4月13日 星期六 20-22度, 天陰 陣小雨本來打算由廣源村上西貢黃牛山，可惜天氣又咁差，上山唔安全，即刻轉行程，好睬有倆手準備，改去大圍上 "下城門水塘"，再去城門水塘主霸完。每次去城門水塘都會由荃灣上，今次由大圍上感覺好唔同，風景好靚又易行!!11:10由美林美柏苑沿城門河開始行 一直行到尾 對面是美田村 右手邊上去是香粉寮 (亦可以由大圍火車站乘63K到此) 大概行10分鐘 右手路口入村，靠左行 一路都有清晰指示牌 前方轉上就是"下城門水塘"了，右邊去福樂村及白田村二至五區 剛才路段 11:40到下城水塘啦 下面是城門河 認住呢個白色水掣房地標，沿路都會見到佢的。有位晨運伯伯教我地點去城門水塘主霸，佢話白色水掣房旁邊有路上山，但會難行D，左邊就易行D，我地梗係會揀條易行又安全既路線啦!! 行到霸尾左手落山 (至於去邊我都唔清楚......哈哈) ，右手去主霸 (剛才伯伯教的) 見到閘口走入左手開始上山，右邊有條廢棄的石屎路 (此路不通) 12:00位置 ~ 通往城門水塘主霸 (2.7KM) 睇到D樓梯就驚驚，其實好短咋唔好比佢嚇親 >.< 跟住一路都係呢D路，路唔闊所以都要小心行 行左大概20分鐘，景觀開始開陽啦 好似長江三峽呀...........wakakaka。左前方是城門隧道 左下方就是那條已廢的石屎路 12:45位置 ~ 又見到白色水掣房，就係剛才由果邊過嚟的 13:05位置 ~ 嚟到呢個位，左邊上山行左陣發覺好似行錯左 (其實可唔可以去到主霸我地都唔肯定)，回頭走相反方向 (長樓梯) 差D又比佢嚇親，其實好短的。要小心欄杆搖搖擺擺不安全 城門隧道呀，搭車入沙田成日經過，而家換左位置感覺好唔同 一陣過左藍色橋左轉上城門水塘主霸 行左邊隧道底條路 剛才路段 剛才路段 城門峽就係呢條路了 過埋呢段路就到城門水塘主霸底 (即城門峽) 主霸底，右邊有個好大既水渠都唔知係唔係已經廢了 (我地唔敢行入去, 一來唔知安唔安全, 二來地下好濕滑) 14:00位置 ~ 開始上主霸 由底上到頂大概400級樓梯 因為天氣唔穩定所以到主霸就回程了，其實仲有好多分支路可以繼續的，當然要量力而為及睇天氣情況。今日天公對我們不錯了，只落了點點小雨。 沿路好多馬騮同馬騮BB，如果你影佢地相，佢地會開口凶你，其實我有D驚怕佢地會抓人，我朋友露出膠袋，我馬上幫佢收起，免得佢地沖埋嚟，D馬騮好瘦，有幾秒想比食物佢地，最後忍住了 !! 咁多馬騮係到搵食，我估都燒唔到野食架啦...........
