3月10日 星期二 19-25度 天晴雖然天文台都預告會好天的，但前一晚雨落唔停好擔心囉，結果第二朝起身個天靚到呀，又唔熱!!! 本來打算入軍營影下相先起步的，點知唔比入去 (之前2月有朋友入過去，又唔知係咪平日關係所以唔比入??!!) 只好係馬路旁邊影下算。今次條路線無乜景觀亦無標柱要攻，純粹真係行山，不過上山最高位置都有440米高，要去到尾段先有小小景觀，但勝在全程有樹蔭唔會曬!! 路線 : 元朗雷公田 (石崗) ➡ 甲龍古道郊遊徑 ➡ 河背水塘 (大欖) ➡ 河背村村公所 (約9公里/4.5小時慢行連影相休息) 🚘前往交通 : 72/72M小巴，64K 或 51巴士。我地選擇在錦上路西鐵站坐72小巴前往 (約10分鐘車程)，如果想在軍營正門進入，轉入荃錦公路就要落車啦 !! 亦可總站落車入軍營，其實軍營都有好多個入口的，平日係唔可以進入，只係2-3月木棉花期先可以入去，今日軍營比較深嚴，可能因為係平日，上次我嚟係星期六佢地可能休息........zzzzz 👇散在地上的木棉花依然好靚 👇荃錦公路倆旁的木棉樹 👇無得入去唯有行番去小巴總站起步 👇軍營門外有人看守 👇小巴總站位置 👇11:30正式起步 👇遠望軍營內的木棉樹 👇甲龍古道郊遊徑起步點 👇條路好好行，雖然係一直往上但一點都唔覺辛苦，沿路無景觀!! 👇七彩姐姐上身.......O_O 👇13:00位置 ~ 小休 👇繼續河背水塘方向走，跟住嘅路更加好行，不過一樣係無景觀。 👇繼續河背方向走 👇火炭母 👇沿路指示牌好清晰 👇14:20位置 ~ 開始有小小景觀，睇到雞公嶺山 👇雞公嶺 👇大刀刃 👇開始落去水塘啦 👇河背水塘 👇去咁多個水塘，河背係最有特色既一個，彎彎的堤壩..... 👇如果有水仲靚 👇離開水塘後仲要往下走至河背村村公所先有交通離開的 👇往村公所 👇村公所門前有71小巴往錦上路及元朗，亦可步行至大欖轉車站離開
