大家好！我係樹熊文傑 Man Kit the Koala (aka MK)，過去係Koala修讀Advanced Diploma最後一個Sem時，已經開始陪伴返學做Assignment，早前在40歲後留港Study Holiday - 得閒食飯博文中粉墨登場，今年9月正式成為學位課程既Study Buddy，實行以一個學費"二人(熊)同行"(哈~)，一齊向QF5進發！話說Koala的第一科Leadership Practice已經好有挑戰性，課堂由於是由兩位外國Lecturer執教，所以極速係3個星期入面完成，期間仲包括全日Activity Day，同埋半日酒店參觀考察。開學第一個星期就要率先黎個「七連返」(7日連續返學)，期間Koala因為太過操勞而病左(年紀大唔捱得，哈！)，過程雖然有點痛苦，但總算捱過，經歷完Activity Day，同學們彼此變得熟絡，學習時亦會互相幫助各分享，只因大家目標一致，這就是一個Effective Team的組成。 想要在返學前極速開餐，係Campus樓下既麥當當就是不二之選，咖啡亦變得無比重要，加上餐廳可以在乘車時預先在手機點餐，省卻了一些時間 學位課程內容比Advanced Diploma高深就緊架啦，上堂全天候英文對答，因為係外籍Lecturer和有外籍同學(包括傾偈），所以只要時間許可，Koala都會盡量係事前備課，Tablet / Notebook都已經成為上堂和外出必備的好伙伴 準備上堂啦！被編派的第一科由Tourism同Hospitality兩個Program組成，全班有十幾個學生，大部份同學仔都是酒店旅遊的行內人一仕，亦少不了和Koala一同修讀Advanced Diploma時的同學 前陣子經常出入冷氣間，Koala終於在「七連返」的第四日病倒了！好彩旅行社仲有張Medical Card員工福利可以幫補下醫藥費，見佢朝早睇完醫生，訓醒又再返學，只因Koala承諾自己盡可能唔好走堂，作為Study Buddy的MK，當然繼續陪返學提食藥 為期7小時的Activity Day，雖然唔需要太多體力勞動，但就要好多「腦」力，作為Study Buddy既MK，只係坐係Koala個背包入面靜觀其變，聽住Koala和一班同學仔每次挑戰完都要賽後檢討，可能係藥後反應，感覺Koala轉數慢左好多，聽到MK都覺得真心好攰，為左要做好份功課順利畢業，點都要頂硬上，就MK當日所見，最Effective既Outcome係，十幾位同學即時變得熟絡左 經歷完「七連返」(連續7日返學)後，係星期日落堂後，Koala決定帶埋Study Buddy入場觀看港產片《我談的那場戀愛》Relax下(Yeah!)，電影由發展基金和創意香港資助 踏入課程的第二個星期，Timetable終於回復得比較正常，重頭戲係星期六早上的酒店考察，參觀完更得到米芝蓮美食招待，現在的學生好幸福！可惜MK只能在背包的裂縫中偷看而無份食 在某個返學前既空檔，Koala帶埋我MK，Adhoc跟左班長（同學仔）去秋季旅遊博覽參觀，在場內更遇上業界朋友和近期大Hit的巨型熊貓，IGable打卡照當然由我呢隻Study Buddy負責啦~ 位於ADC Campus樓下的Can teen ，早已成為同學之間既「飯堂」，隨時在扶手電梯可以野生或被野生捕獲，是一個返學前溫書、做(傾)功課和WFA的好地方，對於素食主義者的在下MK，唔算有好多選擇(嘻嘻~) 近日開飯時發現Can teen新品（可能係）的焗豬排飯，味道不錯，Koala以後返學前既Early Dinner又有多個食物選擇啦！ Weekend全日返學，已成為Koala近年難的早起的日子(MK也是)，上課前食番個港式早餐亦是必需的 港鐵金鐘站已成為這兩年間Koala經常到訪的車站，就連我MK都已經開始熟識呢個站，呢條就係每次趕住返學都會行既樓梯 時光飛逝，不經不覺第一科已經進入倒數階段，好彩唔洗考試，上堂時我都要專心學習，一齊聽Lecturer講點做功課 中午放飯，由於金鐘位處商業區選擇有限，茶餐廳欠奉，Weekend更有部份休息，好多快餐店都座無虛席，最後去左Super Sandwich食黑松露蘑菇意粉，啱晒我MK口味！ 係過去既一個月十分充實，黎緊最後一堂，之後就有兩星期Break，作為一隻專業既Study Buddy，除左陪返學之外，當然亦會協助Koala一齊做Assessment啦！伸延閱讀40歲後留港Study Holiday40歲後留港Study Holiday - 得閒食飯
