身為長沙灣街坊的Koala，原來已經好耐無係本區覓食，某日行經青山道時，發現了兩家新店，今次為大家介紹的鳥海山鐵板燒，是這區罕見的日式鐵板燒餐廳，而另一家越南菜館，鋪位幾度易手都是食店，但就未有光顧的興趣。到訪日為食肆放寬限聚令的頭幾天，下午一時許到達，餐廳早已坐無虛席，就算是一人到訪都要耐心等位，經過10分鐘的等待，Koala成功被安排入座在加位之上，感覺還好。早已Target了HK$138的鐵板套餐，可以一次過試晒牛肉薄燒、雞排和魷魚筒幾款食物，作為入門版的鐵板燒，味道尚算不錯，但未知是否因為大量食客光顧，而導致當日安排有點混亂，幸好四眼女服務員積極的服務態度搭夠，為食店挽回不少分數。 午市鐵板定食最平HK$69就有交易，配白飯、雜菜和味增湯，想食好DD，來一個HK$138的鐵板套餐 鐵板燒以外，餐廳午市亦有提供魚生刺身丼飯和壽司拼盤等，只是樹熊不吃魚，所以不再考慮之列 當日餐廳十分忙碌，點餐後很快便得到每個定食都有的前菜沙律和味增湯 是日精選刺身有三文魚、八爪魚和魷魚，刺身新鮮，賣相亦討好 由於當時餓意正濃，白飯未及上檯，我就已經清左碟牛肉薄燒，呢個整得好好食，牛肉卷起了大量的蔥蒜，生熟度剛好，好想再Encore! 白飯來得切在魷魚筒和雞排(或三文魚二選一)上檯前到達，兩種食物味道香甜，雖然都不是甚麼昂貴食材，但是佐飯一流 鐵板燒套餐以炒雜菜作結，感覺總是怪怪的，如果個套餐有埋甜品就好啦，就算係雪米磁都好，哈！ 鳥海山鐵板燒，位於青山道旺中帶靜的路段上，鋪外擺放的燈箱和裝修，都夠日本風味鳥海山鐵板燒地址：長沙灣昌華街富華廣場地下18號鋪伸延閱讀賞味香港 - 來自台灣的沖繩飯糰 飯丸屋賞味香港 - 長沙灣 炯記餐室 鵝油撈麵
