳地鐵離開點擊圖片放大 +2 欣澳都係一個欣賞日落美景好地點🥰
