7月28日(星期二) 28~34度🌞今次條線值得推介👍易行石屎路＋泥路＋小小石級😊雖然唔係全程有景觀，但算不錯，最特別係2條古石橋，間中亦有疑似軍事廢墟，更可遠觀海洋公園👍👍雖然香港仔水塘唔算好壯觀，但加上今日既藍天白雲襯托感覺也很美。 路線 : 灣仔峽道(位置約250米高)➡港島徑4段➡班納山 (214米高)➡香港仔上水塘➡香港仔下水塘➡下塘坑➡黃竹坑道➡️黃竹坑地鐵 完 (8.5公里/慢行5小時連小休影相) 於中環巴士總站乘15號(交易廣場地下)➡灣仔峽道落車 (約25分鐘車程)落車位置約250米高，亦可由灣仔行上嚟，我就覺得夏天會比較辛苦，所以選擇坐車由此起步😉🥰 落車位置是一個交匯點有好多路口，今日起步點是金馬倫山道。 09：30起步 ～ 靠右行見香港仔郊野公園牌轉入 靠左走金夫人徑牌方向 路段非常好走又有樹蔭😍 沿路間中會見到疑似軍事廢墟。 繼續 ～ 往布力徑方向走 石牆 約25分鐘後，到第一條特色古石橋👍😍 橋的一邊是瀑布，小小的但一樣有氣勢😙水也非常清澈👍點擊圖片放大 再走落橋另一邊。 沿路可望到山景＋豪宅😁 繼續走布力徑方向 又見到疑似軍事廢墟。 約15分鐘後見到第二條古橋，呢條無第一條咁靚😆點擊圖片放大 似唔似對👀🤪🙄 十字路口 ～ 繼續直走，開始有石級，但唔多的，景觀亦開始開陽更可望到海洋公園 繼續直走往觀景台 10：50位置 ～ 金夫人馳馬徑觀景台 右邊走下水塘方向往班納山。 走約5分鐘後留意右邊有明顯山徑入口，上班納山，此時位置高度約140米，班納山高214米，難度唔高不過此時非常熱及乾煎🤪 路徑明顯及易走的，景觀也開陽👍 正常15~20分鐘就可以上到山頂，但我用左30分鐘，當然係因為太熱無乜風及本身問題🤪🙈所以要慢慢上，平時我唔會開傘的，今次連傘都開埋可想而知有幾熱🌞🌞 幾辛苦都好影相果陣要保持笑容既😁🤭點擊圖片放大 11：35到頂 ～ 班納山214米高點擊圖片放大 開始落山啦，因為無避曬位所以不宜久留😑😅 約20分鐘後到一個大石板位置，右邊走往香港仔上水塘。 不落石級，右邊走 又一段易走唔曬路徑👍 我以為係標柱添🙈原來係雨量器。 12：40到香港仔上水塘 好多麻鷹係到覓食🐟🐟🐟點擊圖片放大 途中作樂😁🤭 繼續 ～ 往下水塘 13：20到香港仔下水塘點擊圖片放大 +3 淨係啲雲形狀已經靚到無朋友👍👍👍 最後一站 ～ 下塘坑。沿引水道慢走留意右邊有路口落山（路口唔太明顯要細心注意）之後路亦唔明顯，沿路只見到一條絲帶，相信之前呢區應該係有人住的，所以不時見到有石級及廢石屋，只要沿此軌跡往下走就對了💪💪💪 途徑廢井 20分鐘後終於到下塘坑了✌✌ 本來打算小休先離開，點知比螞蟻咬。。好鬼死痛架🥶好睬唔係有毒蟻😇點擊圖片放大 +3 行程至此完畢，走回大馬路黃竹坑道乘巴士/小巴離開 或 步行至黃竹坑地鐵約15分鐘路程。 前方黃竹坑地鐵
