7月15日(星期三) 28~35度 晴朗🌞一條好行既路線相信點都要配合天時地利人和既😊😇就好似今日條路線好好行✌石屎路➕沙石路➕小小樓梯，又無大上大落路段，有樹蔭，又有水玩，風景又一流👍不過真係太熱了，變得有點辛苦🤯天文台顯示34.6度，好睬去到白馬咀都有風又可以係岸邊玩下水，最尾站到三星灣亦可落水(不過就因為疫情關係無得沖身!!)路線 : 北港 ➡ 輋徑篤路 ➡ 白沙灣遊艇會 ➡ 白馬咀(天然岩岸) ➡ 麻籃笏 ➡ 三星灣泳灘 完 (全程8.4公里/行4.5小時連休息影相~包括於白馬咀停留了30分鐘) 👇鑽石山巴士總站(地鐵C2出口)乘92號➡ 北港站落車 (車程約35分鐘)，落車後過對面馬路獅子會方向走入 👇穿過停車場轉左接輋徑篤路 👇過了停車場見此牌左轉接輋徑篤路 👇沿黃色遊艇會指示牌走，第一站先去參觀遊艇會🚤沿路車來車往未停過😅🙄 👇靚到呢!!!.......... 👇藍色衫哥哥仔準備出海，佢用舢舨拉出去上自己個艇再駛回碼頭，搬物資上船出海，我講笑叫佢載埋我地出去玩(人多開心啲嘛)，佢話載唔到咁多人喎😅🙄 👇我地連哥哥仔架船都唔放過😂😜係咁📸📸📸 👇遊艇會有人看守唔比影相🙄😐 👇離開遊艇會後回到分义路口隨即右轉上走，見此牌後靠左走，有條好靚嘅石屎行人徑。 👇走約10分鐘後見指示牌繼續直走往麻藍笏方向 👇再走5分鐘又有指示牌，先去白馬咀(所以走麻藍笏方向) 👇走一分鐘又有指示牌😅走大岩口方向往白馬咀，由呢度開始就真係比較辛苦啦🥴路唔難行但幾乎係零樹蔭加上烈日當空🥵真係乾煎架🤪大概要行45分鐘先到白馬咀💪💪 👇就到啦! 已經見到對岸了 👇12:30位置 ~ 到啦到啦.........白馬咀(天然岩岸) 👇爆炸雲🤣我話嘅........... 👇摸完啲水後真係忍唔住要落水玩下 (對腳落啫🤣) 👇好清涼呀!!..............爽爆😍 👇佢地2個影得咁Happy我都要📸呀!!不過啲石頭勁熱辣腳🤪 👇呢位妹妹仔今日先join我地行，可惜第一次就中伏了🤣🤫🤭 👇曬到有鹽出😮可想而知有幾熱 👇玩左半個鐘要去下站麻藍笏，會試下綑邊............. 👇去到呢個位又失敗了，今次又綑邊唔成功🤫🤫😁摸del扮下野影張相咋 👇要原路上番去留意左手邊有唔起眼絲帶入口 (穿草叢過去麻藍笏)約35分鐘路程 👇呢段路反而可以讓我地降降溫✌😘 👇又發作😂🙈摸DEL可能特別喜歡樹 👇14:05到麻藍笏 👇互不相干🤝你有你📸🐶有🐶浸水消暑🤭 👇繼續 ~ 沿石屎路走回指示牌往三星灣泳灘 👇驚唔驚😨.........都要行架喎!!其實好短啫....... 👇14:40又到去三星灣指示牌 (約20分鐘路程到三星灣) 👇行程完畢，回程乘船往白沙灣碼頭($10)不定時來往白沙灣至三星灣之間(班次好密所以唔駛擔心)約8分鐘船程 👇白沙灣碼頭
