踏入六月,2023年即將走過了一半,「後疫情生活」亦開始漸漸復常,出走再次成為港人日常,就連大半年前決定要專心讀書的斜槓中年(熊)都失守,因朋友身處Bangkok,5月尾就好努力完成手頭上功課和工作,係出發前3日決定出走。正所謂"No itinerary always the BEST itinerary!",從屋企出發直至旅程完畢都沒有計劃太多,所以到過的地方都處處有驚喜。出走的第一個景點竟然唔係Bangkok,而係位於香港國際機場的天際走廊,真係未出發先興奮,作為「半個飛機迷」既Koala,慶幸早左出機場,所以可以係度流連忘返,玩左接近成粒鐘,哈!為了新的炒散工作和提升大家對Koalascities (^O^)! @ UTravel的瀏覽體驗,月前終於買入新的輕便數碼相機,雖然不是最新型號,但已足夠應付在下的工作和興趣,是次出走亦可以大派用場。Welcome to Skybridge, HKCLK Airport※多圖出沒注意※ 因為疫情,喜歡旅遊的港人大多已兩三年未有出走,翻看09/2020前往東涌觀景山拍攝的機場照片,天際走廊已經建成,國泰港龍Cathay Dragon (KA) 當時仍然健在 位於東涌的觀景山,由於是拍攝香港國際機場飛機升降的好地方,十多分鐘便能登頂,加上高度和難度不高,所以在下經常Adhoc獨自前來,順道去埋Outlet Shopping (攝於 06/2021) 自入手新DC後,天氣一直不似預期,這天(03/2023)特意抽時間前來觀景山,拍到了陰天下的天際走廊,這時候Sky Bridge已經開放,成為通往13-22號閘口的主要通道(唔洗再等接駁車) 出發當日,在起飛前3小時已經到達機場,接受完一連串的新出走Procedures後(Face detection / Self check-in & bag drop等),終於走到距離閘口不遠的機場新景點天際走廊,作為「半個飛機迷」既Koala,又點會錯過呢個機會?! 位於天際走廊入口的travelwell (Gate 24旁),是香港國際機場首家自助便利店,提供包裝食品、飲品和紀念品等,商店利用物聯網技術(IoT),顧客只需在進入時輕拍信用卡,貨物從貨架取出後便會先動計算價格,無需Check-out便能離開 雖然機場新景點天際走廊外型有點奇怪(帶中國風?),但係內涵搭夠,淨係可以近距離睇到飛機可以係大家腳下路過個種震撼,就已經值得花時間係呢度拍照和流連 【連橫四格】第一架係Sky Bridge上俾我見到既就係HK Express既飛機,雖然係載客200人左右的細機種,但呢次大家如此親近,感覺係有點不同 係天際走廊行到盡頭,就設有機場展望台Sky Deck,這裡除了有休憩空間和一些機場設施簡介外,可惜可觀性不及天際走廊Sky Bridge,沒辦法,世事往往就是無比較無傷害 由於當日天氣晴朗,配合天際走廊的玻璃建築和光線,內部都真係幾靚,部份位置設有高檯,如果Koala係機場禁區工作,我相信呢度可以成為在下開飯既地方 從玻璃位置地面可以清楚看到穿過橋下的飛機,影唔影到靚相,就要靠大家既觸覺靈敏度同鏡頭角度啦~ Oneworld塗裝的國泰機,令在下想起以曾是公司銷售Oneworld Explorer Fare (RTW)的Top Sales,就得2019年年尾售出了總數合共接近三十萬的四張RTW機票,因為疫情,最後都係Refund收場,該組客戶亦創下當年最高紀錄,共退回六十多萬機票款項 地上的黃色指標在下看不懂,但是這個直線構圖,真係唔多位置能夠拍攝得到 飛機的影子很光滑很美,多得陽光充沛和好天氣 面前的旅遊航空服務業,都因為疫情太久,業內很多人士都已經轉行,年初突如其來的開關消息,在沒有足夠時間、配套和人手下,令從業員適應不了,日日都有新鮮事,員工壓力自然大,流失率自然高,加上大薪金不高和沒有新人入行,所以人手嚴重短缺,希望作為旅客既既大家,在這段時間都能夠體諒! 拜拜你條尾!Ready to take off~ 兩隻Travel Buddy Stitch Bluegod同Kate the Koala,繼上年10出走日本大阪,今次又再陪同Koala飛Bangkok Refresh下 想拍攝(扮)站在飛機上機翼上的照片,是需要時間去「捕」,從相片效果可見,在下的靈敏度和角度仍有很大的進步空間,哈~ 轉個靚彎入直路,應該係時候準備起飛 兩「機」相遇,期待它們有頭對頭親吻的一刻,可惜遠方的飛機中途轉方向,導致拍攝不似預期 不知從何時開始,喜歡拍攝影子,光影組合有時真係好有趣,係Social Media Post張影子相,分分鐘可以幫你扼好多個Like 拍攝這輯相片之時,第一時間轉快到已移居海外的飛機迷朋友,朋友話D相有少少航拍Feel,只是玻璃上的倒影出賣了相片,有時只要換個角度,轉個跑道又如何?伸延閱讀漫遊香港 - 日落東涌觀景山出走六月曼谷2020 UOFlycation 空中暢遊 記錄漫遊香港 - 東涌觀景山 昂坪纜車 赤鱲角機場