由於節日關係,係呢個橫跨聖誕新年既Sem,都係忙做功課同讀書,農曆新年前亦係所有功課的Deadline,假期後仲有個Final Exam,等你放假都唔可以盡興,所以一直都未有時間去Update個Blog。當存貨係上上上星期用盡後,係需要迫自己完成埋未完成既Blog,定期係Ublog蒲下頭,擦一下存在感,哈!~~自從年前離開了在「葵涌百慕達三角」的NGO工作後,家陣常會到的地區都相對比較熱鬧,為左唔影響工作和避開人潮,日常的生活習慣都有所微調,喜歡到處走走的在下Koala,對於舊區的各種小店都有一種特別的情懷,食味道食環境還要食體驗,感覺繼續行先。早前(都已經係幾個月前)因工作量不多,難得能夠比平時早起,便進行了兩次早課,從長沙灣經南昌公園再跑到大角咀海旁,出身汗再欣賞西九龍和港島西的海景,來一點好心情,而事後食餐好是必須的,這次要和大家分享的,就是位於大角咀利得街上的隱世小店榮記小食。 位於大角咀利得街的榮記小食,是區內的街坊老店,提供各式粉麵、小食、三文治和港式奶茶咖啡等食品,是日到訪光顧了回窩肉煎蛋通粉、炸雞翼和熱奶茶 在這碗回窩肉煎蛋通粉中,附上了兩條白菜仔,配搭上很有家庭Feel 奶茶味道濃郁,個茶膽應該份量十足! 店內店外的大字報餐牌,字體工整,老闆手字好靚好整齊,雖然看得有點不明白,但就算放題,一人前都不過係一百幾十,小店只收現金,大家記得帶Cash 對於運動過後的Koala,吃一碗粉麵顯得有點不夠,Weekday Brunch是需要Side Menu上的鮮油多去豐富一下,再來一杯地道港式熱奶茶才夠圓滿 多士烘得香脆,鮮牛油十分邪惡,目前的Koala太少運動,已經沒有成本再食得咁瘋狂啦~ 家庭式的小店,就係有由不同系列組合而成的餐桌,開著部電視陪你開餐,店內的陳設,彷彿時光倒流二三十年 位於大角咀得利街的榮記小食,不是在下常到的地方,某天在尋找另外一家食店時意外發現,隨即在搵食網Bookmark,擇日試菜榮記小食地址:大角咀利得街54號A地下伸延閱讀賞味香港 - 長沙灣的港式大牌檔 榮發茶餐美食賞味香港 - 覓食大角咀 大全街賞味香港 - 覓食大角咀 博文街