2月29日 星期六 20-26度 晴朗路線 : 五塊田 (起步位置約150米高) ➡ 釣魚翁郊遊徑 ➡ 廟仔墩 (335米高) ➡ 釣魚翁 (344米高) ➡ 大廟坳 ➡ 布袋澳村 (全程約7.5公里/慢走5小時連影相休息)今日天氣超靚,紫外線好勁下,好睬唔係全程光禿禿曬住,間中有樹蔭再加上沿路風景一流;乜都抵番哂啦 ! 路線唔係想像中咁難,尤其係上釣魚翁頂,由廟仔墩上會比較輕鬆易行,淨係計上釣魚翁頂路段,上/落每程大概20分鐘就可以了,而且有石級及草樹枝可攀附而上,落山後可選擇繼績往布袋澳或離開往清水灣,下半程亦不難行但需走過另一個山才到布袋澳或可在大坳門道離開 (但要注意交通問題,因沒有公共交通)。 鑽石山乘91號巴士於 "五塊田" 站下車 (車程約30分鐘) 11:40正式起步 進入郊遊徑,路非常好行點擊圖片放大 +2 好靚既綿羊雲,睇到都心情靚哂 ^.^ 走大廟方向 倆條路都可以,單車徑路程會長小小 大概30分鐘後景觀開陽 試下行單車徑 >.< 12:30位置 ~ 分义位走左邊上廟仔墩及釣魚翁,如果唔上釣魚翁可走右邊的郊遊徑 唔難行,不過就真係熱左D既.... 中前方是牛尾洲 左邊牛尾洲,右邊相思灣 坑口及將軍澳點擊圖片放大 日山康城點擊圖片放大 廟仔墩 (335米高) 因為無標柱,所以唔肯定正確位置,總之上到呢個高點位置就是了!!! >.< 三尖之一的釣魚翁就在眼前啦 !! 眼睇斜度大概70度,感覺好似好危險,到你真正攀爬時會........吓.......乜到頂喇 !!!!! (當然條路只可以容納一人上或落,所以大家都一樣要注意安全及禮讓)。點擊圖片放大 係呢個位置望過去又真係幾尖下既..........哈哈 回望廟仔墩點擊圖片放大 13:30位置 ~ 難唔難行 ? 我覺得唔難囉,起碼有石比你踩同扶,已經好好啦!! 唔好驚,角度問題啫,非常好行而且石級與石級之間又唔高 睇下佢地幾開心就知唔難,都係果句 --> "係曬左D囉" 未到頂架,打卡位咋 (背後是相思灣)點擊圖片放大 釣魚翁 (344米高) ~ 20分鐘可以上到頂 (當然唔計hea同影相時間)點擊圖片放大 +2 落山接回郊遊徑 ~ 另一個人氣打卡位 清水灣及高爾夫球場 嗱嗱.....係咪又好驚驚呢 !! 落山都一樣唔難,小心慢慢行就可以了!! 有野扶有石級無難度 14:30位置 ~ 輕鬆20分鐘落完山。如果夠哂皮可以此路落清水灣道走人 (有指示牌)。有D人會由此上釣魚翁,我就覺得由廟仔墩過嚟會輕鬆d。 繼續往大廟方向走 回望釣魚翁及清水灣一, 二灘 落完條長樓梯後又要再上一座山先會見到布袋澳 樓梯左邊景觀 15:15位置 ~ 可落大坳門道離開,但要注意交通問題 (因為只有16號小巴,而且未必上到車),繼續上另一座山往布袋澳,沿路差不多全程樓梯級點擊圖片放大 +2 回望廟仔墩及釣魚翁 16:10位置 ~ 過埋呢座小山就到布袋澳了 高爾夫球場 又一個大石打卡位 好美的布袋澳 大廟碼頭/天后廟及遠處的東龍島 轉埋呢個灣就到地面了 (大坳門路) 16:40位置 ~ 郊遊徑終點,可以右轉去大廟碼頭及天后廟,左轉往布袋澳村/碼頭 布袋澳 回望遠處走過的釣魚翁 路口行入布袋澳約10分鐘,交通只有16號小巴往寶林 (12-30分鐘一班車) 布袋澳村內天后廟 布袋澳碼頭點擊圖片放大