在過去的聖誕節和農曆新年假期，因為兩個節日相距太近，期間要趕返工趕返學趕功課搞到忙過不停，返學返到年廿九仲要Presentation真係唔知咩玩法，由於Part time紅日開工有雙工，所以年初二三繼續返工，趁呢兩年全職炒散試下做Slasher，只要每月賺夠洗費，有機會就咩都要試下玩下。兔年之始，收到某個行山Group傳來「行山拜年法」(究竟係咩玩法？)，最終決定係大年初八(突然轉凍個日)，聯同2019年12月出走沖繩(遊記都仲未開始寫...)的原班人馬，杜小姐和叔叔發登上3年前征服過既筆架山，來一趟新春行大運。 說好的筆架山行山，得知山路連結獅子山，即興其實也不錯，那就向獅子山出發吧！ 大年初八，恭喜發財！原本以為只係行筆架山，所以拎左支水，求其著對跑鞋就出發，突然變上埋去行獅子山，難度即刻由1星級上升至2.5星級，好彩對HOKA Clifton8都頂得住 新年新唔線，行完樓梯上龍欣道，一開始就玩劈路，唔行車路行小路，既然3年前已經寫過筆架山，今次就將筆墨集中係下半段既獅子山 因為劈路，所以好快就上到去筆架山的最高處，民航處小雷達的所在地 春天既氣息遊走路線畢架山花園 > 龍駒道 >龍欣道 (樓梯上) > 麥理浩徑5段 (筆架山觀景台) >九龍坳 > 獅子山山頂 > 獅子山公園 是次從筆架山走到獅子山山頂，回程由獅子山公園(天馬苑)離開，全程7.62公里，途中有多個上上落落，以登上獅子山頂一段最艱辛，部份石級需要手腳並用，對於這三年間穿梭香港各大山頸既山友來說，都能夠應付 從筆架山前往獅子山的中段，發現了筆架山觀景台，據說造裡是拍攝九龍夜景的好地方 行山當日天氣寒冷，幸好有太陽相伴，眼前的九龍全景未算十分清澈，但獅子山下仍然壯觀 到達九龍坳打卡位 繼續前進，轉個靚彎，風景又再不一樣 四選一分岔路，跟隨話事人指示，向獅子山山頂進發！ 沿途會有一些區石，都是天然的展望台，可供山友拍照和小休 再走15分鐘(30分鐘吧)，就會上到獅子山頂，還記得我們在這裡吃朱古力補充體力啊~ 登山路段後段比較崎嶇，部份需要手腳並用(忘記帶以前對開工手套)，只要小心一點，其實不算難行 疫情下無得出走，個個都走去行山，回顧呢幾年行過既山(遠足路線)都不少，但在下竟然未行過香港地標既獅子山，路牌顥示前方為懸崖，切勿前進，但就仍然有好多山友繼續爬上去，都係個句，行山時記得要注意安全同埋量力而為呀~ 獅子頭，亦即是獅子山頂，由於不是正規路線(前方為懸崖，切勿前進)，所以路段比較崎嶇，每一步都係要靠自己去應對，對於久未行山既Koala來說，是要花一些體力 獅子山頂上的風景 回望有石級通往獅子尾，感覺比上獅子頭輕易，由於未有拜訪，故未能寫出比較 從獅子頭上，除了可以飽覽九龍半島，還可遠眺對岸港島上的山脈 另一謗廂，是沙田大圍一帶的景色，還附送很多的電纜 是次行山，發現路上多了很多香港遠足挑戰的Check Point 通往黃大仙天馬苑，後段為幾百級鋪設完好的石級，落山比上山輕鬆 行完山就當然要補充一下體力，去左南山邨品香樓，同山友食番餐開年飯，除左友人指定食物乾炒牛河，仲點左個咕嚕蝦球，希望係兔年大家都Keep住嘻哈大笑 挑戰膽固醇系列 - 邪惡的椒鹽鮮魷，有叔叔同杜小姐陪食，無有怕，哈~ 時辰到，追加3個下午茶餐其實都係為左杯飲品，行完山食西多都是必需的，XO醬少腸粉都好澈烈伸延閱讀天殘樹熊跑步記 - 再戰筆架山天殘樹熊跑步記 - 週末跑步營
