Ohayo Tokyo~疫情後開關一年,港人出走次數頻密,就連原本計劃要好好努力讀書既Koala,都飛左好幾次,適逢10月尾至11月初既Sem Break,Travel Buddy界旅遊王子「藍神」Stitch Bluegod和仍然係「菜鳥Travel Buddy」Kate the Koala,又再陪同Koala出走,今次仲要係一口氣遊走東京和台北兩個城市。在出發前兩星期,Koala竟然二度中Covid,慶幸病情並不嚴重,五天之內,就由雙線變番做一線,後遺症除左繼續腦霧(平時都係咁架啦!),就係腸胃有些少改變,加上這次是一人旅程,故未有如以往出走般喪食。而我地兩隻Travel Buddies,今次仍然會陪玩陪食陪買,旅途上當然會幫忙互相照顧,趁Koala在酒店需要工作時,就可以盡情享用整張床和睇電視,哈!※此Travel buddy blog多圖出沒注意※ 因為Koala這年間經歷了「全職炒散」,變成了夜貓子,養成晚睡遲起的習慣,為怕睡過龍錯過早機而選擇了乘坐零晨Red Eye Flight飛東京,我地只好一齊挨眼訓啦 Ohayo Tokyo~ Travel Buddies和Koala於早上安全到達東京成田國際空港,在航班上幾乎沒有睡過的Koala,即將要面臨出機場的挑戰,要對抗眼訓和魂不附體的身體,靠意志力前往入住的酒店 Koala把行李寄存酒店後,便來到鄰近的自助Cafe,食件蛋治同歎番杯回魂啡先,順便開埋部Notebook過埋D相,小休片刻後,便要乘接近一小時的火車,跟在地朋友午餐 由於Koala跟在地友人份屬多年好友,加上6年無見,佢地由Lunch傾到Tea,晚餐帶我地去左神奈川一家地道居酒屋,同朋友放埋狗先返酒店休息,連續40+小時無訓過... Working desk已成為Koala出走時的必需品,所以在選擇酒店時,都會Check清楚房間係咪有檯用,連我地Travel Buddies都要靠邊站,工作間以外的地方是如此混亂,哈! 今日去淺草,從地鐵走出地面大路口,見到東京新地標Sky Tree,當然要打個卡啦~ 只要係唔適當既時間,去食唔適當既野,你就會比較容易同快捷,食到你計劃出走日本時要試既野,所以Day 2係酒店沖左杯咖啡同食左條蕉後,去到淺草見心儀食壽喜燒既餐廳久米未開,就先行去距離約900米已營業既壽壽喜園,食番杯綠茶雪糕當係Appetizer 午餐在米久吃壽喜燒,由於店內不准拍攝,我地都好守規矩,只在門外合照,難怪在網絡上甚少看到有關這家壽喜燒老店的資訊 一場來到淺草,餐後走到遊客區雷門寺,行埋條仲見世商業街都無乜洗錢既衝動,由於遊客太多,令Koala好快又再決定要到下一站 位於東京站八重洲中央口旁的Yaesu GRANROOF,是一個240米長的休憩商業設施,這裡除了設有幾家餐廳,還提供很多座椅等休憩空間,設計更加入了Greenery元素,分別有植物牆和種植了不少樹木 出發前兄長向Koala推介了在東京站附近的KITTE商場,亦是來自北海道的根室花丸所在地,由於輪候需時,早在下午五時多,身體未有太多餓意之時,就去左拎號碼飛等位,最後在40分鐘後成功入座 宅男去到秋葉原要影既打卡相,哈~ 呢日我地決定坐車去到飯田橋,目的地係有「東京小巴黎」之稱的神樂坂,以雙腳遊走這條悠閒步道,在路上的中段發現了美國風的拉麵店Montana,就以這個醬油拉麵,作當天的Early Lunch 餐後來到神樂坂其中一個景點赤城神社,寺廟的主體建築物用上了透明玻璃,十分新穎 午後前往購物區池袋Shopping,只在商場逗留沒有走到街上,買累了來到Koala喜歡的輕食餐廳Soup Stock Tokyo,吃了洋蔥湯和麵包 原本計劃在新宿到幾家店鋪買衫和晚飯,因為Weekend晚上人太多,令Koala承受不到要離開,最後在車站南口外觀賞了街頭表演便轉場,總結在新宿停留了一個小時多少少 轉場去左原宿,於竹下通找到了喜愛的Print Tee shop血拼後,身上的現金已經洗得七七八八,翻兜上年係大阪試過既京都勝牛(雖然香港都有分店,不過貴好多囉!),Order左個最平既Set都好好食 每逢出走日本,晚上回到酒店總有甜品/宵夜橫節,這夜比較豐富,可以食到當造甜品栗子撻,是因為在池袋Shopping後順便買回酒店的,否則甜品又是便利店雪糕 是日早上七時許,Koala就被窗外的雨聲嘈醒了,由於落雨,就算早起亦未能進行街跑,好彩打開窗簾有驚喜,彩虹就在酒店房的窗外維持了一段時間 早起的Travel Buddies有好野食,在沒有計劃下,Koala帶我們來到了Shibuya的麥當當,享用了一個日本限定的McGriddles鬆餅漢堡做早餐,又咸又甜的感覺係幾有趣,久違了的薯餅十分好吃! 出發前看Youtube東京旅遊片,十個有九個去開Shibuya Sky的Youtuber,都會介紹埋鄰近既宮下公園,行過路過有時間當然去參觀下打個卡,況且今日我地都會上Shibuya Sky 上黎Mark City(4/F為美登利壽司的所在地),目的係借洗手間(哈),卻無意被Travel Buddies發現呢個拍攝涉谷過馬路既位置,以高角度俯覽 雖然朝早天氣麻麻又落雨,由於一早已經訂好了前往Shibuya Sky的門票,加上當天是最後一個Full day在東京,一切就只好隨緣啦,好彩黎到涉谷無再落雨,仲有藍天與白雲 由於Shibuya Sky頂樓的觀景台有携帶物品限制,故我地兩隻Travel Buddies只能前往下層的室內觀景台,隔著玻璃去觀賞東京的風景 在Shibuya Sky流連忘返後,在同一商場的13/F,就是由Koala兄長推介主打意粉的餐廳AWKitchen Figlia,三道菜Set Lunch才不過JPY2,300(連稅,約HK$126),好味之外真的十分超值! 吃罷午餐後在涉谷遊走,目的是在Koala入住酒店附近找不到的藥妝店,所以延後了時間前往橫濱,這已是Koala第二次前來橫濱中華街,我們卻是首次到訪,感覺很有趣 傍晚時份來到了橫濱山下公園,選擇以雙腳沿橫濱港走到MM21,全程約2-3公里,途中會經過紅磚倉庫,路上亦有點大風(好彩有夾棉外套),但是風景不錯 在東京的最後一個早上,來到Honshino Coffee享用早餐,食物賣相都十分精美,餐後在神田一帶閒逛,然後回到酒店Check-out 這次選擇入住位於大手町的Hotel Villa Fontaine Otemachi,鄰近大手町和神田兩個車站,前者是由東京站伸延的商業區,後者有很多的地道食肆(好像我們都沒有特別去過),這裡跟東京站距離不遠,旺中帶靜,遊客不多 最後,Koala拉著19kg的行李箱,跟Travel Buddies以極速遊走了鄰近日暮里車站的谷中銀座,並買了豆沙餅做點心,然後坐Skyliner前往東京成田空港,準備體驗是次出走的主菜,台北見!~@koalascities#2023KYTYOTPE #travelbuddy#stitchbluegod #katethekoala #toyvoyage伸延閱讀2023 出走東京台北Recharge Trip - Travel Buddy相集 (台北篇)2023出走東京台北 外傳 – 星宇航空Starlux飛行全記錄出走東京台北2023 泰國曼谷Refresh Trip - Travel Buddy相集