不經不覺,在下係葵涌山城已經工作左超過年半,唔知係咪太耐無得出走,加上大量的體力勞動和NGO不可理解的管理方式,身心感到前所未有既疲累,長命工夫長命做,飯總要吃,多得美食仍然能為Koala解千愁,哈!承接上篇潘記麵家,今次繼續同大家係葵涌山城上覓食,石蔭路上既茶餐廳何其多,而在下最愛在地街坊小店,尚品可以話係馬記以外,Koala去得最多既茶餐廳,午市除了有碟頭飯、小菜客飯仲有炒粉麵飯,下午茶Menu看似更加豐富,共有超過40款粉麵飯的選擇(同樣在晚市供應)。每次來到尚品,通常都係兩點過後,就算得自己一條友,正常Lunch Time係一定要等位,難得下午茶Menu兩點後生效,部份午餐都僧即時加入戰團平幾蚊,係食客之福!呢度既炒粉麵飯都好夠鑊氣,據「葵涌百慕達三角」既街坊報料,小菜小少都好出色,所以都好喜歡晚市係度加餸。 某天想食個蒸肉餅,見餐牌只有咸魚蓉煎肉餅飯照食,肉餅煎得香口,有咸魚香,感覺不算太肥膩,旁邊個幾條菜心係驚喜(加分位),奶茶和茶走少甜,都是常點的飲品 記憶中當日你想去馬記食個黑椒牛排飯,但因為小店就係有無定向休息日冇開,所以黎到尚品就點左個馬記無既燒汁牛排飯啦,味道方面可以話係各有特色,呢度既牛排飯係典型茶餐廳口味,馬記個隻就惹味D,同埋附送牛排碎上 呢次係被迫同高層食飯,成餐飯都係公事為主,Order左個一直想試既豬手飯配燒汁,豬手十分腍身,而且骨膠原豐富呀~ 高層同事點選既芫茜蠔仔肉碎湯飯,Koala都好想試,但一直未有勇氣去挑戰,係香港食親蠔都出事既縮命,唔想腸胃受罪同影響工作(輪班工作真係可以影響深遠),在下都係小心為上(我眼見高層食過兩次都冇事,應該係安全既)鑊氣炒粉麵飯出沒注意! 雪菜火鴨絲炆米一向都是受歡迎的炒粉麵,尚品出品,不過不失 估唔到呢個豉油王肉絲炒麵又幾好食,其實唔落肉絲都OK 茄汁腸仔炒飯 - 西炒飯一直係Koala小時候既情意結,尚品既西炒飯只有腸仔和沒想過會有既蝦仁,但沒有三色豆 干燒伊麵都係我喜歡既炒粉麵,加少少辣油食好滋味 來一點刺激的,這個五香肉丁炒飯,混合了五香肉丁罐頭的辣汁,在下作為一個五香肉丁愛好者,呢款炒飯都幾過癮 有時會係呢度,發現一D想像以外既炒粉麵組合,呢個滑蛋牛肉炒河午餐,感覺怪異,但食落又幾好味 為左減低Liar野風險,當日嗌左星洲炒米同同事開心Share,個星洲炒米都好出色! 難得同同事一起午膳(代表當日好忙),點了福建炒飯和家鄉炆鴛鴦米一齊分享 每當食飯時間走在葵涌石蔭路上,餐廳外定必出現人潮的食肆有好幾家,除了Koala的All Time Favourite馬記,同唔明點解Anytime都好多人既新金豐,仲有呢間鑊氣茶餐廳尚品小廚尚品小廚地址:葵涌石蔭路79號地下伸延閱讀賞味香港 - 葵涌山城上的雲吞麵 潘記麵家賞味香港 - 葵涌港式滋味 馬記茶餐廳