數數手指，在下自10月回到旅遊工作，眨下眼已經過左兩個月，由於家陣大部分日子都係WFH，工作時間都比較Flexible，午餐選擇從長沙灣擴展到不同區域，所以兩小時Lunch Time對於Koala來說，絕對不是夢，哈！有收看Koalascities (^O^)!既朋友，應該都有留意到，大角咀是在下Koala近年習跑和閞飯的「兩小時跑步(生活)圈」，繼早前跟大家分享了三間位於富多來商場的餐廳(比較熱門的長龍店)，今次就為大家介紹一下，同一個場的次熱門餐廳(無咁長龍店)，當中包括中式、西式同泰式，價錢豐儉由人。 位於大角咀的富多來商場共有兩期，地鋪外圍主要為餐廳食肆，選擇相當之多，至今在下只嘗試了十間左右，有待日後繼續努力第四站：向意大利威尼斯出發！威尼斯餐廳地址：大角咀櫸樹街50號地舖 記憶中首次前來為某個星期六的下午，當時全店滿座，落單之後就由這杯熱咖啡展開序幕，然後足足等左40分鐘先有得食，熱咖啡賣相吸引，幾合Koala口味，只是每次提起這隻咖啡膠杯，都是如此輕盈，感覺有點怪怪的 餐廳午市主要供應Set Lunch，包括一份主食，餐湯或飲品兩個Course，如果要兩者兼得變成3個Course的話，加十蚊就可以配熱飲，到訪當日的餐湯為忌廉蜆肉湯，味道不錯，而且用料十足，所以近日兩度前來用膳，都會加錢要埋杯熱咖啡 這個胡椒鴨墨汁意大利飯在開飯網得到眾多食評推介，咁就當然要試下啦！ 在主食胡椒鴨墨汁意大利飯上檯時，咖啡都已經放涼了，咁講真個飯都幾好食，鴨胸就一般般啦，作價五六十蚊食一個有水準的Set Lunch，個人認為抵過食茶記 就以Koala幾次前來用餐的經歷，目測Set A黑松露炭雞芝士燴飯，似乎是食客喜愛之選，所以今次在下都要試一下，親身感受係咪有芝士就好食既定律，總結呢款食物係邪惡而好食既 最近一次到訪，係平日下午兩點幾，點左個比較簡單既香草帆立貝雜菌長通粉，所以好快有得食，味道不過不失啦，根據安心出行登出時間記錄，呢餐我只係用左三十幾分鐘完成 威尼斯餐廳由一對男女主理，男士為廚師，女士為樓面，鋪面裝修簡單，店內可容納約20人，也有製作外賣第五站：向廣州出發(粵菜)良順興美食地址：大角咀博學里9號富多來商場一期地下60號舖 晚市主打私房菜的良順興，午市亦有各種精選飯餐供應，這次Koala前來享用了店方名物煎肉餅 是日肉餅口味為香煎雞軟骨肉餅，可選配豉油或辣椒油，是次選擇了後者，辣度對不吃辣的Koala來說可以接受，有點像辣味XO醬，精選飯餐附有中湯 雞軟骨和煎肉餅這個組合實是新奇，其實就咁煎肉餅已經很好吃，從賣相亦睇得出廚師功架 認識良順興是因為月前在Youtube上看到介紹大角咀美食的Video，主持人和餐廳Instagram聲稱餐牌每星期會變更，亦會有不同口味的煎肉餅供應，可是每次路過食店，仍然是香煎雞軟骨肉餅 位於橫街的食店，門面十分低調，幾次晚飯時間路過，都發現門前掛上只做訂檯食客的牌子，再次證明大角咀到處都是卧虎藏龍第六站：向泰國出發泰家雯泰式去骨海南雞飯地址：大角咀櫸樹街32號富多來商場地下 餐牌只有一頁兩版，有飯餐、湯粉麵和小食等，附有中英泰文，價格十分親民，到訪日翻檯速度很快，飯類於1430-1700下午茶時段仲可以平幾蚊 首次到訪，選擇以低成本高效益方法試菜，一次過試晒泰式海南雞和豬手配油飯，加埋特飲青檸梳打都不過是HK$50，豬手和油飯都算合格，海南雞表現OK，但是雞胸部份肉質不滑，附送的湯是紫菜湯，感覺有趣 星期日跑完步黎到大角咀開餐，由於多家小店沒有營業，揀左價錢親民既泰嘉雯食海南雞飯，在餐廳用膳的二十多分鐘，食客已經貨如輪轉，離開時發現多份外賣在鋪外列隊待取，可見此餐廳深受街坊歡迎提提大家，有時小店就是任性(其實好多又真係都苦衷既...)，部分食店好多時有不固定休息日，又會有中場休息，星期日同公眾假期又有機會唔開，有時亦會因為人手問題而暫停營業，無非都係想保持食物水準，去滿足每一位食客。請支持小店！伸延閱讀賞味香港 - 覓食大角咀富多來 (Part 1)賞味香港 - 玉子料理餐廳 Tamago-EN たまご園
