告別葵涌工作的日子已接兩個多個月，出走完大阪又放縱左成個月，返學都返左一段日子，稍後又會有新挑戰，基本上都能夠按照在下所計劃而行，感覺不錯。現在Weekend比較空閒，可以逐步找番條Blog數，目標係在2023年重回正軌，寫番呢兩年既經歷同追番之前既遊記，希望每星期至少出到一篇Blog。黎緊幾篇Blog，都會和大家分享一下，在下於葵涌山城歷時21個月的「40歲後留港Working Holiday」的蹤跡，雖沒有驚天動地的景點，但都有平民貼地的食店。********************位於「葵涌百慕達三角」和宜合道上的Flying B Coffee，打從在NGO見工經過時，已經在腦海中留下了印象，因為好像整個區域，就只有這一家Coffee Shop，有我想喝的Flat White，也有水準不錯的意粉和日式丼飯，相對同區其他餐廳，價格是比較高，但如果要跟以前係中環返工時比較，這裡主食連咖啡才不過六七十多，價格可謂相當實惠。到正式開工時，和宜合道和石蔭路上的餐廳，都成為了Koala的開飯點，當中很多都是地道茶記和小店，部分都有係Koalascities (^O^)!出現過，唔知大家會唔會因為睇左在下既分享，而專程去試下呢個唔多就腳既區域呢？哈~ 排名不分先後，喜歡吃蠔的Koala，對這個吉列蠔飯情有獨鐘，每次Lunch time經過時係Menu出現而食店又有位的話，都會帶到我入去光顧 Coffee Shop只有3張餐檯，連同High Chair共有16個座位，是次難得可以坐檯(唔好諗左其他野)，應該係12:00放飯，是日午餐係吉列豬排飯 食店裝修簡潔帶點文青Feel，牆上放了一些手繪圖畫和粉筆畫，餐牌又係典型Cafe所用的排版再造紙揭頁Version，食物每天輪流推出 這個泡菜豬肉意粉，少少辣好醒胃，是在下初期常點的食物，但在近月已經少見 還記得到訪當日人手不足，食個Lunch都要趕頭趕命，趕住返鋪頭頂更，所以係Koala印象中，這個黑松露雜菌意粉一點都不好食(不是食店的錯)，所以之後都無再點過這款食物 從來不明白，時下年輕人為何這麼喜歡溫泉蛋卡邦尼意粉，所以係當日見到就即刻點左黎食下，我只能說，Carbonara不是我杯茶 秘制肥腩肉飯，感覺中西日式都有，Fusion得黎係幾好食的 天時暑熱，見鄰桌食緊冷麵，我又點番個雜錦天婦羅冷麵先，整體感覺良好，飲品仍然Order左熱既Flat White 每次來到Flying B，其實就係想飲一杯Flat White，食店提供積分卡，有十送一優惠，如惠顧主食，亦可以半價享用飲品，在下Koala係葵涌山城工作既21個月，儲左21個印仔，換左兩杯Flat White 店子小小的Flying B Coffee，雖沒有浮誇的打卡門面，但有富水準的咖啡茶、Frappe和Soda等飲品供應，數數印仔數目，在下平均每月都有光顧(通常在出糧日要食好D)，Koala在這裡有著很多的回憶 小店由兩三位年輕人主理，從店內的裝飾可以得知幾位都是愛咖啡和愛貓之人 Flying B Coffee就在和宜合道上的中間位置，也是區內罕有的Cafe，對面就是Silka Tsuen Wan Hotel(當時為檢疫酒店)，位置好易認Flying B Coffee地址：葵涌和宜合道160號伸延閱讀賞味香港 - 葵涌山城上的鑊氣茶餐廳 尚品小廚賞味香港 - 葵涌山城上的雲吞麵 潘記麵家
