近日展開了新的Part time工作,需要重新調校Weekday的每日日程,收工後仲趕得切收聽半集Do姐同迪偉傑朱Dickson主持既電台節目《口水多過浪花》,有時間仲可以返去旅行社Office做下野,順道Print埋Notes夜晚再去返學。對於「辛苦命」既在下Koala,過了兩個月自負盈虧WFH的日子,感覺有點空虛,由於時間太多,工作亦變得懶散,原本想找份早班兼職,既可增加收入,又可回復早起習慣,卻因為需求關係,被安排在中午當值,也許在沒有必要性的大前提下,加上這陣子氣溫驟降,每天能夠在早上十時起到身,食埋個Early Lunch再返工,已經不錯。某天收工又要去尖東開工,天寒地凍,好想食碗熱湯拉麵,就令我想起了位於金巴利街的性格小店 海 三碗麵。根據開飯網資料顯示,餐廳每天從下午二時開始營業,再細閱食客Comments,兩點只是個最大機會開店時間,去到要唔要排隊定係可以即刻入座,都係好睇大家彩數,正所謂「小店就是任性」,這家只有六個座位的麵店,從廚房到樓面都是由老闆一個人打理,有時侯為左美食,是要付出一點時間成本。 在Foodie IG上認識的 海 三碗麵,從店名和云云的Comments上,已經深深感受到食店的態度,這年間先後兩次到訪,食客基本上都是清一色點選海蝦濃湯Roast Beef伊麵,包括在下的第一次 餐牌就在店外位置,方便食客在輪候時揀選食品,食店每日提供三款不同湯底的麵食和海牛堡,間中會有期間限定的口味,這次在12月中到訪,給Koala遇上了冬季時令的忌廉廣島蠔湯,雖然定價十分進取,但是機會難逢,當然要把握呢個機會試新野啦! 從廚房烹調到樓面落單收錢執檯,都是由老闆一人主理,閒時會跟食客聊聊天和詢問食後感,從老闆在廚房工作的身影,都可以感覺到在其一個人的浪漫 從玻璃窗可透視廚房內的環境,伊麵和燒牛肉等食材,早已準備妥當 食店只有六個座位,所以每一輪都會出六碗伊麵,配料燒牛肉切薄片放好,然後再由老闆以火鎗火灸至半生熟,加入櫻花和蔥花後才上檯前 蝦味濃郁的海蝦濃湯Roast Beef伊麵,深受食客歡迎,麵上的櫻花蝦數量之多,可見老闆十分慷慨 一口湯配一啖麵,是在下吃湯麵的食法,由於喜愛飲湯,這亦是Koala的致肥原因之一 食品提供一次性的竹筷子,筷子上印有富中國色彩的藍色圖案,有一種低調奢華之感 是日點餐,為店方期間限定的新湯 - 忌廉廣島蠔湯Roast Beef伊麵,伊麵和火灸牛肉依舊不變 老闆以火鎗燒至半生熟的火灸牛肉,保留了適量的油脂,入口鬆化香口,再配上蔥花和櫻花蝦,令賣相十分討好 火灸牛肉加入了黑椒調味,配上蔥花已經好好食,再加入櫻花蝦又有另一種風味 蠔是冬季時令食品,亦是Koala喜歡的東西,白色的忌廉湯十分鮮甜滋味,質感相當濃厚,用餐當日氣溫只有十二三度,在室外經歷了長時間等候,再吃一個有水準的熱湯伊麵,感覺特別滿足 位於尖沙咀金巴利街 海 三碗麵,位置有點隱閉,每次從尖沙咀行過去,先要花一點時間找路,輪候時間要幾耐就要視乎當日食客人數,所以能夠成功食到呢碗麵,都需要付出一些心機和耐性海 三碗麵 在美食打卡界都幾有名,礙於用餐的「難度」(營業時間/食客耐性)和One Man Band老闆的態度,每天能成功入座的食客估計不多。身為「中熊」的Koala先後兩次單拖進餐,第一次去到剛好有最後一個位,唔洗排隊可以直入,但在第二次到訪時,卻遇上了長龍,目測食客都是以年輕的潮人為主。由於當日氣溫只有十二三度,在食店門外等候的50分鐘,變得十分難捱。在輪侯期間,Koala曾經兩度想過放棄,最終認為時間許可,才能繼續堅持等下去,結果還是被美食收服,點餐後10分鐘終於有得食,最後以15分鐘影相同完成個湯麵,之後就寫左呢個Blog啦~海 三碗麵地址:尖沙咀金巴利街1D-1L號地舖伸延閱讀賞味香港 - 尖東海傍的中東午餐 Bushra賞味香港 - 尖東印度素食餐廳 Woodlands賞味香港 - 葵涌 有口福 牛什專家 越南河賞味香港 - 葵涌石籬 老牌快餐店 食口福賞味香港 - 潮州人胡椒湯底粉麵 老字號強記糯米飯