Sawadee Krub/Ka!事隔大半年，Travel Buddy界旅遊王子「藍神」 Stitch，帶同仍然係「菜鳥Travel Buddy」Kate the Koala，陪伴Koala再次出走，目的地係Stitch已經三度到訪和Kate首次踏足的泰國曼谷，說走就走的旅程，已成為「斜槓中年(熊)」出走的新常態，適當時候係需要Refresh一下。「藍神」 Stitch同「菜鳥Travel Buddy」Kate the Koala話你知 ※此Travel buddy blog多圖出沒注意※ Sawadee Krub/Ka！未出發去Bangkok，「半個飛機迷」Koala又再職業病上身，帶我地去到香港國際機場新景點 - 天際走廊Sky Bridge，以全新角度捕捉飛機既英姿 淡季出走既好處，就係有機會鄰座無人坐，Travel Buddy又可以繼續逃票佔用座位，是日飛機餐係航線曾經馳名一時既港式美食焗豬排飯，賣相同味道就一般般啦，仲有哈根大師供應，總算係30,000公尺上的高空有一點甜 Landing後Airportlink駁BTS轉車再轉車，傍晚時份終於安全到達位於Silom的Ibis Styles Bangkok Silom，作為一間有Style既型格酒店，房間設計都算舒適新穎 晚上唔想食外賣，係酒店附近的橫街找到了皇家粿條，人(熊)餓志短，食左個粿雜、脆皮五花腩同埋菊花茶，杯茶飲足成晚 翌日約左在地朋友，係Silom Complex食完Lunch，就坐BTS去曼谷新地標商場ICONSIAM 從ICONSIAM的蘋果專門店對出，就可以通往室外的平台花園，欣賞湄南河兩岸景色和跟這個造型獨特的新地標合個照 位於商場頂層，除左食肆林立之外，仲有D澳門酒店渡假村既浮誇感覺，係呢個人人都爭住打卡影相既位置，吸引不少訪客，Travel Buddy行過都無錯過 離開人山人海的ICONSIAM，下午走到又係人山人海兼塞車既China Town，家陣坐MRT係Wat Mangkon就可以直達，比以前方便不少 在地友人介紹，位於相隔Wat Mangkon只有一個MRT車站既Hua Lamphong，就係舊曼谷火車站的所在地，現在已成為一家博物館既絕密景點，由於距離China Town不遠，就算天氣再熱，都決定過去參觀一下 星期日係Bangkok做乜好？緊係行Chatuchak Weekend Market啦，晨早直接坐BTS去到Mo Chit，先係Chatuchak Park享用返個湖景早餐，食飽有氣有力就可以專心行Market血拼 不知從何時開始，Koala好鍾意係外地行公園，今次等我地Travel Buddy幫手領航啦！ 行完Chatuchak Weekend Market，差不多洗晒身上的現金，好彩Lunch有在地友人接濟，去左附近既Or Tor Kor市場開餐，粉絲蝦煲同蟹肉炒飯好食又抵食 傍晚時份參觀左在地友人豪華Apartment，同享用左個Infinity Pool，睇樓睇埋日落 從MRT車站回酒店的路上，會經過多家便利店，當中有兩條小販林立的橫街，以及位於酒店對面的Patpong Night Market，是晚買左海南雞飯同牛油果Smoothie做宵夜 出走時寄送Postcard俾朋友已經是大會指定動，但是至今接近一個月，都未有聽聞友人收到的訊息，只好希望遲到好過無到，Postcard不要石沉大海 因為某個Youtube介紹左係Ruam Sab Market有個好好食既豬脾飯，所以係Bangkok倒數第二日，Koala早上係酒店完成左工作後，就出發去Ruam Sab Market，由於到達時間比較早，豬手飯就搵唔到，係極度肚餓既情況下，就求其食左個粉就閃啦~ 為左買手信同零食返香港，中午去左市中心Siam Paragon，係超市入下貨，原本見到Food Court有泰北咖哩麵，想食埋個Lunch再出發，但由於遊客比想像中多，加上暴風雨突襲，最後被迫打道回酒店 午餐係酒店附近食左個蝦肉燒肉蝦餃拌麵，很中式的一餐 雨停後再出發，目的地係前一晚係Youtube見到有香港遊客介紹既鄭王廟Wat Arun，既是一個傳統文化景點，建築物又夠igable，應Travel Buddy要求，當然要去一轉啦！ 喜歡花花的Kate the Koala，沒有鮮花都要跟壁畫上既花花合照一下 在碼頭旁邊的草地，是拍攝鄭王廟Wat Arun全景的最佳位置，配合兩隻Travel Buddy，色彩豐富，構圖也不錯！ 泰國是個多元文化的國家，為慶祝每年6月的Pride Month，Bangkok市內多個商場都加入了彩虹主題，位於Samyan的新商場Samyan Mitrtown更在正門設置彩虹通道 走到新商場Samyan Mitrtown的Food Court，終於食到是次旅程第一餐豬脾飯，味道OK 這個芒果糯米飯刨冰，是在Bangkok的Must Eat Item，連日經過多家After You，門口上都貼了Sold Out的字樣，想不到在酒店附近的Silom Complex分店仍然有售，故未食晚飯都要先食甜品 星期一晚上，食店在八時多已經關門大吉，未知是否天雨還是定休日關係，當晚小販檔都沒有營業，最後在酒店對面的Patpong Night Market買了Pad Thai、牛奶豬肉雞肉串和芒果Smoothie回酒店享用 Long Time No Take這種手信「晒冷」式相片，這次沒有買很多的東西，大部份零食都是送給在香港協助我出走的同事和好友，希望你地收到我既零食(手信)，都能夠分享到出走Bangkok既喜悅 返港日，晨早起身，處理完工作就外出食早餐，歎完杯啡就要準備出發去機場啦~ 首次乘坐A380客機既Koala同埋Travel Buddy，都視這次為一次飛機體驗，架飛機真係好大，座位亦算舒適，鄰座又係無人坐 回程Emirates個青咖哩雞飯飛機餐又真係幾好食，甜品係芒果糯米飯呀！ 飛機在香港降落時正在下雨，5天的出走Bangkok亦要告一段落，呢兩年主力進修既Koala又唔知幾時會再出發，作為Koala忠實Travel Buddy既「藍神」 Stitch同埋「菜鳥Travel Buddy」Kate the Koala，只好默默支持，繼續陪伴左右@koalascities#2023KYBKK #kytravel#stitchbluegod #katethekoala #travelbuddy伸延閱讀出走六月曼谷Travel Buddies日本東京遊記‧GH @ KoalascitiesTravel Buddies後疫情英國遊記‧GH @ Koalascities2022日本大阪重新出發！ Travel Buddy相集2019沖繩快閃小出走 – Travel Buddy相集2019出走芝加哥 - Travel Buddy相集
