在這段全職炒散的日子(40歲後留港Study Holiday)，早起對Koala而言實在相當困難，只因晚上時間永遠不夠用，令到睡覺時間不斷推遲，但如果是有必要的話，無論是工作還是玩樂，在下都能夠準時起來。回復了自由身個多月的Koala，旅行社工作和功課又再忙起來，由於前陣子太過放縱自己，還完飯債就輪到Blog債，功課同溫書既Priority仍然放到最後，繼續做Deadline Fighter!漂泊不定生活，在下仍在適應中，多得過去的客戶支持，這陣子總算過得不錯，Lunch time仍然可以自主在不同區域覓食，繼之前兩篇富多來商場食記，今次又再帶大家來到大角咀放飯。 遠離港鐵奧運站商場的Comfort Zone，過多幾條馬路(大家可以大角咀道上的西九龍走廊(行車天橋)來認路)，就會到達今日為大家介紹既博文街，從博文街起，一連幾條橫街都開了不少餐廳，環球美食，豐儉由人位於大角咀的博文街，鄰近匯豐中心，街上酒吧林立，早前舉行世界杯之時，氣氛甚好，只是酒吧不是Koala那杯茶，覓食才是在下目標，在下用左3日時間覓食大角咀，大家花幾分鐘就可以瞬間品嚐環球美食。排名不分先後，今次帶大家先返「鄉下」日本食個拉麵，再去台灣歎番個蚵仔魯肉飯，最後直飛意大利，享用一個Pasta Penne，以甜品Tiramisu作結。向日本出發！(大家一齊返「鄉下」~)大丸ラーメン地址：大角咀博文街22號地下B舖 食店中午12:00開市，在下11:45來到，門外已經出現了超過10人的人龍，等候期間先自行點餐，如無意外，第二Round有得食，面對海量的食客，店方已經掌握到如何有系統地安排食客排隊輪候，這都是日本人待客之道 全店共有3位店員，日本廚師和員工負責廚房，女店員就係樓面收錢執檯分流食客一腳踢，目測每個崗位都忙過不停，本身飲食業已經夠辛苦，呢度咁大流量，應該都幾多野做，食客們都要體諒呀~ 一場黎到，緊係試左個每日限量供應既貝丸先啦，其實入黎之前，食客早已心裡有數 吧檯上的調味料和紙巾等用品都已準備好，果然係日人主理食的特質 店方為每款拉麵分別提供醬油、鹽味、蝦湯三種口味，首次拜訪，就點左個貝丸配鹽味湯底，配料有蜆、糖心蛋、木耳絲和日本叉燒等，各種食物都表現得不錯 當拉麵吃到尾聲，Side dish大阪燒風味餃子終於上檯，對於一個Blogger來講，未能夠以同一張杷片涵蓋所有點餐，其實都不是壞事，餃子鋪上了大量木魚絲，味道是有一點新鮮感 日本美食對港人來說，永遠都有一股熱潮，大丸ラーメン多得商台DJ森美加持，由長龍店，變成更長龍店 大丸ラーメン位於博文街接近最深處，試菜完畢，個拉麵係好食既，但係個輪候過程體驗就麻麻，在下還是喜歡想吃便吃這種感覺下一站台灣好吃吃光 Eat up地址：大角咀博文街4號地舖 某天在Youtube瀏覽時，發現了好吃吃光這家台灣菜食店，熱愛蠔的Koala當然要搵機會過黎試下啦！Set Lunch有前菜、主菜同飲品，可加配小食或升級飲品，餐廳還有甜品芋圓鮮草和糖不甩 係台灣食到既魯肉飯，通常都係細細碗，黎到香港就會變身成為增量的加強版，是日點餐：月見海老蚵仔魯肉飯，安全起見，要了隻熟蛋，蚵仔十分飽滿，海老味道清淡，個魯肉飯都幾好食 蚵仔十分肥美，魯肉飯的汁亦沾滿了白飯，都係一個少邪惡食物 海老(蝦仁)細細隻，肉質經過乾煎後比較結實，口味淡淡的 食店裝修簡約，設於餐廳最深處的EAT UP Neon Sign十分搶眼！ 慶幸餐應下午四時半才落場，在下當日才未至要摸門釘，午餐五六十起跳，近日再訪博文街，人流明顯增多，Lunch time經常座無虛席 這次的午餐，是發生在台灣未開放俾港人前往之時，如果你問我有冇台灣味道，我確實同你講，可以去好吃吃光頂住先下一站意大利Ristorante Pizzeria Da Vincenzo地址：大角咀博文街10號地舖 附有食物照片的Menu從來都比起文字吸引，開餐之餘更可以學習各種意大利食品的英文和意大利文，單是意粉的種類，就算每日學一種，也許都要花大半個月時間 店內空間不大，估計最多可容納20多人，紅磚牆身和富意大利元素的黑白照片的陳設，加上全英文服務的印度侍應，我以為自己仲係中環返工放飯 食意大利餐麵包通常都用上Ciabatta，再配上橄欖油和醋來吃 是日餐湯係十分足料既蘑菇湯，餐飲捨棄咖啡(應該係當日早上飲左)，要了杯熱檸茶 其實好想試Pizza，奈何一條友食飯係有D限制，所以當日Order左個羅勒松子汁長通粉Penne Pasta with Basil Sauce, Pinenuts & Parmesan Cheese，賣相看似簡單，味道相當不錯，長通粉軟硬度適中，從芝士份量可見食店十分慷慨 吃罷長通粉後加錢(HK$15)要了大會指定甜品Signature Homemade Tiramisu，Tiramisu口感香滑，為這頓午餐劃上完美句號 大角咀真係好多卧虎藏龍，呢間Ristorante Pizzeria Da Vincenzo，真係可以媲美佐敦的意大利小餐館SFIZIO Italiano，有下次！在過去的Easter Holiday假期，Koala都有遊走大角咀一帶，發現好多小店都未有營業，在此再次提提大家，小店就是任性(你放假人地都要放假架，相信好多時都係有苦衷既...)，加上好多小店都只係由一人大廚包辦，不定期休息日和中場休息，在下早已習慣了(出發前自己上餐廳FB/IG check啦~)，想食好西，有時都係要講彩數，哈！~請支持小店！伸延閱讀賞味香港 - 覓食大角咀富多來 (Part 2)賞味香港 - 覓食大角咀富多來 (Part 1)
