自從香港入境檢疫措施，在過去的8月中再次縮短為3 + 4(只需3晚指定隔離酒店)，吸引左好多香港人重新出走，加上大學聯招放榜，打從8月尾至10月初，飛去海外既機票，尤其是英國真係一票難求。正所謂「好天斬埋落雨柴」，在下都要把握呢段時間去做下機票，已經好耐無再約朋友係Weekday食飯吹水，除了工作，還是工作，工作已經佔據左Koala所有時間，所以呢幾個月都冇乜寫Blog既動力，但係「飯總要吃」，惟獨美食仍然在Koala心目中佔一席位(跑步和電影已經放置一邊)今次繼續同大家分享葵涌山城上(葵涌百慕達三角)既食肆，主打雲吞粉麵的潘記麵家，食店位於街市之中，據街坊報料已經開業多時，單拼粉麵HK$25/碗，雙拼加十蚊，雲吞墨丸粗麵是Koala常點的食物，再加六蚊配支裝汽水是必須的。 潘記的雲吞牛腩麵，雲吞大大粒，牛腩是柱侯個種傳統的味道，味道不錯 以往食得比較清，主食都會傾向選擇食米粉，往後工作上太多體力勞動，令Koala已經放縱自己選擇食粗麵，這個雲吞墨丸米現在已不常見 作為葵涌山城上的街坊麵店，定價未算太進取 其實牛筋也做得不錯！ 同事話潘記水餃好好食，所以呢次Order個水餃麵詆下，水餃好巨型，令在下想起了中環的三多 經NGO同事感染，近期飲多左可樂，主食繼續係Koala至愛既雲吞墨丸粗，加少少辣油就Prefect 支忌廉汽水係太古汽水新既玻璃樽，容量250ml，樽身設計比之前輕巧，飲品選擇比以前更多，包括紅茶花伝的茶類飲品，玻璃樽可重多次用更環保 這種紅底黃字招牌既雲吞麵鋪，梗有一家係左近，起初一直對潘記沒有信心，後來因為有多位街坊推介，先拉埋同事一齊去試食，感覺不錯！潘記麵家地址：葵涌石蔭路137-145號伸延閱讀賞味香港 - 「葵涌百慕達三角」上的四川紅薯粉賞味香港 - 「葵涌百慕達三角」上的山西刀削麵
