平日鍾情小店既Koala，放假不時會四出尋找美食，也許近期工作太忙，假期唔想再傷腦筋，亦沒有體力再體力勞動，所以鄰近屋企既商場V Walk(以往是在下做完運動返家的必經之路)，就成為這陣子常到的開飯點。位於南昌站上蓋的商場V Walk，去得最多應該係超市同麵包店，商鋪都以連鎖店為主，部分是首度進駐深水埗，總算有點新點子。自從在「葵涌百慕達三角」工作後，依家每次走入大商場，都好似有種「大鄉里出城」既感覺，今次要同大家分享既餐廳，就係走中高檔路線，LUBUDS飲食集團旗下的新派越南菜囍越 What the Pho(陳豪咖啡BLOOMS都係其中一員)，同大家分享一下高CP值的平日限定。 主打新派越南菜既囍越 What the Pho，在V Walk店裡有一幅很搶眼的大壁畫，畫面卻是泰國的大象和Tuk Tuk，Anyway, 對於在下來說，外出覓食，食物質素才是首要條件，裝修只是其次，就當自已係泰國食越南菜也不錯 下午茶餐跟午餐Menu相同，同樣可補錢加配小食和甜品，分別在於HK$10差價，Tea Set平日1430供應，加一服務費少不了 WTP(火車頭)湯粉，即是越式的雜錦湯粉，用料十分豐富(生熟牛肉、牛筋、牛栢葉、牛丸和白蘿蔔)，啱晒係食方面好貪心既Koala，一次過可以試晒咁多款配料 作為越南菜代表的生牛肉湯粉中的生牛肉，每次食的時候總會浸熟才吃，WTP的生牛肉切得夠薄，口感不錯，湯底帶淡淡牛香 熟牛肉很多時都會係牛腩或牛輾，這次在WTP的熟牛是肥腩加瘦腩，表現比生牛肉出色 以前小時候食越南菜，好像一定要點生牛肉湯粉，長大後隨著飲食經驗豐富，又去左幾轉越南，越式牛丸粉成為了Koala的新寵，正所謂識食緊係食牛丸啦，越式牛丸跟潮州牛丸相似，細細粒爽口彈牙，肉汁非常豐富，咬開牛丸見到有咁多氣孔，就知係好野 正所謂小吃多滋味，WTP的火車頭湯粉，無論生熟牛肉、有牛筋、牛丸和牛栢葉，每種都有兩件，很久沒吃牛栢葉了，這個算是爽口 自從加入NGO工作，每日都需要大量體力勞動，對於以往做慣文職的Koala，胃口增加應該是最大的轉變，吃罷火車頭還可以幹掉一份蝦餅，已經成為這年多的事實 是日又再到訪，由於天氣熱餓意麻麻，清清地來一個香茅雞翼金邊粉，飲品點一杯凍檸茶降降溫 現炸的香茅雞翼很夠香口亦好吃，作為一家走比較高檔路線的餐廳，跟湯粉分開上是必須的，但凍飲用膠杯盛載就似乎有點不夠誠意 這次未有加配小食而改要甜品，令假期午餐變得更豐富，椰青糕口味清淡，有點像大菜糕 看見咖哩牛腩飯可改配薄餅，就算要補HK$20，在下仍然樂意接受，因為當時真的好想好想試，小食在越南春卷和燒牛肉蝦片之爭下選了前者(燒牛肉蝦下次再食！) 這個咖哩牛腩賣相討好，而且辣度不高(啱Koala)，牛腩肥瘦都有，薯仔都做得很入味，加HK$20配薄餅是個Perfect Match 率先上場的越南春卷，隔住口罩都感受到即叫即做的那股氣場，新鮮度十足，食越南春卷的正確食法，是要用生菜包住春卷，再點魚露食，奈何在新常態下要"出手"食野，感覺有點高難度 位於港鐵南昌站上蓋的V Walk，商場就是跟月台一樣長，新派越南菜囍越 What the Pho，座落於商場二樓中庭，餐廳鋪面以半開放式裝修，Causal得來亦頗有格調百幾蚊食個下午茶餐係咩有法？平日下午可以俾食客坐足個幾鐘，食物又不錯吃算係咁啦中途插播同事Whatsapp + 電話求救處理公事真係未開餐，先工作(空肚去工作)有一種餐廳主要功能是食環境，WTP算這種囍越 What the Pho (V Walk店)地址：深水埗南昌V Walk 2樓 L2-107號舖伸延閱讀賞味香港 - 平日限定的越式午餐 Nha Trang 芽莊越式料理賞味香港 - 荃灣街坊小店 越Home越式料理 鴻輝記甜品店
