2020年1月11日 星期六 19-23度 天晴 路線 : 深涌 --> 蛇石 --> 石屋山 (481米高) --> 嶂上 --> 岩頭山 (452米高) --> 北潭坳完 (9公里/8小時 連休息及影相，包括在許林士多休息了30分鐘。) 深涌往蛇石坳非常好走，上石屋山是非正式行山路段(靠絲帶引路)，初段要手腳並用，在草叢中穿插，易刮傷手腳，落嶂上也有點難度，幸好路程不長，再走岩頭山也是非正式路段(靠絲帶引路)，也是草叢中穿梭，比起石屋山易走很多，不需手腳並用。 點擊圖片放大 好耐未試過咁早出發去行山了........08:30船往深涌 經過大埔，遠望慈山寺觀音。 經過船灣淡水湖壩 因為船上有人拋麵包，所以D鳥跟住我地隻船。 30分鐘船程到深涌碼頭 一落船就起步啦，因為碼頭無乜野可以行。 點擊圖片放大 +5 大概10分鐘後會經過深涌農莊 沿路遇到幾位精力充沛的行山婆婆，佢地係榕樹澳行過嚟的。 點擊圖片放大 +2 棵樹幾得意............ 9:50位置 ~ 一堆黑色泥士，感覺似礦石但又似瀝青。 回望 蛇石坳位置 ~ 直去白沙澳，左邊往雞麻洞/荔枝莊窩碼頭，右邊往石屋山，路口不明顯靠認絲帶。 我地都係錯過左石屋山入口，先嚟到蛇石入口，地下有心寫了指示。 似唔似見仁見智了.......... 去完蛇石走回蛇石坳，見到絲帶其實都唔係好肯定，又遇見剛才那幾位婆婆，佢地話條路正確是上石屋山的，而且好易行的!!!!!.............之後證明了.....不是很易行 以為草叢後就是平路，一直係咁諗，而且好相信婆婆的說話 >.< 初段都有d難度，手腳並用，有手套更好。 點擊圖片放大 之後好行好多了，但一樣係穿梭草叢。 開始景觀開陽，左邊山是雞麻洞。 刮到手腳都損哂，好彩係冬天，已經著左長褲了。 見到咁靚景，辛苦都值得既。 點擊圖片放大 +2 左邊是深涌 點擊圖片放大 可隱隱約約見到荔枝莊碼頭在右邊 11:30位置 ~ 仲有4分3路程先到石屋山 點擊圖片放大 背後是荔枝莊碼頭 繼續上路，好彩沿路都有絲帶引路，再加埋"香港遠足路線apps"非常穩陣 ，呢個apps位置準確度好高。 點擊圖片放大 果倆支野就係石屋山啦 13:00位置 ~ 終於到頂啦，石屋山481米高。 朋友今日狀態麻麻地，所以行得有點吃力。 咁難得攻頂想係到hea多陣，但好多小虫虫唔駛半分鐘成面都係虫，無奈要走人。 石屋山背後是停機坪及往坳門/畫眉山。我地落嶂上/許林土多。落山大概40分鐘，都唔係幾好行，多石頭。 回望石屋山 14:00到嶂上了，落山口旁邊是許林土多及營地。 係到醫醫肚休息下........一陣再往岩頭山進發..... 老闆話仙人掌已經種左有20幾年了 點擊圖片放大 14:30繼續上路往岩頭山......... 走麥徑3段 點擊圖片放大 大概15分鐘後留意左邊路口上山，路口無絲帶，所以開apps確定位置。 沿路都係穿插草叢及絲帶引路，有霧霾所以景觀麻麻。 回望左前方的石屋山，覺得我地好叻叻，雖然辛苦吃力，但可以又完成一個山了。 15:15到岩頭山了 (452米高) 點擊圖片放大 +3 回望岩頭山標柱 (正中前方)。本來想去埋牛耳石山再落北潭涌，不過大家都好倦了所以接上麥徑3段就直接落山了，不過呢段路石級多同高，行到波蘿蓋都幾痛下囉。 開始落山 對面是蚺蛇尖 最怕呢d樓梯...... 17:00落到北潭坳了，過對面馬路有巴士/小巴回西貢市。
