Merry Christmas!日前為Honours Project完成左4個Interview，利用MS Teams錄播做記錄已經可以輕易取得英文Transcript，唯程式未有支援廣東話，所以在整理和翻譯Transcript時花了很長的時間。平安夜前夕收到從英國Lecturer傳來Research Proposal的Feedback，代表聖誕假期假會坐定定係屋企閉關做功課。慶幸Result有點超出預期，是要回應其中一位受訪者的建議，旅遊從業員不單止要滿足客戶需要，更要超越預期，功課都要一樣，Koala要繼續努力啦！~還記得80、90年代，聖誕佳節到尖東睇燈飾，都是大會指定項目，這個傳統一直走到中學階段，其後已經改變了模式，出走北上，又或是約埋一大班聚餐BBQ。時至多年後的2025年，旅行社Office搬到尖東之後，收工可以係附近睇下燈飾同影下相，有時多野做夜左，仲可以觀賞埋每晚八點係維港兩岸上演既《幻彩詠香江》(原來已經在27/11/2025暫停)。上星期帶埋Man Kit the Koala (Study Buddy)一齊返Office，當然仲有最新入手既Kodak Charmera相機，放工後就係尖沙咀中心同東海中心對出行左轉，拍攝左好多富有年代感同與感既相，帶大家回到1987年Feel的尖東。據悉Kodak Charmera盲盒相機已經係12月返貨，相信將會成為各大聖誕Party既禮物首選。 睇完D刺激既「爆晒光」相片，係時候俾番個高清版大家睇下啦~Happy Holidays~ 伸延閱讀盲盒經濟 - Kodak Charmera 複刻玩具相機漫遊香港 - 聖誕快樂 尖東夜繽紛
