4月9日 星期四 19~23度 天晴彌勒山751米高 ~ 今日選擇由昂坪做起點，昂坪位置高度約450米，所以上彌勒山不會太難，上山前仲可以到心簡經簡林同昂坪觀景台打下卡，全程路都非常好行，除上彌勒山是非正式路徑外 (路徑清晰易行)，其他都是石屎路。上彌勒山山徑也有很多大石打卡位，更可遠觀大佛全景；上到頂更加景觀開陽，可望大佛全景、石壁水塘、鳳凰山、遠處的大東山、機場、港珠澳大橋、360纜車及棧道，東涌市等等，落山後的法門古道沿途風景也不錯，最後東涌炮台都好特別，炮台內有小學又在鬧市中好大對比。路線 : 大嶼山昂坪 ➡ 心經簡林 ➡ 彌勒山 ( 751米高) ➡ 法門古道 ➡ 石門甲 ➡東涌炮台 (全程約10.4公里/慢行6小時連影相小休)東涌乘23號大嶼山巴士往昂坪總站落車 (車程約40分鐘) 11:30的昂坪 ~ 我嚟過好多次，好似今日咁少人真係未試過 >.<點擊圖片放大 +2 居然無人最多係牛牛同牛屎 ^.^ 唔知係乜東東，見到有D起雞皮...... 由此路去心經簡林約10分鐘路程 轉左點擊圖片放大 呢到多人小小 背後牌是上鳳凰山的起點點擊圖片放大 由此路去彌勒山郊遊徑入口，約8分鐘路程點擊圖片放大 12:20到彌勒山郊遊徑入口，右邊是法門古道，一陣落山後會走法門古道去東涌 走左邊去昂坪觀景台打下卡先，約20分鐘路程 亦可選擇L028位置上彌勒山，本人覺得先去昂坪觀景台再上彌勒山，因為可正面欣賞大佛，仲有好幾個打卡位，落山就選擇L028呢條路，其實都係三角形路線任君選擇。 往觀景台路段，好好行 沿途可遠觀心經簡林點擊圖片放大 +3 12:45到昂坪觀景台 小休後13:00開始上彌勒山，上山入口面對觀景台 上小小已經景觀一流，可望右邊的港珠大橋及纜車 唔該哂Model ^.^ 今日全程都係very good (舉起手指) ...........哈哈點擊圖片放大 +2 上山路徑非常清晰 唔駛等我啦..............山頂見 >.< 再上高啲仲可以睇埋石壁水塘 鳳凰山點擊圖片放大 慢慢行大概50分鐘可攻頂，左前方就是彌勒山標柱了點擊圖片放大 +5 其實我巧驚驚所以唔敢太大動作，有1位驚驚唔敢上嚟影相!!點擊圖片放大 風景靚到呢............值得再嚟.......點擊圖片放大 +6 一個話係H........一個話係I喎.......好明顯啦!!!! 東涌市 14:40開始落山，見分义路走左邊的 (鳳凰山在左前方方向就對了)點擊圖片放大 +2 就咁睇張相無乜特別，其實係左鳳凰右簡林中大石 O_O 15:25又回到L028位置 由此走至石門甲約1小時30分鐘，全程石屎路點擊圖片放大 +21 右邊樓梯路係去伯公坳，我地直走去石門甲點擊圖片放大 +3 17:00到石門甲，再走約20分鐘可到東涌炮台 往東涌炮台進發，走過橋靠左走穿過爛地停車場 直走出馬路 見此牌靠左邊沿行人路走點擊圖片放大 +3 可沿屋後路走一圈點擊圖片放大 +5 好特別~炮台內居然有間小學，但又好match喎，唔會覺得格格不入點擊圖片放大 +2 P.S. 好多謝倆位行山友沿路的配合令行程非常順利完成，本來都有啲擔心人數會多出限聚令，最後只有3位出席 。3個之中我係最屎的一個，上山段我落後的，其實今日唔算曬但都熱架，好睬間中有風，落左山我就生猛哂，今次醒喇腳指公包左膠布(之前好多次都係行多過4個鐘腳指公就開始痛)，所以今次無問題喇!!
