4月17日 星期五 23~28度 天晴前段山頂花園和太平山景觀非常靚，沿途石屎路有樹蔭，所以一啲都唔辛苦，遊完山頂由同樂徑落回盧吉道/夏力道大概10分鐘路程，上西高山對比前段會覺得比較吃力點 (因為要行我最怕的樓梯>.<)，其實堅持下都係大概20分鐘就有好靚風景，下半段西高山後脊落龍虎山觀景台/西高山茶園 20分鐘路程，後段去松林廢堡沿途沒太多景觀。apps有啲問題，計多左倆條不知名的路線，實際無行到11.4公里 (時間是正確的) >.<路線 : 柯士甸山道 ➡ 山頂花園 ➡ 太平山 (海拔552米) ➡ 西高山 (海拔494米) ➡ 龍虎山觀景台 ➡ 四號涼亭 ➡ 松林廢堡 ➡ 香港大學 完 (全程約8公里/慢行4.5小時連休息及影相) 🚘港鐵香港站乘1號小巴 ➡️ 山頂總站落車 (約25分鐘車程) 👇山頂我上過無數次，但每次都係好休閒咁行下盧吉道，坐下纜車逛下商場咁，完全無諗過仲有山可以行😅 👇12:00起步，沿柯士甸山道往山頂花園及太平山山頂 👇經過柯士甸遊樂場 👇約15分鐘到山頂花園守衛室，旁邊樓梯落去 或 石屎路直去太平山山頂 👇前面高無線電臺就係太平山山頂啦 !! 👇一陣離開的同樂徑就在亭背後 👇太平山標柱高海拔552米，標柱放係特高頻超高頻無線電台旁屋頂上，遊人止步所以唔可以去kill標 >.< 👇觀景台位置望出 ~ 右邊係一陣要去攻頂的西高山 👇拉大相片勉強可以睇到小小標柱的 👇12:45開始落盧吉道/夏力道，遇分义位走右邊 👇估唔到呢到都有倆個防空洞 o_o 👇小休 ~ 水果陣 o_o 👇13:15往西高山進發 👇轉彎後開始樓梯上西高山山頂 👇慢慢行唔駛20分鐘就有360度景觀 👇回望太平山山頂 👇遠處的南丫島 👇好特別有日期牌.....比個like佢..... 👇由標柱後面落山 👇雖然都要手腳並用，但一啲都唔難 👇20分鐘落完山到龍虎山觀景台/西高茶園位置 👇回望西高山 👇H007位置牌往四號涼亭 👇到分义位走右邊，沿途無乜風景但路非常好走 👇15:00到四號涼亭 ~ 小休一會後往松林廢堡，呢個位置見到警察叔叔，大家都提高驚覺..........你明架啦 !! 👇上松林廢堡樓梯 ~ 路程約10分鐘 👇參觀完廢堡往終點香港大學 ~ 路程約30分鐘 👇途經龍虎山沒有上去，大家今日狀態好似麻麻地，見到樓梯就話唔上去了😅 👇指示牌落香港大學 👇落山出口位置
