4月28日 (星期二) 23~29度 天晴乾燥今日天氣好正，熱得嚟有風，所以一啲都唔辛苦，初段入村曝曬都幾係野，不過好快就到大樟樹，跟住35分鐘上社山Kill標，全程有樹蔭加上有風行得好舒服，落山到蓮澳也不過20分鐘，有時間可以入蓮澳村轉一圈，尾段蓮澳至上碗窰全程石屎路約1小時路程。路線 : 大埔社山村 ➡ 社山神木 (大樟樹) ➡ 社山 (海拔196米) ➡ 蓮澳 ➡ 上碗窰(樊仙宮) ➡ 大埔達運道 完 (約6公里/慢行3.5小時連休息影相) 🚘大埔坐的士去社山路路口 (本來坐小巴的，因為搞錯咗25K車站位置😅🫣)👇11:30起步 ~ 社山路路口左轉入村 👇呢段路乾煎，好在唔駛10分鐘入到村 👇入村後靠左走入村屋群，大樟樹在村屋群後面 (公廁及遊樂場旁邊) 👇大樟樹右邊有條山徑，是往社山標柱的 👇日久失修，走入要小心 👇往社山山徑 👇好快35分鐘就到頂啦！~ 望到大刀屻 👇社山 (海拔196米) 👇呢位隊員.........又嚟料......😅 👇12:50開始落山 👇20分鐘唔駛到蓮澳 👇石蓮路 ~ 可右轉入村行下或左轉繼續行程 👇蓮澳村內廢屋 👇蓮澳村 👇塊石好似有個笑樣O_O 👇蓮開亭旁邊有路線指示牌 👇繼續行程 ~ 馬窩方向往上碗窰 (衛奕信徑8段) 👇衛奕信徑8段 👇黑色嗰啲係羊羊嚟架🐐 !! 👇防空洞 👇擁抱的大樹 👇大樹中間樓梯落達運道離開
