11月23-24日，星期六，18-23度部份時間有陽光， 濕度50-80，東北風4級，日出時間6:41一直都想上鳳凰山影日出，今日終於可以起行啦!!! 之前都做左好多個人評估，例如體能、交通、時間、天氣、路線，最開心係搵到位朋友同我一齊傻傻地去。上山前會住YHA昂坪戴維斯青年旅舍，因為由心經簡林上山路程會比伯公坳少D，預計半夜2點半出發上山，還專程請左半日假早小小入嚟，唔想入到嚟已經天黑，跟住又天黑上山。16:00 見個天咁靚，決定坐纜車去昂坪，香港居民有九折，要出示身份証 (原價$160/單程) 包箱.......因為好少人坐......開心到無朋友點擊圖片放大 +6 下面係360救援徑，搵日要去行下點擊圖片放大 +3 25分鐘纜車旅程，超正。跟住要日落前去心經簡林轉個圈點擊圖片放大 +3 17:00位置 ~ 日落已開始 估唔到穿過簡林背後上小山丘可以趕得及睇埋日落，左邊是石壁水塘點擊圖片放大 +5 今晚就係要上遠處那座山了 >.< 17:25位置，跟住去青年營舍點擊圖片放大 +2 地方唔算大，但都算樣樣齊全，企理，有煮食地方，食堂，BBQ，戶外帳篷。地下果層是食堂、煮食地方、雪櫃、熱水樣樣有.......樓上是4/8人床位及獨立房，浴室/廁所共用。點擊圖片放大 +3 煮食爐具餐具好齊全 帳篷左邊是接待處及小賣部，種類唔多(有飲品/啤酒/公仔麵/餅乾)。入住時需入會$150 (一年有效) 或者每位收取$30免除入會，鎖匙$20按金 我地住8人床位 (約$110/位)，營舍會提供枕頭/被/床墊套，非常衛生的。明明訂果陣已差不多滿，但成晚得我倆個傻婆，仲要壞左冷氣，好睬唔熱咋...........zzzzzz點擊圖片放大 +4 為左一陣可以早D瞓到，整番支啤酒先....點擊圖片放大 食埋麵麵就差不多要去覺覺豬啦........2點起床出發上山，因為第一次行，唔知要行幾耐，所以預多D時間 由營地去鳳凰觀日牌，沿路都有街燈。2:30起步，今日係16所以月亮特別光，都唔駛點用電筒照明 鳳凰觀日牌位置是457米高，鳳凰山頂是934米高，如果伯公坳起點是360米高，相對昂坪上山路程會較短 石壁水塘，沿路氣溫約20度 3:40位置 ~ 左前方是港珠澳大橋 4:15到斬柴坳，由此再上頂大約45分鐘路程，開始大風大霧。5點上到頂了，離日出時間還有1小時41分鐘，山頂範圍好細，一早已堆滿幾十個年青人係到打邊爐，估計佢地半夜已到達了，還有間避風屋，當然都一早比人霸佔了。非常大風大霧，頭髮/衫/背囊.....乜都濕哂，又無乜避風位，都幾辛苦下，本來揾左個位想恰陣休息休息，但越坐越難受，最後都係起身周圍轉下反而仲好，好唔容易等到6點天開始光了，睇嚟影唔到日出啦，都比D霧擋住了，嘩一聲以為有希望........點知都無......... 早上6:15的鳳凰山頂，指示牌寫由此落昂坪需時45分鐘，我地由昂坪上山，行下停下行下停下，行左足足2小時30分鐘，全程只有我倆 6:30 6:57 等到7:07霧開始散，總算有D野睇下，雲海好美，剛才的辛苦已經忘記了點擊圖片放大 +4 石壁水塘 7:20點擊圖片放大 7:30開始落山，終點伯公坳點擊圖片放大 +10 8:05景色點擊圖片放大 沿路遇到跑山人比賽，真心佩服佢地毅力 !! 好宏偉呀!! 遠處就是昨晚上的鳳凰山了點擊圖片放大 +10 9:20位置點擊圖片放大 +3 大部份人都會由伯公坳上山，左邊亦有另一線路往水口 10點到終點伯公坳，走了2小時30分鐘
