Throwback在下Koala於葵涌山城(葵涌百慕達三角)工作的日子,相比起在旅行社工作的時間不算很長,但亦有一年零九個月之久,撇除所有負面因素,係呢段時間都可以話係學到野既,對於現在處事和炒散工作都有少少幫助,最難得可以係短時間內認識到一班來自不同背景的同事,部分仲Friend左,真係識人好過識字,哈!對於一份自己不太喜歡的工作,加上每天大量的體力勞動(朋友話Working Holiday就是這樣...),諗番起呢段日子真係幾難頂,仲有種入左青年訓練營既感覺(但係Koala已經係中熊),慶幸當時仍然有叫做生存到的收入,工作充實到無時間諗其他野,對於訓覺不是專長的Koala,夜晚未夠十點坐低係床都可以訓著,以身體疲累換取精神健康,其實都不是一件壞事。在這段期間,學懂了「環保3R」 - Reduce減量、Reuse重用和Recycle回收,再配合大力的「斷捨離」,呢兩年真係買少左好多無謂野,加上當時返工無乜衣著要求,可以著番係衣櫃閒置多時既Tee同牛仔褲,衣服上被漂白水洗禮過的痕跡,都是工作日常,截至離職之時,估計已報鎖了幾件Tee、兩條牛仔褲和三對鞋。由於山城物價比市區低,加上無得去旅行,真係可以儲到錢,成全在下係呢段時間繼續做「斜槓族」全職炒散,進行為期兩年既「40歲後留港Study Holiday」。 說好的同事聚會,竟然要在自己離職後接近半年才成行,隨著限聚令和口罩令撤銷,這次在石籬(二)商場參與飲茶Gathering共有六位成員(好一趟四娘教女更,哈!),雖然當中有一半人已經離職,但由於一齊係山城上渡過最艱的日子,所以感情特別要好 全職炒散既好處,就係沒有固定的工作和用膳時間,唔好處就係全天候24小時oncall,當日呢餐茶都算係一頓安樂茶飯,六人前下午茶還不到三百,個個都爭住埋單(係愛呀KC),係山城既消費物價,都可以話係在下唔捨得的一橫 只得兩小時的下午茶聚,又怎能滿足由外區專程到訪的Koala和另外兩位同事?下半場來到了在下至愛的馬記茶餐廳,平時最喜歡吃這裡即叫即做的炒粉麵飯和碟頭飯,是日能夠坐低慢慢享用西多士下午茶餐,感覺特別奢侈,只因一份西多不能能付每日體力勞動所需(也許能抵消每天卡路里消耗,哈)作為一個資深(芝心)旅遊從業員,大半生的工作經驗,都是在旅行社渡過,工作模式都是One Man Band,主要鎖售機票和跟進商業和家庭的旅遊安排(俗稱「湊客」),部分客戶早已延伸至第二代,疫情後仍然能夠得到熟客的支持,都係因為懂得客戶口味,了解他們所需,所以人與人之間的溝通真係好重要。相反在NGO時的工作,服務對象係當區市民,工作模式是一個Team Work,除了管理鋪面的日常營運,大部分時間都會在Whatsapp Group上聯絡、報數和跟進Report,雖然這些工作對於Koala而言是前所未有的簡單,但是要把事情做得好,卻一點都不容易,而兩者最大的共通點就是溝通。還記得第一日返工時的情景,當日早上在下走進工作地方Report Duty時,還未來得切向目標人物講早晨,就被一位年輕小伙子問及係返工定見工,其後才發現他就是我的直屬上司,在簡單講解工作後,第一個任務就係要開街站(但我當時仲未知上司同同事叫咩名Wor),一行出鋪,就見到接載開工的貨Van已經停在欄杆外,接著上司一句:跳過去上車(好彩個期成日行山做運動,在下身手都算OK),做細既Koala,唯有遵命。返工初期,發現進入鋪頭的人都好少會打招呼,亦分不出他們是到訪的市民還是同事,尤其是年輕的一群,見佢地識得直接行入Office先知佢地係同事。另一邊廂,原來50+的老世返工都係唔會打招呼,而且神出鬼沒,返左黎都冇人察覺,作為新人同資深(芝心)旅遊從業員的Koala,雖然唔知佢幾時返左公司,但係見到老世個人棟左係度,禮貌上都會嗌聲早晨或打個招呼,「唔該」更是老是常出現。直至在下工作了兩星期後,某天老世返工時主動向所有同事講早晨,從鋪面走到Office前一刻,在下合共聽到了4次「早晨」(當時連埋我共有3位同事在場),事後在這公司工作了多年的年長同事好激動咁捉住我講,當日係佢第一次聽到老世嗌同事早晨,感覺甚為震驚,哈!其實好多時你點對人,人地就會點對番你,自此之後,老世對在下又真係比對其他同事客氣,至少無係我面前爆粗。究竟係戴著口罩的日子會令人變得冷漠,還是年輕人對得電子產品多,就忘記了這些基本禮貌?結論:有怎樣的老世,才會有怎樣的下屬,也就是公司文化的一種,難怪當時有同事笑說,全公司只有一個人需要培訓,哈~ 以往返工時總會經過的石籬巴士總站,毗鄰石籬(二)商場,都是當時工作的服務範圍 過去幾年因為被迫留港關係,香港人都開始認真地探索我地居住既呢一個地方,某天收看Youtube頻道,才發現山城上的一角,原來是荒廢多年即將清拆的中轉屋,據說這兩座建築物(10和11座),是在香港碩果僅存,當然要把握時機,影番幾張相留為紀念啦 歡迎進入公屋博物館 由於這裡已經沒有人居住,故不是NGO的服務範圍,建築物位於山城較高部份,所以在山腰工作的在下,只會在巴士經過時會見過佢幾面 中轉屋人去樓空,晚上經過會否帶一點驚嚇感?! 公屋「三支香」設計的晾衫設施,感到用家都係識得玩雜技,少D臂力都晾唔到衫 這種設計的公屋,內籠都是四四正正的方形,沒有間格,只有騎樓位置才有窗(一段是廚房位置) 設計十分美觀的外牆,印象中(前元州邨好像都是類似設計)這位置通常是公共空間的大堂或走廊位置,既通風又實用在過去的幾份工作,都是在旺區兼港鐵沿線返工,就算返中環要過海,由於有直車,Office又位於港鐵出口旁,要趕及每天早上九時正打卡返工絕對無難度,仲可以買早餐返公司食添,身為長沙灣街坊既Koala,返工只需預留半小時便成事。而在葵涌山城工作,真實距離比中環近,但由於工作位置跟港鐵站有一大段距離,好彩仲有巴士到,可惜班次不多,在下作為其中一位鎖匙人,每天都要預留50分鐘出門口才能準時開鋪(返Office超幸福!),收工行20分鐘到葵興站坐港鐵返屋企,就當係做運動。疫情之下,好多Office都改左WFH (Home)形式工作,而NGO的工作就是一種地區工作,要同市民正面交峰,除左WFW (Whatsapp)仲要WFH (Hill),過往經常以「步兵」形式,推著手推車和噸袋,服務當區超過50座屋邨屋苑住宅大廈和多個工商戶,所以遊走山城(行山)亦成為每天的工作日常。正所謂消耗得多,就自然食得多,馬記的碟頭飯和炒粉麵都成為了在下至愛的午餐,以往返旅行社下午三時後才食下午茶餐,係呢度返工,中午12:00就會開始肚餓。營運初期,公司由於缺乏管理,導致流失率非常之高,有同事返工不足半天便離開,Whatsapp Group上的組員進出頻繁,Phonebook上已離職同事比在職的還要多。在下工作的山城支部,人手算是相對地比較穩定,由於部分同事在試用期後需要一至兩個月前通知才能離職,當中不乏多次的離職潮,直至Project營運接近一年,運作上才開始流暢,人手在年多後才叫做齊腳,在下於離開前的幾個月,總算有過短暫Honeymoon的日子。 這邊廂是比較新型的公屋,在Koala讀書時已經接觸過(曝露年齡系列) 話說在下曾經係梨木道留下了不少腳毛,見證過多次因天氣和水管爆裂導致"梨木河"的形成,係Blog度寫過斜路上的西餐廳 Marilyn Kitchen和街坊食店小上海,位於最高處轉角位置的佰味,在Koala離職前因加租已經結業,難忘老闆娘主理的中式牛柳,而在下方轉角的小食店,是Koala後期經常買燒賣牛肉做早餐的地方,至於最受歡迎的米線店,我只吃過一次咁多,因為它不是在下的那杯茶環保署轄下的綠在葵涌(上圖的「6」仔店),已經在01/04/2023成為歷史,對於支持環保回收兩年多的葵涌山城居民,以及在鄰近工作的市民,是個十分可惜的決定,另一邊廂,也許這是個預見的結局 《東方日報 綠在葵涌爆真空期 舊舖淪垃圾崗》(03Apr23)經過一年零九個月的鍛鍊,認識了葵涌山城(葵涌百慕達三角)這個地方,也許沒有港鐵直達是這裡最難得的優點,食肆未有被連鎖集團全面覆蓋,所以都食左唔少山城限定,街坊都好有人情味,可惜當時仍有口罩令,未能見到大家的真面目,回望過去,這段日子確實有好多的第一次和令人懐念既地方。對於未來,在下仍然心繫喜歡的旅遊工作,就如多位支持左Koala多年既客戶話齋,在下身上流著旅遊既血,亦充滿了旅遊DNA,與此同時,我亦感謝幾位老世,俾機會我把NGO工作和課堂上的知識學以至用,接觸更多的新事物,為往後未知的日子再作準備。伸延閱讀2022 Koalascities (^O^)! @ U Travel 小總結40歲後留港Working Holiday