3月23日 星期一 22-28度(實際有成32度) 天晴薄霧 路線 : 大美督管理站 ➡ 春風亭 ➡ (八仙嶺/衛奕信徑9段) 仙姑峰 511米 ➡ 湘子峰 513米 ➡ 釆和峰 489米 ➡ 曹舅峰 508米 ➡ 拐李峰 522米 ➡ 果老峰 543米 ➡ 鍾離峰 529米 ➡ 純陽峰 590米 ➡ 上七本橋 ➡ 下七本橋 ➡ 鹿頸 (全程約10.7公里/6.5小時連影相小休) 今日真係中哂招，天文台預報22-27度，點知最高有成32度，本來路線定鶴藪為終點全程12公里，預計5.5小時可以完成，行哂8個峰後真係超熱頂唔順又帶唔夠水，最後都要改去鹿頸；好睬今日得2條友行，如果唔係都唔知點收科，其實8個峰一啲都唔難行，山峰與山峰之間最短的也只不過5分鐘路程，最長是上第一個峰大概要30分鐘了，而且上到頂景觀非常開陽，但就無乜樹蔭位，如果夏天行真係乾煎架。八仙嶺可望整個船灣淡水湖、船灣海、馬屎洲、比華利山別墅、船灣郊野公園，沙頭角等等 於大埔墟乘20C小巴大美督總站落車 (車程約20分鐘) 八仙嶺 沿汀角路斜上至管理站 (約10分鐘路程) 沿左邊石屎路上走 10:15正式起步 雖然有薄霧但都算唔錯天氣 最怕就係樓梯 >.< 點擊圖片放大 約10分鐘後可見上馬騮崖及仙姑峰的非正式路徑 前段景觀唔算開陽，間中可見船灣淡水湖 清晰指示牌 點擊圖片放大 +4 嘩 ! 好肥美 小休後11:25開始上八仙嶺 點擊圖片放大 +5 可望到沙頭角 馬屎洲及大埔 大概30分鐘到第一個峰 : 仙姑峰 (511米高)，風景好靚差不多360度全景 唔知係唔係落完雨關係，有好多黑色飛蟲，又唔似係蚊喎，總之我一停低佢地就圍住我...........好煩想影多幾張相都唔得..........又唔圍我朋友喎.......激死 >.< 點擊圖片放大 +6 第二峰 : 湘子峰 (513米高) 點擊圖片放大 第三峰 : 釆和峰 (489米高) 可望到慈山寺觀音像 點擊圖片放大 +2 指示牌寫4.5小時可到鶴藪，但我地行左3個峰咋 >.< 超曬.....又係樓梯 第四峰 : 曹舅峰 (508米高) 第五峰 : 拐李峰 (522米高) 第六峰 : 果老峰 (543米高) 點擊圖片放大 第七峰 : 鍾離峰 (529米高)，最搞笑係呢個峰，差啲錯過左，不過亦係最可以避曬既一個靚位置 點擊圖片放大 +3 第八峰 : 純陽峰 (590米高)。只係行左4公里距離鶴藪仲有8公里，又曬又唔夠水.....好擔心 點擊圖片放大 +6 再行就係黃嶺同屏風山 點擊圖片放大 有位滑翔傘人士，好想叫佢帶我落山.........嗚嗚........ 終於堅持到標籤W121位置轉右往鹿頸，亦可W121位置直去上黃嶺，也可在指示牌位置上黃嶺，其實係一個三角形路徑 往鹿頭路也算好走 (一直往下走，不用再上山的)，景觀也可以，當然沒有有八仙嶺咁開陽咁靚!! 我已經無力影相了，所以後段只影指示牌記錄下了 點擊圖片放大 +6
