上回跟大家分享左位於荔枝角既「沙爹牛世一」,今次就移師去大角咀以外,在下都成日去既太子界限街,食番個同樣重口味既潮洲滷水車仔麵。相信好多認識呢間餐廳既朋友,都係因為Bob爺係各大Social Media大力推廣(無錯,我都係其中一員),所以係幾年前某月某日提供堂食既太子店開張之時,在下係有份捧場,但由於當日太多食客輪候,好多方面都未安排得好好,所以當日食車仔麵既經驗係麻麻,下次行過等無人排隊先再幫襯啦。其後每次來到界限街覓食,都發現食店外一定有長龍,在下就決定係開飯App再次Bookmark佢,假如有日再次途經此處又唔洗排隊既話,我就俾多次機會佢啦!某日係旺角Moko睇完早場,在漫無目的下又再來到了太子一帶搵食,見無食客等位可直入,當然唔會錯過啦。 8月之始,旅行社的工作比起7月更加淡靜,就趁這段比較悠閒的日子,再次以低碳方式,以雙腳遠赴「半小時生活圈」的界限街進行午餐,食左華記好幾次(應該少於10次),唔知點解,直至最近一次,Koala才首次點選了車仔麵的靈魂食物蘿蔔,沒想過這裡的蘿蔔可以做到如此腍身和索汁,十分邪惡! 對於喜歡芫茜蔥的朋友,華記車仔麵在配料方面,可以選擇多芫茜蔥或全走青,在下對芫茜蔥沒有抗拒,所以點選的都是正常份量,車仔麵以白色藍邊的湯碗盛上,當日點選了豬腩肉、牛肚和咖哩大魚蛋,雖然車仔餸大部分都是啡色和深色,咖哩大魚蛋可謂萬啡叢中一點黃,賣相十分討好,味道亦成正比,這個炎熱的夏天,令平時少喝凍飲的Koala都要了罐雀檸降下溫 介紹番,呢個係潮州滷水食品豬頭肉,從外型已經能夠看出又是邪惡食物,在車仔餸中甚少出現,後面仲有好腍又有咬,湯底十分濃郁 是日Order了潮州名物牛肉餅、魚蛋和豬頭肉,肉餅彈口好吃,同樣是點了重口味少辣(腩汁、辣汁同滷水汁),目測好似好重手,幸好辣油好香,亦是Koala能夠接受的辣度,麵身亦夠爽口 在下喜歡的豬腩肉,Menu上有正常版和瘦版選擇,是日點餐的瘦版豬腩肉,還是混合了兩件極品(接近正常版),逃避並不可恥而且有用,五層肉只吃兩層,每星期要跑多幾km啦~ 由於店方沒有水吧,只有枝裝/罐裝飲品供應,熱飲欠奉,多年沒有飲汽水習慣的Koala,因為之前在NGO工作時受同事感染再次飲番,Coke Zero已變成體力/腦力勞動後的補充飲品,是日Order了正常版腩肉,令在下感到真的有點不行,雖然有無限的罪惡感,但逃避並不可恥,浪費食物換來健康(相對地比較)是值得的 食店只簡單翻新過門面,店內保留了上一手傳統快餐店(像2023年初結業的葵涌食口福)的裝修和格局,食物卻換上了車仔麵,食店位於界限街之上,太子頭深水埗尾,鄰近的美味餃子店、十大碗粉麵炸両和越南餐廳月橋Pho Kieu,都是Koala的開飯點華記能夠吸引在下幾次翻兜,定必有其獨特之處,亦證明了Koala的身體好誠實,間中會為了一碗麵而從長沙灣游走至太子。潮式食品和車仔麵一直是港人熱愛的美食,店方把潮洲滷水和港式車仔麵Crossover,餸菜上的選擇包括了豬雜牛雜、牛肉餅和魚片頭等的潮州食物,還有打冷時常見的滷水食物,如豬頭肉、滷水豆腐和生腸等,炮製出特別口味的滷水車仔麵,對於Koala和一眾Foodie來說,絕對值得推祟!華記潮洲滷水車仔麵地址:太子界限街34號民興大廈地舖伸延閱讀賞味香港 - 深水埗Lunch Time之選 Supreme Steak & Grill賞味香港 - 長沙灣的港式大牌檔 榮發茶餐美食蘇杭街上的車仔麵競技場